Matthew 20:15 - Yak'usda Ooghuni

¹⁵ ꞋAlhaꞌ iloh lakw ndai la ꞌustꞌi-i ntsꞌenꞌa hukwaꞌ nuszun tuneꞌ ꞌúsꞌen? ꞋUszooꞌ ꞌet huwa eh sghe oolhnih?’ ubúlhni.”

Matthew 20:15 Iomraidhean Croise

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 20:14

ꞋEt ꞌawet ndai la nohchꞌeꞌ ulhchoot ꞌinkꞌez nahdulh. Ndunne ꞌudekꞌoh ꞌubisꞌaꞌne, ꞌenne nohni nohkꞌunꞌa za ꞌet ꞌultsuk ꞌi za buba kꞌelha tiselh ꞌet hukwaꞌ nuszun.

Matthew 6:23

ꞋEt hoontsꞌi dune na lubeshi be untsiꞌ de, ꞌet ooyustꞌe ndulcho whe tsalhgus be dutabun. ꞋEt huwa ndi be hootꞌen nohbulh ꞌuntꞌoh tsalhgus kꞌunꞌa be hoodatꞌen de, ꞌet dálcho-i be suba tsahólhgus ooleꞌ?”

Mark 7:22

ꞌuhundunutꞌih, ꞌuyoonne chꞌeꞌ haꞌ huninzun, hoontsiꞌ kꞌunꞌa túneꞌ hutꞌen, dune nahunaꞌah cha ꞌuhutꞌen, hoontsiꞌ tuneꞌ hutꞌen, ꞌuhoolnih cha, Yakꞌusda chꞌaz yahalhduk, ꞌududíltiꞌ, ꞌinkꞌez huwusni.

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

Acts 13:45

ꞋEt Lizwifne ꞌilhozdílne hubonilhꞌen, ꞌoonih za hudizbun suliꞌ whe Paul huye dúdulh ꞌinkꞌez hiba whutsꞌit. Daja ni-un, ꞌet cha whuchꞌaz yáhulhduk.

1 Corinthians 4:7

Mbe ꞌunohinla ꞌuyoon dulhulhtꞌoh nohulhtsi? Gak! Di ꞌintꞌi ndai la nghá lhikulh-i? Gak! ꞋEt hoonli ngha ninkat de, ꞌet di ha howindloh whe ꞌaw hoonli sgha lhikulh dutanelh?

Ephesians 1:11

Yakꞌusda dichꞌoh dudeni lhaídinla, ꞌet whuz unꞌa ꞌuwhutꞌen ꞌet huwa. ꞋEt ꞌudaꞌ neba lhaoodinla whe Jesus Christ ꞌen be netsꞌó tikulh-un nechꞌeꞌ whuzdliꞌ.

Ephesians 2:1

ꞋInkꞌez nohni nintaꞌnahtꞌen ꞌinkꞌez nohlubeshi be dasáhtsai inleꞌ, ꞌet khahna nohulhtsi.

Ephesians 2:5

ꞋOh daꞌ nintaꞌtsꞌuntꞌen-un ꞌet whe yaidlane leꞌ tsꞌantꞌeꞌ. ꞋEt hoontsꞌi Christ ꞌen be Yakꞌusda tsꞌukhuna nesulhtsi. Ye unzoo-i, ꞌi be dahjih.

James 1:18

Dichꞌoh hukwaꞌ ninzun-un, ꞌet whuz unꞌa ꞌuja whe ndi khuni ꞌalhaꞌ ꞌuntꞌoh-i, ꞌet ꞌi be doo cha tsꞌuwhuzdli. ꞋEt whuz unꞌa ndúhooja ndai la ꞌuyalhꞌen-i ootoh whe wheni ꞌudechoo oochꞌeꞌne tsꞌuzdliꞌ.

James 5:9

Sulhutsinke lhchꞌa neꞌdoohtniꞌ junih, doo ka si nohkꞌéholtsꞌit. Nulhꞌen Yakꞌusda, nahiyilh-un, ꞌen dati usyin ꞌet huwa.