Matthew 2:3 - Yak'usda Ooghuni

³ Lerwe Herod whulh ꞌudantsꞌo whe ooba dzoh ꞌuhutni. Jerusalem whutꞌenne, cha buba dzoh ꞌuhutni.

Matthew 2:3 Iomraidhean Croise

Matthew 2:2

ꞋInkꞌez dune hoodulhkut, “Lizwif bulerwe ꞌandit whuzdli-un, ntsꞌe whuzdli? Sum cho tsꞌanꞌen, ꞌi gha lhutsꞌúzdil. Tsꞌoodun ootsꞌun teniꞌ tsꞌuntilhdzilh ha whusatsꞌándil.”

Matthew 2:4

ꞋInkꞌez tsꞌiyanne ba lubret bumoodihne ꞌinkꞌez Moses be ꞌudustlꞌus ꞌukꞌu nunáguzne cha, tsꞌiyawh Herod ꞌanih ubudaniꞌ. ꞋEt ꞌenne butsꞌun nahootáꞌalh Christ ndet whutileh.

Matthew 23:37

“Nohni Jerusalem whutꞌenne, dáwhultsiꞌ-un nohtsꞌu hóoltsꞌulh! Nohni nus hooꞌenne ꞌahghan. ꞋInkꞌez nohtsꞌu tílhꞌaꞌne tse be bubahghan. Dantꞌoh la lugok duduzke dudintsꞌun be buboontun, whuz unꞌa nohni cha lhat-un whe ꞌilhunanohootásdlelh hukwaꞌ nuszun, ꞌet hoontsꞌi ꞌaw hukwa lheꞌnahzun.

Matthew 24:6

Dune lhugan-un whulh ꞌúdutahtsꞌo. ꞋInkꞌez dune lhutigan-un cha howu yahutilhduk. ꞋEt cha whudutáhtsꞌo. Khun te whénoolhjut junih. Dawhutanelh la ꞌet tsꞌiyawh nduwhutanelh, ꞌet hoontsꞌi ꞌawhuz whula toh iloh ꞌuhoontꞌoh.

Matthew 8:29

Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”

Mark 13:7

ꞋEt hoontsꞌi nohgha ꞌóojas junih. Nilhdukw dune lhutigan whulh ꞌudahtsꞌo de, ꞌinkꞌez nilhdzaꞌ lhuhugan whulh ꞌúdahtsꞌo de, ꞌet ndo honeh hubaꞌ hoontꞌoh. ꞋEt hoontsꞌi ꞌawhuz whula toh iloh, ꞌawhuz ꞌudun cha whusawhútikulh.

Acts 4:2

Whutsꞌodutni ndunne whelꞌaꞌne Jesus dazsai ꞌinkꞌez dunadija ꞌet huwun whubuhodulhꞌeh. ꞋEt whe yaidláne dunahudutádulh ꞌalha ꞌuhoontꞌoh.