Matthew 19:9 - Yak'usda Ooghuni

⁹ ꞋInka ꞌunohdusni, dune ooꞌat ꞌuyoon dune bulh nintaꞌantꞌen tꞌeoonanzin de, ꞌet de za ꞌudustlꞌus ye ꞌetsul itilelh-i, ꞌi duꞌat yutlꞌa yóolhchoos. ꞋEt ooꞌat ꞌaw edúlhinel ꞌet hoontsꞌi ndi ꞌudustlꞌus yutlꞌa yálhchooz ꞌinkꞌez ꞌuyoon tsꞌeke ghu nasda de, dune tsꞌeke bulh nintaꞌantꞌen-un suliꞌ. ꞋInkꞌez dune ooꞌat ꞌetsul ꞌuyinla-un ꞌinkꞌez ꞌuyoon dune ghu nasda de, ndun dune ꞌen cha tsꞌeke bulh nintaꞌantꞌen-un tileh.”

Matthew 19:9 Iomraidhean Croise

Genesis 20:3

ꞋEt hoontsꞌi Yakꞌusda (Elohim) Abimelech ꞌulhdzis nute whe yughu ninya ꞌinkꞌez ꞌuyulhni, “A, dune dazsai-un inli whe ꞌintꞌoh ndun tsꞌeke ilhchoot-un ꞌuyoon dune ꞌat ꞌuntꞌoh.”

Matthew 19:10

ꞋEt Jesus yugha hodulꞌehne ꞌuhuyulhni, “Dune duꞌat bulh whuz unꞌa ꞌuhutitꞌelh de, ꞌaw lhghu lhuhíkoh de, ꞌon nus sooꞌ hoontꞌoh.”

Matthew 19:8

ꞋEt ꞌúbulhni, “Nohni nohdzi dulhtsꞌun, ꞌet huwa Moses nohꞌat buchꞌa naoohja-un nohtlꞌa hónꞌai. ꞋEt hoontsꞌi wheꞌ whuditꞌen whutsꞌun, ꞌaw ꞌet ndulhúhootꞌoh.

Matthew 5:32

ꞋEt hoontsꞌi ꞌunohdusni ooꞌat ꞌuyoon dune bulh nintaꞌantꞌen de, ꞌet huwa za ꞌudustlꞌus ndai la ye ꞌetsul itilelh-i yutlꞌa yóolhchoos hubaꞌ hoontꞌoh. Ndúlhinel whe duꞌat ꞌetsul ꞌuyinla de, dichꞌoh duꞌat nintaꞌantꞌen-un yulhtsi. ꞋInkꞌez tsꞌeke ꞌuyoon dune ghu nasda de, dune ꞌen cha nintaꞌutꞌih-un unli whe ꞌuntꞌoh.”

Luke 16:18

ꞋEt mbe dune duꞌat ꞌetsul ꞌinla ꞌinkꞌez ꞌuyoon tsꞌeke ghu nasda de, dune lubeshi ꞌulhꞌen. ꞋInkꞌez mbe la tsꞌeke duki chꞌa nasja-un ꞌuyoon dune ghu nasda de, ndun dune cha lubeshi ꞌulhꞌen whe ꞌuntꞌoh.”

1 Corinthians 5:1

ꞋEt tsꞌiyanne whulh ꞌuhuditsꞌo, nohtoh dune tsꞌeke bulh lubeshi ꞌuhulhꞌen. ꞋEt nduhutꞌen-un, hukwaya hoonli kꞌet ꞌonghohne ꞌudun yun kꞌut whutꞌenne ꞌaw howu yahutoolhdih ꞌaitꞌoh. Tsꞌiyanne whulh ꞌuditsꞌo dune dubá ooꞌat ꞌen yuchan tꞌesti.

1 Corinthians 7:39

ꞋEt Moses be ꞌudustlꞌus ndutni, “Mbe la ooki hoonli-un, ꞌet ooki ꞌawhuz khuna de, ꞌet ꞌilhiz ooleꞌ lhulh ꞌuhootꞌeꞌ hubaꞌ hoontꞌoh. ꞋEt ooki dazsai de, mbe yukaꞌ ninzun ghu natidalh, ꞌet whuz unꞌa ootꞌeꞌ, hukwaꞌ ninzun de.” ꞋEt hoontsꞌi Yakꞌusda ooba ꞌalhaꞌ yintꞌoh-un, ꞌen za yughu noodaꞌ hubaꞌ hoontꞌoh.

1 Corinthians 7:4

Tsꞌeke ooki hoonli-un, ꞌen duyustꞌe yumoodih lhiloh, ooki ꞌen za yumoodih unli. ꞋInkꞌez whuz unꞌa za dune ooꞌat hoonli-un, ꞌen duyustꞌe yumoodih lhiloh, ooꞌat ꞌen za yumoodih unli.