Matthew 2:4 - Yak'usda Ooghuni

⁴ ꞋInkꞌez tsꞌiyanne ba lubret bumoodihne ꞌinkꞌez Moses be ꞌudustlꞌus ꞌukꞌu nunáguzne cha, tsꞌiyawh Herod ꞌanih ubudaniꞌ. ꞋEt ꞌenne butsꞌun nahootáꞌalh Christ ndet whutileh.

Matthew 2:4 Iomraidhean Croise

Matthew 13:52

ꞋEt ꞌubulhni, “ꞋEt huwa Yakꞌusda ooghuni ꞌukꞌeguz-i ꞌinkꞌez yakꞌuz kꞌuneꞌ whulꞌen-un ꞌet huwun wheyodalhꞌeꞌ, dune yoh whumoodih-un ndultꞌoh. Yutꞌi-i toh tsꞌiyawh tsꞌet ha yúle, ꞌandidi-i ꞌinkꞌez ꞌujut-i cha. ꞋEt whuz unꞌa dune hodulhꞌeh.”

Matthew 2:3

Lerwe Herod whulh ꞌudantsꞌo whe ooba dzoh ꞌuhutni. Jerusalem whutꞌenne, cha buba dzoh ꞌuhutni.

Matthew 2:5

ꞋEt huyulhni, “Yun kꞌut Judea, keyoh Bethlehem whuzꞌai-un, ꞌet whutileh. Nus hooꞌen-un ꞌet ꞌukꞌehónguz ndutni,

Matthew 21:15

ꞋEt lubret bumoodihne ꞌinkꞌez Moses be ꞌudustlꞌus ꞌukꞌu nunáguzne, huwa ꞌítꞌen tuneꞌ ꞌustꞌen whe hinalhꞌen. ꞋInkꞌez tsꞌoodunne, cha lugliz whucho sulyahalhduk whe njan nduhutni, “David ootsꞌu haínzut-un ooba tsꞌodilhtiꞌ!” ꞋEt lubret ꞌinkꞌez ꞌonghunne cha honalhꞌen whe hukwa ha hunilchꞌe.

Matthew 21:23

ꞋEt ꞌawet lugliz whucho daninya whe ꞌet dilhtsꞌine whe whúbondunilhꞌeꞌ. ꞋEt ꞌudedo lubretne ꞌinkꞌez dune ꞌutso whudilhdzulhne cha, highu nindil ꞌinkꞌez ꞌuhuyúlhni, “Nedini ndai gha dune ando ꞌintꞌoh whe njan ndintꞌen-un. ꞋInkꞌez mbe ntlꞌa honꞌai whe dune bukꞌunuhilhyeꞌ?”

Matthew 26:3

ꞋEt ꞌoh whuya hoozulh whe za, lubret ꞌudedone, Moses be ꞌudustlꞌus ꞌukꞌu nunáguzne, ꞌinkꞌez dune ꞌutso whudilhdzulhne cha, tsꞌiyawh lubret ꞌukꞌenus díztiꞌ-un, Caiaphas huyulhni, ooyoh sooꞌ whulcho ꞌinka ꞌet ꞌilhunahosdil.

Matthew 26:47

ꞋAwhuz yalhduk whe khuntsul Judas, whusainya. ꞋEn ndunne whunizyane ꞌon ꞌat nane whelꞌaꞌne, ꞌilhoghun ꞌuntꞌoh. ꞋEn bulh lhane dune yulh whusaindil. Whulohne saluzti nuhúle, ꞌinkꞌez whulohne tutꞌoh nódule. Lubret bumoodihne ꞌinkꞌez dune ꞌutso whudilhdzulhne, whusahábahalhꞌaꞌ.

Matthew 27:1

ꞋOm bun bundadaꞌ lubret bumoodihne, tsꞌiyawh, dune tso whudilhdzulhne cha, Jesus hichꞌaz ditni whe howu yahalhduk hituzilhghelh hukwa.

Matthew 7:29

Soo oobaꞌ hoontꞌoh-un kꞌunꞌa whubodalhꞌeꞌ. Moses be ꞌudustlꞌus kꞌut ꞌukꞌu nunáguzne, ꞌaw whuz unꞌa hubulhodílhꞌel.

Mark 8:31

ꞋEt ꞌawet Jesus yugha hodulꞌehne whubodulhꞌeh ꞌinkꞌez ubúlhni, “Yinka Dune Yeꞌ lhat-un whe dzoh nuhítilhdzut. ꞋUtso whudilhdzúlhne, lubret moodihne ꞌinkꞌez Moses be ꞌudustlꞌus ꞌukꞌu nunáguzne cha tsꞌiyawh hika lheꞌuntszilh. Hituzilhghelh ꞌinkꞌez whulh tát dzin dunádutádalh.”

Luke 20:19

Lizwif lubret bumoodihne, ꞌinkꞌez ndunne Moses be ꞌudustlꞌus ꞌukꞌu nunáguzne cha, ꞌet soo ꞌet sadzi hunitꞌo-un, ꞌenne Jesus hiyólhchoot hukwaꞌ hutꞌen. ꞋEt hoontsꞌi dune bubé hunuljut ꞌet huwun ꞌaw ꞌuhooneh ꞌaitꞌoh. Tꞌehoninzun ndi khuni bé whutsꞌodulꞌeh-i, didut buchꞌaz yalhduk whe ꞌutni ꞌet huwa.

Luke 23:10

ꞋUdedo lubretne ꞌinkꞌez Moses be ꞌudustlꞌus ꞌukꞌu nunáguzne, tsꞌiyawh dunahúdidil ꞌinkꞌez huske be hikꞌé hoonꞌai.

John 18:3

ꞋEt lubret bumoodihne ꞌinkꞌez Phariseene te, ndunne lhuganne ꞌinkꞌez neilhchúkne te, Judas dulh ubutilhdil. Too dízkꞌun te, bé nukwunultꞌa-i, ꞌinkꞌez saluzti te, tsꞌiyawh hitizdla.

John 3:10

ꞋEt Jesus uyúlhni, “ꞋEt nyun Israel ootsꞌu haindene whubodilhꞌeh-un inli, ꞌinkꞌez ntsꞌenꞌa njan tꞌéoonuzínzun?

John 7:32

ꞋEt ndunne ꞌilhozdílne whuz unꞌa Jesus highu yalhduk whe Phariseene hubodántsꞌo, ꞌet Phariseene ꞌinkꞌez lubret moodihne, neilhchúkne whuz whehalhꞌaꞌ Jesus hiyólhchoot ha.

John 8:3

ꞋEt whubodulhꞌeh whe Moses be ꞌudustlꞌus ꞌukꞌu nunáguzne ꞌinkꞌez Phariseene te, tsꞌeke dune bulh lubeshi ꞌuleh whe nahuyulhtus, ꞌen soo buniz ꞌet néhinilhti.

Acts 23:9

ꞋEt ꞌon nus ꞌulcho-i be ꞌa whe húnildzul ꞌinkꞌez Moses ooghuni ꞌukꞌu néyuzguz-i hodulhꞌehne, Pharisee didowhne, ꞌenne dodindil ꞌinkꞌez tube cho whuchꞌa ꞌuhutni, “Ndun dune ꞌaw hoontsiꞌ-un ooghú nalhtsꞌuhóoꞌal. Lizas tilah kꞌus nududeh-i tilah yulh yálhduk whutilah ꞌutni! ꞋEt huwa Yakꞌusda bulh dulhyoh ꞌuzdooniꞌ ꞌaitꞌoh.”

Acts 4:5

ꞋEt ꞌawet ꞌom bun dzin Lizwif bumoodihne, butso whúdilhdzulhne cha, ꞌinkꞌez Moses be ꞌudustlꞌus ꞌukꞌu nunáguzne Jerusalem ꞌet ꞌilhúhozdil.

Acts 6:12

ꞋEt nduhútni whe, butso whúdilhdzulhne, Moses be ꞌudustlꞌus ꞌukꞌu nunáguzne cha, ꞌinkꞌez ꞌonghohne cha buba hodinꞌai, ꞌenne tsꞌiyawh Stephen huyulh húnilchꞌe. Highu nindil, huyílhchoot, ꞌinkꞌez nahíyilhne but néhinilhti.