Matthew 2:16 - Yak'usda Ooghuni

¹⁶ ꞋEt ꞌ Herod tꞌeoonanzin whunihne, Majine huyulhni, nahinanꞌa, ꞌet huwa tube hunilchꞌe. ꞋInka ntsꞌoya hoozulh Majine hidániꞌ lhuganne, Bethlehem tsꞌe whe balhꞌaꞌ. ꞋEt ꞌubulhni, keyoh whutꞌenne ꞌinkꞌez whunat whutꞌenne cha duneyaz nat yus kꞌut be suliꞌne ꞌinkꞌez whutsꞌun whudilhdzulhne cha, tsꞌiyawh hubahghan.

Matthew 2:16 Iomraidhean Croise

Genesis 39:14

Nyoonne dune ꞌenne whuyoh dunene butsꞌa hanyih ꞌinkꞌez ꞌubulhni, “Whunulhꞌen, ndun Hebrew whutꞌen-un ꞌen neghi nilhti neghodloh ha, ꞌinkꞌez yoh daninya ꞌinkꞌez duchan tꞌeoosteꞌ sulhni, ꞌinkꞌez tube cho ꞌasuzdzul!

Genesis 39:17

ꞋInkꞌez ꞌuyulhni, “Nyoon Hebrew dune ba ꞌutꞌen-un njan danilhti-un, szih neninya ꞌinkꞌez sghudloh.

Genesis 49:7

Bube huske-i ookwꞌehoodeh, tube be oonujut ꞌet huwa. Huye huske-i tube ookwꞌehunduda. Jacob ꞌet lhkꞌebutistelh ꞌinkꞌez Israel ꞌet lhelhdun nebutastelh.

Matthew 2:1

ꞋEt ꞌawet yun kꞌut Judea, keyoh Bethlehem whuzꞌai-un, ꞌet Jesus whuzdli. ꞋOh daꞌ whuz unꞌa Herod lerwe unli whe ꞌuhooja. Whunulhꞌen whuzdli hukwꞌelhꞌaz ndaꞌ whutꞌenne keyoh Jerusalem tsꞌe hoozdil. ꞋEnne whunihne Majine hubuhútnine.

Matthew 2:17

Nus hooꞌen-un Jeremiah, daja ni la tsꞌiyawh ꞌoh tuneꞌ whustꞌen ndutni,

Matthew 2:7

ꞋEt Herod whuꞌiz whe whunihne ꞌanih ubudániꞌ. ꞋEnne butsꞌun nahootáꞌalh ha ꞌet soo ndet dzin ntsꞌoya hoozulh whe ndi sum be hóodiltsai.

Revelation 12:4

Duche be ndo yatꞌah sum ⅓ ꞌohwhi ndus de ha yálhdil ꞌinkꞌez yun kꞌéyilhdil. Nyoon tsꞌeke ꞌawet ooyaz whutáleh-un, ꞌen yubut usyin, soo tsꞌoodun whuzdli ibulh yutilhnoh ꞌet hukwa.

Revelation 17:6

ꞋEt ndun tsꞌeke tísꞌen. Jesus ba yaidlane ꞌinkꞌez Yakꞌusda oochꞌeꞌne bubuzkaiꞌ ꞌi be tanísnaiꞌ, ꞌusꞌen whe sba hooncha kꞌet ꞌaw sba ꞌalhaꞌ lheꞌhóotꞌoh.