Matthew 20:16 - Yak'usda Ooghuni

¹⁶ ꞋEt huwa Jesus njan howu yalhduk whe ubúlhni, “Mbene la ꞌudekꞌoh unline, ꞌenne ꞌudechoo nahutidleh. ꞋInkꞌez ꞌudechoo unline, ꞌenne ꞌudekꞌoh nahutidleh. ꞋEt huwa Yakꞌusda lhane ꞌanih dániꞌ, ꞌet hoontsꞌi ntsoolneyaz za ꞌutahaínla.”

Matthew 20:16 Iomraidhean Croise

Matthew 19:30

ꞋEt hoontsꞌi lhane ꞌudechoo ꞌuntꞌohne ꞌudekꞌezne nahutidleh. ꞋInkꞌez lhane ꞌudekꞌez unline, ꞌenne ꞌudetsone nahutidleh.”

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Matthew 22:14

Njan ꞌet ndutni whe ꞌutni, lhane ghu nusja ꞌet hoontsꞌi ntsꞌitneyaz za ꞌutahálya.”

Matthew 7:13

“Datíh hoondat-un ꞌet hukohdilh. Datíh ꞌinkꞌez ti hoontel-un, ꞌet kwuncho yo tsꞌu ti ꞌuhoontꞌoh ꞌinkꞌez lhane whuz whedilh.

Mark 10:31

ꞋEt hoontsꞌi lhane ꞌudechoo ꞌuntꞌohne ꞌudekꞌez hutileh, ꞌinkꞌez ꞌudekꞌez unline, ꞌenne ꞌudechoo hutileh.”

Luke 14:24

Nohdusni ndunne ꞌudechoo bughu nusúsyane, ꞌaw ꞌilhoghun hoontsꞌi ndi titꞌulh-i ꞌaw hinalhuhootásdli.’”

Luke 15:7

ꞋEt nohdusni, whuz unꞌa za ꞌilhoghun dune dudeni nahundunizꞌai, ꞌen 99 tsꞌihꞌun ꞌuntꞌohne ꞌudaꞌ dulubeshi chꞌa dudeni nahundunizdla. ꞋEt hoontsꞌi ndun ꞌilhoghun dune ꞌen gha ndo yakꞌuz dilhtsꞌine buba nus ꞌon nus howun tálhni.”

Luke 7:47

ꞋEt huwa nyudusni, oolubeshi lhai tsꞌiyawh ooba whunaoodízno. Lhetube skꞌensiꞌ whe ꞌuntꞌoh. ꞋEt hoontsꞌi ntsool-iyaz lubeshi buba hooloh unline, dzoh tsꞌulyaz skꞌehinsiꞌ.”

Romans 5:20

ꞋEt ꞌon ꞌun cha Yakꞌusda dughuni Moses tlꞌa ídanꞌai, ꞌet whe la whunenulhtun dáhooltsuk whe Yakꞌusda ooghuni kꞌúzninyuz. Ndet la tꞌetsꞌonínzun lubeshi ꞌulhꞌen ntsiꞌne tsꞌinli de, ꞌet de natsꞌuhooꞌaih Yakꞌusda ye nétsꞌun únzoo-i, ꞌi ꞌon nus ulhtus whe nelubeshi yuchꞌaꞌ nilhde.

Romans 8:30

Mbene la whutsodaꞌ duchꞌeꞌ tilehne tꞌebunínzun ꞌenne hutijih ha bukaꞌ daniꞌ. ꞋEt tankꞌus ꞌuhutꞌen-un buba gak whulhtsi, ꞌinkꞌez ꞌenne bubudálhtiꞌ.

Romans 9:30

Daja uzdooniꞌ suba? ꞋUdun yun kꞌut whutꞌenne ꞌudaꞌ Yakꞌusda nalh ꞌaw tsꞌihꞌun unꞌa ꞌuhootꞌeꞌ hukwa lheꞌhustꞌen, ꞌenne ꞌuhintꞌoh ꞌandit Yakꞌusda nalh tsꞌihꞌun ꞌuhintꞌoh, be ꞌalhaꞌ nudzun hutꞌi, ꞌi gha ꞌuhuja.

1 Thessalonians 2:13

ꞋEt huwa wheni negha Yakꞌusda ooghuni dáhtsꞌo ꞌet tsꞌiyawh hoonáhtꞌiꞌ whe ulhchoot. Yinka dune ghuni iloh kꞌunꞌa úlhchoot. ꞋAlhaꞌ hoontꞌoh Yakꞌusda ooghuni ꞌuntꞌoh. Ndi khuni ꞌi be ꞌon nus ulhtus nóhulhtsi. Nohni ooba ꞌalhaꞌ yintꞌohne, ndi khuni ulhchoot ꞌet huwa ꞌetsul lheꞌtsꞌudísni whe Yakꞌusda musi tsꞌutni.