Matthew 2:12 - Yak'usda Ooghuni

¹² Yakꞌusda bubul be bugha dániꞌ, ꞌaw Herod ookwꞌu naoohdilh junih budániꞌ ꞋEt huwa ꞌutso whuya dukeyoh tsꞌe whenáhidilh.

Matthew 2:12 Iomraidhean Croise

Genesis 31:24

ꞋEt hoontsꞌi ꞌuldzis ꞌet Laban, Syria whutꞌen-un, nusuti whe Yakꞌusda (Elohim) be hóodiltsai ꞌinkꞌez ꞌuyulhni, “Huwaꞌoonli Jacob bulh yatalhdih te, hoontsiꞌ te kꞌus hoonzoo kꞌunꞌa te bulh yaoolhduk junih.”

Matthew 1:20

ꞋEt howu nuninuzut whe huwa nusúti whe neMoodihti oolizas ꞌen yulhni, “Joseph David ootsꞌuhainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh.

Matthew 2:13

ꞋEt whenáhidil hukwꞌelhꞌaz neMoodihti oolizas Joseph nute whe be nghun whe hóodiltsai. ꞋEt ꞌuyulhni, “Dudinyaih, tsꞌoodun ooloo bulh ubilhchoot ꞌinkꞌez yun kꞌut Egypt ꞌa cho whuz ubalhtelh! Nohdutásnelh ꞌet whutsꞌun ꞌet dólhtsꞌiꞌ! ꞋEt Herod tsꞌoodun yuka itꞌáꞌelh yutuzilhghelh ꞌet huwa!”

Matthew 2:19

Herod dazsai whe Egypt tsꞌe neMoodihti oolizas Joseph huwunute whe be nghun néwhultsꞌut.

Matthew 2:22

Joseph whulh ꞌudantsꞌo Herod ooyeꞌ Archelaus huyulhni, ꞌen dubá kꞌedanya ꞌandit Judea whulerwe unli. ꞋEt whuz tiyalh whe nuljut howu nusúti ꞌet Yakꞌusda yugha dániꞌ. ꞋEt huwa Galilee yun kꞌut tsꞌe whe hándil.

Matthew 27:19

ꞋEt Pilate dune ba nahidilh-i, kwꞌutsꞌuzda kꞌusda whe ooꞌat khuni yutsꞌó tlꞌa inꞌai, ꞌet ndúyulhni, “Ndun dune ꞌen tsꞌihꞌun ꞌuntꞌoh-un. Hoonliyaz ꞌonleh junih! ꞌalha ꞌandit dzin ꞌen oogha huwu nusústi ꞌet whe dzoh nusúszut.”

Luke 2:26

Datitsah whutso neMoodihti ooChrist tsꞌutni-un yutiꞌelh. Whuz unꞌa Ndoni whutꞌeinalhdzin.

Acts 10:22

ꞋEt ꞌuhuyúlhni, “Lhuganne moodih, Cornelius, ꞌen netílhꞌaꞌ wheꞌ tsꞌutꞌen. Dune unzoo ꞌinkꞌez ꞌahoolhyiz Yakꞌusda tsꞌun ténadudli, Lizwifne cha tsꞌiyawh hidílhtiꞌ. Yakꞌusda oolizas ꞌilhoghun ꞌen duyoh tsꞌe nkaꞌ doniꞌ yulhni, ꞌinkꞌez dája dutanelh ꞌet nyoozólhtsꞌai ꞌet wheni.”

Acts 4:19

ꞋEt Peter John bulh ꞌuhútni. “Nohnichꞌoh hukwꞌu nuní nulhzut, nohkꞌunꞌa tilah kꞌus Yakꞌusda ookꞌunꞌa tilah ꞌuztinelh? Ndet la Yakꞌusda nalh tsꞌihꞌun ꞌuhoontꞌoh?

Acts 5:29

ꞋEt hoontsꞌ Peter ꞌinkꞌez ꞌuyoonne whelꞌaꞌne bulh whuz yahatilhduk, “Yakꞌusda za ookꞌu néꞌtsꞌootꞌen hubaꞌ hoontꞌoh, ꞌaw dune ookꞌu néꞌtsꞌootꞌen huba lheꞌhóotꞌoh,” hutni.

1 Corinthians 3:19

Ndi yun kꞌut ye whunih-i, ꞌi Yakꞌusda ba whusni kꞌunꞌa ꞌuntꞌoh. ꞋEt whuz unꞌa ꞌukꞌehóoguz, “Nyoonne whunihne dichꞌoh huye duzoh-i, ꞌi be Yakꞌusda ubilhgooh.”

Hebrews 11:7

Noah ꞌen cha Yakꞌusda ooba ꞌalhaꞌ yintꞌoh. ꞋI be ꞌawhuz lhuhoos̱ꞌen-un Yakꞌusda yúlhni, “Huwonleꞌ ꞌawet whuz de hóoltsꞌulh.” Whe nuljut ꞌinka tsꞌi cho ꞌuyínla. ꞋEt huwa Noah hiyoh dilhtsꞌine, ꞌenne tsꞌiyawh ubúlhyih. Ndi tsꞌi cho ꞌuyínla-i, ꞌi gha ndi yun kꞌut dúlcho whe dunene buba nahisda. ꞋInkꞌez be ꞌalha ꞌuhoontꞌoh-i be tsꞌihꞌun unꞌa ꞌuntꞌohne tsinli, Noah ꞌen cha whuz unꞌa Yakꞌusda ooba ꞌalhaꞌ yintꞌoh-un suliꞌ, ꞌi be tsꞌihꞌun dune inleꞌ.

Hebrews 8:5

Ndunne nimbali cho tꞌah tsꞌe dunene buba neꞌhutꞌen te, ꞌet ndi nimbali cho ꞌet yakꞌuz whuzꞌai-un, ꞌet whunduhúlꞌen wheꞌ hutꞌen. ꞋI yakꞌuz dahoontꞌoh-un ꞌantsꞌi ꞌet whunduhúlꞌen leꞌ hutꞌen. ꞋOh daꞌ Moses nimbali cho netíꞌalh whe, Yakꞌusda yudániꞌ, “Dzulh kꞌut nimbali cho netíltsꞌulh-un whunyunistan-un, ꞌet wheni ooghá neꞌtantꞌen-i mba ꞌusdla, ꞌi kꞌunꞌa ꞌonleh.”