Matthew 2:13 - Yak'usda Ooghuni

¹³ ꞋEt whenáhidil hukwꞌelhꞌaz neMoodihti oolizas Joseph nute whe be nghun whe hóodiltsai. ꞋEt ꞌuyulhni, “Dudinyaih, tsꞌoodun ooloo bulh ubilhchoot ꞌinkꞌez yun kꞌut Egypt ꞌa cho whuz ubalhtelh! Nohdutásnelh ꞌet whutsꞌun ꞌet dólhtsꞌiꞌ! ꞋEt Herod tsꞌoodun yuka itꞌáꞌelh yutuzilhghelh ꞌet huwa!”

Matthew 2:13 Iomraidhean Croise

Matthew 1:20

ꞋEt howu nuninuzut whe huwa nusúti whe neMoodihti oolizas ꞌen yulhni, “Joseph David ootsꞌuhainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh.

Matthew 10:23

Njan keyoh dzoh nanóhahulhdzut de, ꞌet ꞌudun keyoh tsꞌe buchꞌa tóohdilh. Keyoh whuti ꞌet cha dzoh nunohohulhdeh de, doo cha ꞌon ꞌun keyoh buchꞌa tóohdilh. ꞋAlhaꞌ ndusni ꞌet Yinka Dune Yeꞌ whusatiyalh whutso, ꞌaw Israel ootsꞌu haindene, ꞌenne bukeyoh tsꞌiyawh whutulhóhdilh ꞌaitꞌoh.

Matthew 2:12

Yakꞌusda bubul be bugha dániꞌ, ꞌaw Herod ookwꞌu naoohdilh junih budániꞌ ꞋEt huwa ꞌutso whuya dukeyoh tsꞌe whenáhidilh.

Matthew 2:14

ꞋInka ꞌulhdzis dunadija ꞌinkꞌez tsꞌoodun ooloo bulh ubilhchoot ꞌinkꞌez yun kꞌut Egypt tsꞌoutni whuz whe hándil.

Matthew 2:16

ꞋEt ꞌ Herod tꞌeoonanzin whunihne, Majine huyulhni, nahinanꞌa, ꞌet huwa tube hunilchꞌe. ꞋInka ntsꞌoya hoozulh Majine hidániꞌ lhuganne, Bethlehem tsꞌe whe balhꞌaꞌ. ꞋEt ꞌubulhni, keyoh whutꞌenne ꞌinkꞌez whunat whutꞌenne cha duneyaz nat yus kꞌut be suliꞌne ꞌinkꞌez whutsꞌun whudilhdzulhne cha, tsꞌiyawh hubahghan.

Matthew 2:22

Joseph whulh ꞌudantsꞌo Herod ooyeꞌ Archelaus huyulhni, ꞌen dubá kꞌedanya ꞌandit Judea whulerwe unli. ꞋEt whuz tiyalh whe nuljut howu nusúti ꞌet Yakꞌusda yugha dániꞌ. ꞋEt huwa Galilee yun kꞌut tsꞌe whe hándil.

Acts 10:22

ꞋEt ꞌuhuyúlhni, “Lhuganne moodih, Cornelius, ꞌen netílhꞌaꞌ wheꞌ tsꞌutꞌen. Dune unzoo ꞌinkꞌez ꞌahoolhyiz Yakꞌusda tsꞌun ténadudli, Lizwifne cha tsꞌiyawh hidílhtiꞌ. Yakꞌusda oolizas ꞌilhoghun ꞌen duyoh tsꞌe nkaꞌ doniꞌ yulhni, ꞌinkꞌez dája dutanelh ꞌet nyoozólhtsꞌai ꞌet wheni.”

Acts 10:7

ꞋEt hukwꞌelhꞌaz ndun lizas yulh yaílhduk-un whenádide whe Cornelius nane yoh ꞌutꞌenne, dichꞌoh ooduneꞌne, ꞌinkꞌez ꞌilhoghun lhugan-un, ꞌen soo Yakꞌusda za dílhtiꞌ, ꞌen cha dichꞌoh yunat neꞌútꞌenne ꞌutahayálhti.

Acts 12:11

ꞋEt Peter beni naóodisdliꞌ ꞌinkꞌez ꞌuninzun, “ꞋAwet tꞌeooniszin ꞌalha ꞌuhoontꞌoh, neMoodihti dulizas whusayálhꞌaꞌ ꞌinkꞌez Herod Lizwifne tubulh dzoh nusotilhzut-un, ꞌet whuchꞌa súlhyih.”

Acts 12:7

Khuntsul neMoodihti oolizas be nghun be hóodiltsai, yoh cha hootꞌen suliꞌ. ꞋEt lizas Peter ꞌún be yúlhni whe tsꞌe nainílhzut ꞌinkꞌez, “Soo ꞌah dudinyaih!” yúlhni. ꞋEt ꞌaho nyoo lhuztih tlꞌool be yulhghel-i oola ootsꞌu ha yánkat.

Acts 16:36

ꞋInka ꞌadinlane ghunli-un Paul ꞌen yudániꞌ, “Lhugan moodihne butsꞌa ha khuni ultsꞌut, ‘Nyun ꞌinkꞌez Silas bulh nohlanazdootni,’ hutni ꞌet huwa nanilhtsulyaz natoohtꞌas,” ubúlhni.

Acts 5:19

ꞋEt hoontsꞌi la ꞌet ꞌulhdzis neMoodihti oolizas ꞌahaꞌ dinla-un dáhaꞌ dantan, tenábuninla ꞌinkꞌez ubúlhni,

Acts 7:19

Neduneꞌne bubéꞌ whulhtsꞌit ꞌinkꞌez netsodaꞌne dzoh nubulhdeh whe buchalhtsꞌulne tébuholelh yahódlah ha.

Revelation 12:14

ꞋEt hoontsꞌi ndun tsꞌeke tsibalyan cho ootsꞌuntꞌaꞌ nanki ootlꞌa yánkat. ꞋI be keyoh dune lhuhóotꞌi tsꞌe usda-un whuz ntootꞌa ha. ꞋEt tat yus kꞌut ꞌon ꞌat lhoohoolcho ꞌet yaꞌalh-i be ooghudli whe tlꞌughus khuna-i kꞌunꞌa nulget-i, ꞌi chꞌa ꞌet usdaꞌ.

Revelation 12:4

Duche be ndo yatꞌah sum ⅓ ꞌohwhi ndus de ha yálhdil ꞌinkꞌez yun kꞌéyilhdil. Nyoon tsꞌeke ꞌawet ooyaz whutáleh-un, ꞌen yubut usyin, soo tsꞌoodun whuzdli ibulh yutilhnoh ꞌet hukwa.

Revelation 12:6

ꞋInkꞌez tsꞌeke chuntoh tsꞌe whetsélhya. ꞋEt Yakꞌusda yuba lhaóodilhdzun-un, ꞌet usda. ꞋEt whe 1,260 dzin ꞌet ꞌuwhuldzoh, ꞌet yaꞌalh-i be ooghu tidleh.