Matthew 2:2 - Yak'usda Ooghuni

² ꞋInkꞌez dune hoodulhkut, “Lizwif bulerwe ꞌandit whuzdli-un, ntsꞌe whuzdli? Sum cho tsꞌanꞌen, ꞌi gha lhutsꞌúzdil. Tsꞌoodun ootsꞌun teniꞌ tsꞌuntilhdzilh ha whusatsꞌándil.”

Matthew 2:2 Iomraidhean Croise

Matthew 2:3

Lerwe Herod whulh ꞌudantsꞌo whe ooba dzoh ꞌuhutni. Jerusalem whutꞌenne, cha buba dzoh ꞌuhutni.

Matthew 21:5

“Zion ookeyoh whuti whutꞌenne, whunulhꞌen! Nohlerwe teꞌdudilꞌen whe nohtsꞌu tiyalh. Donkey ooyaz, ꞌen yukꞌusda. ꞋEn be nohtsꞌu tiyalh.”

Matthew 27:11

ꞋEt ꞌawet Jesus yun moodih ꞌen yubut usyin. ꞋEt yun moodih yoodulhkut, “Nyun eh ꞌintꞌoh Lizwif bulerwe inli?” Jesus ꞌuyulhni, “A, ꞌalha dini.”

Luke 19:38

ꞋInkꞌez ꞌuhutni, “Lerwe ꞌen Moodihti booziꞌ be whusainya-un, ꞌukꞌenus hoonzoo-un oogha whultsꞌut! Ndo yakꞌuz whudutághel, ꞌinkꞌez ꞌudedo kꞌus whudutatiꞌ.”

Luke 2:11

ꞋAndit dzin David ookeyoh, nohtilhyis-un nohba whuzdli. ꞋEn Christ neMoodihti tsꞌutni-un.

Luke 23:3

ꞋEt Pilate yoodulhkut, “Nyun eh Lizwif bulerwe inli?” ꞋEt Jesus ꞌutni, “A, ꞌalhaꞌ dini.”

Luke 23:38

Dzihtelyaz hikꞌu neꞌúzguz, ꞌudechoo Greek, Latin, ꞌinkꞌez Hebrew bughuni kꞌunꞌa hiyandus tsꞌe tulalhgus ꞌuhidunilhtꞌo. Ndiz unꞌa njan ndutni: NDUN ꞋEN LIZWIFNE BULERWE ꞋUNTꞋOH

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 12:13

ꞋUl hudílhchoot ꞌinkꞌez ꞌi hidilelh whe hidudizdil ꞌinkꞌez tube cho ꞌuhutni, “Yakꞌusda ooba whudúlhtiꞌ! Mbe la neMoodihti booziꞌ gha whusaínya-un, ꞌen ꞌukꞌenus hoonzoo-un oogha whultsꞌut! ꞋEn Israel ootsꞌu haindene bulerwe ꞌuntꞌoh!”

John 18:37

ꞋEt huwa Pilate yoodulhkut, “ꞋEt de lerwe inli whe ꞌintꞌoh!” ꞋEt Jesus ꞌuyulhni, “Nyun ꞌalhaꞌ ꞌudini lerwe usdli. ꞋEt wheni whuzúsdli ꞌet huwa yinka whuduneꞌne soo cho dudeni be khuni ꞌalhaꞌ ꞌuntꞌoh-i tꞌéhinoozeh ꞌinka ndi yun kꞌut nenúsya. Mbene la khuni ꞌalhaꞌ ꞌuntꞌoh-i tꞌehuninzunne, daja dusni la soo cho suhoozílhtsꞌai.”

John 19:19

ꞋEt Pilate yukꞌúneꞌ uzguz-i, ꞌi butlꞌa yánꞌai tulalhgus huyundunólhtꞌa ha. ꞋI kꞌut ꞌutni: JESUS NAZARETH WHUTꞋEN, LIZWIFNE BULERWE ꞋUNTꞋOH

John 20:28

ꞋEt Thomas uyúlhni, “SMoodihti ꞌinkꞌez sYakꞌusda!”

John 5:23

ꞋEt huwa la ooYeꞌ dune tsꞌiyanne ꞌen hidólhtiꞌ ntsꞌenꞌa la ooBá hidílhtiꞌ hukwꞌunꞌa. Mbe la ooYeꞌ lhidílhtiꞌne ꞌaw ooBá ꞌen cha lhuhidílhtiꞌ, ꞌinkꞌez ꞌen ꞌuyinla duYeꞌ whusayálhꞌaꞌ inleꞌ.”

John 9:38

ꞋEt dune yubut nachániti ꞌinkꞌez, “SMoodihti, sba ꞌalhaꞌ ꞌintꞌoh!” yúlhni, ꞌinkꞌez yutsꞌun teniꞌ nalhdzin.

Hebrews 1:6

ꞋInkꞌez ꞌudechoo whuzdlí-un, Yakꞌusda doo cha ndi yun kꞌut neítalhtelh whe ꞌet ndutni, “Yakꞌusda oolizas, ꞌenne tsꞌiyawh hitsꞌu teniꞌ noolhdzin.”

Revelation 22:16

“Si Jesus slizas nohni Yakꞌusda ba ꞌilhunaoodulhne, ꞌen nohtsꞌún whesꞌaꞌ. Ndi khuni Yakꞌusda ba ꞌilhunaoodulhne, ꞌenne ꞌubudóhniꞌ ha David ootsꞌu ha yándene, ꞌenne bube diszut whe ꞌustꞌoh. Bundadaꞌ sum tube be hóodatꞌen, ꞌi le ꞌustꞌoh!” ni Jesus.