Matthew 2:1 - Yak'usda Ooghuni

¹ ꞋEt ꞌawet yun kꞌut Judea, keyoh Bethlehem whuzꞌai-un, ꞌet Jesus whuzdli. ꞋOh daꞌ whuz unꞌa Herod lerwe unli whe ꞌuhooja. Whunulhꞌen whuzdli hukwꞌelhꞌaz ndaꞌ whutꞌenne keyoh Jerusalem tsꞌe hoozdil. ꞋEnne whunihne Majine hubuhútnine.

Matthew 2:1 Iomraidhean Croise

Genesis 10:30

Ndet la huwhutꞌi-un, Mesha, Sephar tsꞌu wheti-un ndaꞌ dzulh hoonli ꞌet huwhutꞌi.

Genesis 25:6

ꞋEt hoontsꞌi Abraham ꞌuyoonne tsꞌekoo ooꞌat bugha nyus ꞌuhintꞌohne, ꞌenne bubuzkeh ꞌenne cha butsꞌeꞌ tilhdil, butlꞌaꞌ ꞌandla ꞌinkꞌez ooyeꞌ Isaac yuchꞌaz ndaꞌ ꞌutsꞌun keyoh tsꞌe whuz whe balhꞌaꞌ.

Genesis 41:8

ꞋEt ꞌuhooja bundadaꞌ ndi ooyughi tube ꞌutsꞌun unꞌa ooba ꞌuhooja, ꞌinkꞌez Egypt whutꞌen keyoh-un mbene neꞌdulhdeh cha ꞌinkꞌez mbene la whunihne cha, ꞌenne bukaꞌ daniꞌ ꞌinkꞌez Pharaoh daja la nusuti-un ꞌet hubudaniꞌ. ꞋInkꞌez tsꞌiyawh ꞌaw gak ndet ꞌuhoontꞌoh-un ꞌet ꞌaw lhuhidusnih, tꞌehonuszun.

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 1:25

ꞋUdechoo ooyaz whutileh tꞌeoonanzin ꞌet whutsꞌun ꞌaw yutꞌálhasnai. OoYaz whuzdli, ꞌet ꞌandit za soo yughusda. ꞋInkꞌez Tsꞌoodun booziꞌ yughá dinꞌai Jesus yulhni.

Matthew 2:16

ꞋEt ꞌ Herod tꞌeoonanzin whunihne, Majine huyulhni, nahinanꞌa, ꞌet huwa tube hunilchꞌe. ꞋInka ntsꞌoya hoozulh Majine hidániꞌ lhuganne, Bethlehem tsꞌe whe balhꞌaꞌ. ꞋEt ꞌubulhni, keyoh whutꞌenne ꞌinkꞌez whunat whutꞌenne cha duneyaz nat yus kꞌut be suliꞌne ꞌinkꞌez whutsꞌun whudilhdzulhne cha, tsꞌiyawh hubahghan.

Matthew 2:19

Herod dazsai whe Egypt tsꞌe neMoodihti oolizas Joseph huwunute whe be nghun néwhultsꞌut.

Matthew 2:3

Lerwe Herod whulh ꞌudantsꞌo whe ooba dzoh ꞌuhutni. Jerusalem whutꞌenne, cha buba dzoh ꞌuhutni.

Matthew 2:5

ꞋEt huyulhni, “Yun kꞌut Judea, keyoh Bethlehem whuzꞌai-un, ꞌet whutileh. Nus hooꞌen-un ꞌet ꞌukꞌehónguz ndutni,

Matthew 2:7

ꞋEt Herod whuꞌiz whe whunihne ꞌanih ubudániꞌ. ꞋEnne butsꞌun nahootáꞌalh ha ꞌet soo ndet dzin ntsꞌoya hoozulh whe ndi sum be hóodiltsai.

Luke 1:5

ꞋEt ꞌoh daꞌ Herod ꞌen Judea yun kꞌut whulerwe unli whe, ꞌilhoghun lubret, Zacharias huyulhni, Abijah bulh didowh-un ꞌuntꞌoh. Ooꞌat Elizabeth huyulhni, ꞌen Aaron yé dinzut-un ꞌuntꞌoh.

Luke 2:11

ꞋAndit dzin David ookeyoh, nohtilhyis-un nohba whuzdli. ꞋEn Christ neMoodihti tsꞌutni-un.

Luke 2:15

ꞋEt ꞌawet lizasne yakꞌuz tsꞌe bugho whenáhidil. ꞋUsbai ghunline ꞌilhodutni, “Dugweꞌ Bethlehem tsꞌuztoodilh. ꞋInkꞌez dahooja-un ꞌet neMoodihti nedaniꞌ, ꞌet la tsꞌonoolhꞌen!”

John 7:42

Yakꞌusda ooghuni ꞌukꞌu nusguz-i, ꞌi ndutni, David yutsꞌu ha kédanzut-un, ꞌen keyoh Bethlehem huwhútni, David ookeyoh ínleꞌ, Christ whuz de ha tíyalh,” hutni.