Matthew 2:11 - Yak'usda Ooghuni

¹¹ ꞋEt yoh dahunindil whe tsꞌoodun hitilhꞌen. Ooloo Mary ꞌen bulh. Hibut nachánilya ꞌinkꞌez hitsꞌun teniꞌ nalhdzun. Huye ꞌúzdla-i hidah lhchꞌaz hiyilhchoot hiyé ha háyanla-i ꞌinkꞌez hitsꞌu hítilhdil. Gold, yoo sooltsun-i frankencense huyulhni, ꞌinkꞌez yoo Myrrh huyulhni ꞌi cha, ꞌi hitsꞌu hítilhdil.

Matthew 2:11 Iomraidhean Croise

Genesis 43:11

ꞋInkꞌez bubá Israel hubulhni, “Whuz unꞌa sih ꞌuhotꞌeꞌ. ꞋInkꞌez njan duhneh, ndo ho ha nuyeh-i, mai ꞌukꞌenus unzoo-i buba deyulhle, ꞌinkꞌez dune ootsꞌitilhdulh ꞌi cha bahlelh. Be ꞌuzdudultlo-i naꞌulhyeh-i, ntsool-iyaz cha, ꞌinkꞌez tsꞌihnatlꞌuz ntsool-iyaz cha bulh butaꞌwhutꞌen-i cha ꞌinkꞌez myrrh huyulhni, ꞌi cha, ꞌinkꞌez duchun kꞌut ha nuyeh-i pistachio ꞌinkꞌez almond huyulhni, ꞌi cha ooba yihlelh.

Matthew 1:18

ꞋEt Jesus Christ whuzdli-un, ndiz unꞌa ꞌuhooja. Ooloo Mary ꞌen Joseph yughu tidalh ha lhahódinla, yughu tidalh whutso whe ꞌet nahoonꞌai ꞌudaꞌ tsꞌoodun ba ꞌuntꞌoh. Ndoni, be ꞌuja.

Matthew 12:46

Jesus ꞌawhuz ꞌilhunaoosdilne bubulh yalhduk whe ooloo ꞌinkꞌez bulhutsinke te, ꞌaz nódilhya hiyulh yatilhduk hukwaꞌ huninzun.

Matthew 14:33

Tsꞌi bet dilhtsꞌine, tsꞌiyawh hibut nachánilya ꞌinkꞌez ꞌuhuyulhni, “ꞋAlhaꞌ nyun Yakꞌusda ooYeꞌ ꞌintꞌoh!”

Matthew 2:10

Sum hinalhꞌen daꞌ tubeh huhóontꞌiꞌ kꞌet.

Matthew 2:2

ꞋInkꞌez dune hoodulhkut, “Lizwif bulerwe ꞌandit whuzdli-un, ntsꞌe whuzdli? Sum cho tsꞌanꞌen, ꞌi gha lhutsꞌúzdil. Tsꞌoodun ootsꞌun teniꞌ tsꞌuntilhdzilh ha whusatsꞌándil.”

Luke 2:16

ꞋEt ꞌa cho hutizdil. ꞋEt Mary ꞌinkꞌez Joseph ꞌinkꞌez tsꞌoodun musdoos yez ꞌaꞌalh-i bet ꞌusti whe bugho hunindil.

Luke 2:38

ꞋOh whuya hoozulh whe daninya ꞌinkꞌez Yakꞌusda dílhtiꞌ. Jerusalem dilhtsꞌine, nabootakulhne, ꞌenne hika ítisꞌen, ꞌen ghun Anna budániꞌ.

John 19:39

ꞋEt Nicodemus, ꞌen cha yulh whúsainꞌaz. ꞋEn ꞌuja ínleꞌ soo ꞌudechoo Jesus wheꞌ ditꞌen whe ꞌilho ꞌulhdzis yughu ninya. Yoo sooltsun-i, myrrh ꞌinkꞌez aloes bulh lhtadilyá-i whe 100 pounds atꞌen ꞌuldaz, ꞌi whusayánꞌai.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”

Revelation 5:8

ꞋEt ndi ꞌudustlꞌus yílhchoot ibulh, nyoo dunghi ꞌusjiz-i, ꞌinkꞌez nat whúnizyane ꞌon ꞌat dine tso whudilhdzulhne cha, ndi ꞌusbaiyaz hibut nacháhunildil. ꞋIlhoghun hinli whe nela be, be tsꞌujun-i nuhúle, ꞌinkꞌez tsetsꞌai gold unli-i, ꞌi dizkꞌun-i sooltsun-i bet whúdizbun. ꞋI ndi ꞌi ꞌuntꞌoh mbene Yakꞌusda oochꞌeꞌne butenadudli ꞌuntꞌoh.