Matthew 2:6 - Yak'usda Ooghuni

⁶ ‘Yun kꞌut Judea tsꞌe keyoh Bethlehem whutꞌenne, ꞌet nohkeyoh hoontsool hoonli, ꞌet hoontsꞌi tube whudiztiꞌ tileh. Nohkeyoh ꞌet whutsꞌun ꞌilhoghun moodih ncha-un, whusatiyalh. ꞋInkꞌez sduneꞌne, Israel ootsꞌu haindene, ꞌusbai ghunli-un kꞌunꞌa bughu tileh.’”

Matthew 2:6 Iomraidhean Croise

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 2:1

ꞋEt ꞌawet yun kꞌut Judea, keyoh Bethlehem whuzꞌai-un, ꞌet Jesus whuzdli. ꞋOh daꞌ whuz unꞌa Herod lerwe unli whe ꞌuhooja. Whunulhꞌen whuzdli hukwꞌelhꞌaz ndaꞌ whutꞌenne keyoh Jerusalem tsꞌe hoozdil. ꞋEnne whunihne Majine hubuhútnine.

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

John 21:16

Doo cha za whulh nat yoodulhkut, “Simon Jonas ooyeꞌ, ꞌuskꞌeinsiꞌ eh?” ꞋEt Peter ꞌuyulhni, “A sMoodihti, nyunchꞌoh tꞌéwhunínzun nyadan usdli.” “ꞋEt de se ꞌusbaine bughonleꞌ,” yúlhni.

John 7:42

Yakꞌusda ooghuni ꞌukꞌu nusguz-i, ꞌi ndutni, David yutsꞌu ha kédanzut-un, ꞌen keyoh Bethlehem huwhútni, David ookeyoh ínleꞌ, Christ whuz de ha tíyalh,” hutni.

Ephesians 1:22

ꞋInkꞌez Yakꞌusda ꞌukꞌenus ye ulhtus-i, ꞌi be tsꞌiyaitsuk Christ duketlꞌah neíninla. ꞋInkꞌez Yakꞌusda ba ꞌilhunaoodulhne tsꞌiyai be ꞌenne tsꞌiyawh butso whudilhdzulh.

Colossians 1:18

ꞋInkꞌez Yakꞌusda ba ꞌilhunaoodulhne, hiyustꞌe hinli, ꞌen butso whudilhdzulh-un ꞌuntꞌoh. Mbe ꞌudechoo wheꞌ whuditꞌen-un, ꞌen ꞌuntꞌoh. ꞋInkꞌez yaidlane butoh, ꞌen ꞌudechoo whuzdli-un ꞌuntꞌoh. ꞋEt ꞌen tsꞌiyaitsuk yanus diztiꞌ-un ꞌuntꞌoh.

Hebrews 7:14

ꞋEt neMoodihti ꞌen Judah didowhne tsꞌu hainzut-un ꞌuntꞌoh, ꞌet tsꞌiyanne tꞌehonínzun. ꞋInkꞌez ꞌenne lubret hutileh huwun, Moses ꞌaw howu yalhtílhdih.

Revelation 11:15

ꞋEt ꞌawet whúlh lhtakꞌantꞌit-un lizas be tsꞌújih-i be ꞌudíja. ꞋEt yakꞌuz tsꞌe lhane tube njan duhutni, “Ndi yun kꞌut lerwene bukeyoh neMoodihti ꞌinkꞌez ooChrist, buchꞌeꞌ whuzdliꞌ. ꞋInkꞌez ꞌilhiz ꞌinkꞌez ꞌilhiz wheni lerwe tileh.”

Revelation 2:27

Nduntꞌoh-un lhuztih tuz be ꞌusbai kꞌunꞌa butso nutíyalh ꞌinkꞌez lhentlꞌus oosaꞌ ꞌi kꞌunꞌa yanúbutiyuz. Whuz unꞌa ꞌet bughu tisdleh. SBá si cha whuz unꞌa stlꞌa hónꞌai.

Revelation 7:17

ꞋEt huwa ꞌubinla, ꞌusbaiyaz kwꞌutsꞌuzda cho diztiꞌ-i butoh ꞌuntꞌoh, ꞌen bughu tileh whe butso tiyalh ꞌinkꞌez ndi too ꞌilhiz wheni ookꞌu tsꞌukhuna-i, ꞌi tsꞌun ꞌúbutilelh. ꞋInkꞌez Yakꞌusda bunatsul tooꞌ tsꞌiyawh buna kꞌet yúnaitilhdoh.”