Matthew 20:13 - Yak'usda Ooghuni

¹³ ꞋEt yun ꞌutꞌi-un ꞌet ubúlhni, ‘Skꞌekene ꞌaw hoonliyaz whe ꞌaw tankꞌus unꞌa lhenohúsdlel. Tsꞌiyawh nohba sooꞌ hoontꞌoh ꞌilho sooniya tsꞌuditiꞌ-i kꞌelha nohisꞌaꞌ.

Matthew 20:13 Iomraidhean Croise

Genesis 18:25

Tube ꞌaw ndoneh ꞌaitꞌoh dune nzoone ꞌinkꞌez ntsiꞌne tubulh gak butalhtselh huba, tsꞌiyawh lhgha ꞌuhootꞌeꞌ! ꞋAw ndi yun kꞌut huwun nahiyilh-un, ꞌen tsꞌiyawh iloh lakw tsꞌihꞌun unꞌa ꞌuhutitꞌelh?”

Matthew 20:14

ꞋEt ꞌawet ndai la nohchꞌeꞌ ulhchoot ꞌinkꞌez nahdulh. Ndunne ꞌudekꞌoh ꞌubisꞌaꞌne, ꞌenne nohni nohkꞌunꞌa za ꞌet ꞌultsuk ꞌi za buba kꞌelha tiselh ꞌet hukwaꞌ nuszun.

Matthew 20:2

ꞋEt ubalhꞌaꞌne ꞌilho sooniya tsꞌuditiꞌ ꞌi dzin ndulyiz whe hikꞌelha ꞌutitꞌelh-un, huhóostꞌet. ꞋEt huwa tsꞌekoo tooꞌ mai chun ha niyeh kꞌez whe balhꞌaꞌ.

Matthew 22:12

ꞋEt ꞌuyulhni, ‘Skꞌeke ꞌaw dune lhghu dilhtsꞌi whunaih be dune lhinloh. Ntsꞌenꞌa danínya?’ ꞋInkꞌez ꞌaw whé ꞌoodoniꞌ-un hoolel.

Matthew 26:50

ꞋEt Jesus ndutni, “Syadan di ha whusainya?” ꞋEt whusahandil Jesus ꞌaho huyilhchoot.

Romans 9:20

Mbe ulhi whe Yakꞌusda oodulhyoh ꞌudutíhnelh? ꞋEt dune ꞌuyínla-i ndi ꞌuyínla-i ntsꞌenꞌa ꞌudutinelh, “Di ha ꞌinja whuz unꞌa ꞌusínla dutinelh?”