Matthew 2:23 - Yak'usda Ooghuni

²³ Whuz hoozdil whe keyoh Nazareth ꞌet hudutáltsꞌilh. Nus hooꞌenne daja hutni la, ꞌoh túneꞌ whustꞌen whe njan duhútni, “ꞋEn Nazareth whutꞌen-un hidutánelh.”

Matthew 2:23 Iomraidhean Croise

Matthew 1:22

NeMoodihti ooba nus hooꞌen-un, ꞌen be njan ꞌoh túneꞌ whustꞌen. ꞋEt nyoon nus hooꞌen-un njan ndutni,

Matthew 21:11

ꞋEt ꞌilhunaoosdilne hubuhútni, “Ndun ꞌen Jesus nus hooꞌen-un, ꞌen ꞌuntꞌoh. Keyoh Nazareth yun kꞌut Galilee whuzꞌai-un, whuz de hainya-un ꞌuntꞌoh.”

Matthew 26:71

ꞋInka ꞌaz tenánja. ꞋUyoon tsꞌeke cha yunilhꞌen, ꞌinkꞌez ꞌoh nudilhyanne, ꞌúbulhni, “Ndun ꞌen cha Jesus Nazareth whutꞌen-un bulh ꞌutꞌen inleꞌ.”

Mark 1:24

“Jesus Nazareth whutꞌen-un ndet netsꞌú hukwaꞌ ninzun? Gak netalhtselh ha whusaínya? Mbe inli tꞌenyunúszun, nyun Yakꞌusda ba lubeshi ooghu hooloh-un ꞌintꞌoh.”

Mark 1:9

ꞋEt saꞌ iloh hukwꞌelhꞌaz Jesus Christ Nazareth tsꞌe hainya ꞌinkꞌez ꞌukoh Jordan huwhútni-un toot ꞌet John dune too be ꞌulhꞌen-un Jesus too beꞌ yínla.

Luke 1:26

ꞋEt bulh lhkꞌu tat sanun whe Yakꞌusda lizas Gabriel huyulhni, ꞌen keyoh Nazareth tsꞌe whe yalhꞌaꞌ. Njan keyoh ꞌet yun kꞌut Galilee whuzꞌai.

Luke 18:37

ꞋEt ꞌuhuyulhni, “Jesus Nazareth whutꞌen-un ꞌoh whuya uyalh.”

Luke 2:39

ꞋEt Joseph ꞌinkꞌez Mary neMoodihti dughuni butlꞌa idanꞌai-un, ꞌet tsꞌiyantsuk lhahuduja whe yun kꞌut Galilee ꞌinkꞌez bukeyoh Nazareth tsꞌe whenahitꞌaz.

John 18:5

ꞋEt ꞌuhuyúlhni, “Jesus Nazareth whutꞌen-un, ꞌen kúznuta.” ꞋEt Jesus ꞌubulhni, “Si ꞌen ꞌustꞌoh.” ꞋEt Judas ye ónket-un, ꞌen cha butoh usyin.

John 18:7

ꞋEt doo cha za uboodulhkut, “Mbe kunúhta whe ꞌuhtꞌen?” ꞋEt ꞌuhutni, “Jesus Nazareth whutꞌen-un, ꞌen kúznuta.”

John 19:19

ꞋEt Pilate yukꞌúneꞌ uzguz-i, ꞌi butlꞌa yánꞌai tulalhgus huyundunólhtꞌa ha. ꞋI kꞌut ꞌutni: JESUS NAZARETH WHUTꞋEN, LIZWIFNE BULERWE ꞋUNTꞋOH

Acts 2:22

Peter ꞌet cha ndutni, “Israel ootsꞌu hainzutne sghuni soo cho oozúlhtsꞌai, Jesus Nazareth whutꞌen-un, Yakꞌusda nohtsꞌítilhꞌaꞌ-un, ꞌen Yakꞌusda gha huwa ꞌítꞌen teneꞌútꞌen, ꞌet whe whunóhnilhtun njan nohtoh ꞌuhootꞌen ꞌet huwa tꞌewhunáhzun.

Acts 24:5

Tꞌétsꞌonínzun ndun dune tube wheóonujut whe ntsiꞌ-un dune unli. Yun kꞌut ndulcho whe ꞌen gha Lizwifne cha lhtáhúwhútꞌaih ꞌinkꞌez Nazarenne butso nuyá-un unli.