Matthew 19:4 - Yak'usda Ooghuni

⁴ ꞋEt Jesus ꞌubulhni, “ꞋEt ndi ꞌudustlꞌus kꞌut ꞌukꞌeguz-i, ꞌi ꞌaw lakw ookꞌu yalhuzulhduk? Mbe dune ꞌinla-un, ꞌen dune ꞌinkꞌez tsꞌeke bulh ꞌubínla daꞌ.

Matthew 19:4 Iomraidhean Croise

Genesis 1:27

ꞋEt Yakꞌusda (Elohim) dune ꞌinla, dukꞌunꞌa Yakꞌusda (Elohim) ndotꞌeꞌ, ꞌen dune ꞌinkꞌez tsꞌekoo cha ꞌen ꞌubinla.

Genesis 2:18

ꞋEt Moodihti Yakꞌusda (Yahweh Elohim) ꞌutni, “Dune dichꞌoh ꞌuhintꞌoh de ꞌaw lheꞌhoozooꞌ wheꞌ hoontꞌoh, yulaꞌ titꞌelh-un yundultꞌoh-un ooba ꞌoosleh si.”

Genesis 2:23

ꞋEt Adam ꞌutni, “Ndi ꞌandit stsꞌun ootsꞌun ꞌuntꞌoh ꞌinkꞌez stsung ootsung ꞌuntꞌoh. Tsꞌeke booziꞌ ooleꞌ si, dune tsꞌu halti ꞌet huwa”.

Genesis 5:2

Dune ꞌinkꞌez tsꞌeke bulh ꞌubinla ꞌinkꞌez soo hoonzoo-un hubulhni ꞌinkꞌez yun ka duneꞌne ꞌubinla, dzin ꞌubinla-un.

Matthew 12:3

ꞋEt Jesus ubúlhni, “Lerwe David daja-un ꞌaw lakw hukwꞌu yalhuzulhduk? ꞋEt ꞌoh daꞌ David ꞌinkꞌez yulh ꞌutꞌenne buye ꞌíltsꞌul whe?

Matthew 21:42

ꞋEt Jesus ndúbulhni, “ꞋAw eh hukwꞌu yalhuzulhduk Yakꞌusda ooghuni daja ni inleꞌ daꞌ? ꞋUkꞌehooguz: ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba soo ꞌukꞌenus tse ꞌuntꞌoh-i suliꞌ. Moodihti whuz unꞌa ꞌuhoonla. ꞋInkꞌez wheni tube neba hooncha wheꞌ hoontꞌoh,’ ni.

Matthew 21:6

Jesus yugha hodulꞌehne whuz whehanꞌaz, ꞌinkꞌez Jesus daja ubúlhni la, ꞌoh te néꞌhustꞌen.

Matthew 22:31

ꞋEt hoontsꞌi yaidlane dunadutádulh-un huwun, Yakꞌusda daja ni, ꞌaw eh hukwꞌu yalhuzulhduk? Njan ndutni,

Mark 12:10

ꞋAw Yakꞌusda ooghuni ꞌukꞌu nusgúz-i ookꞌu yálhuzulhduk? ꞋEt ndutni, ‘Ndi tse yoh ꞌuwhulhꞌénne ꞌún hidutilhꞌuz-i, ꞌukꞌenus ooka dáhotni-i suliꞌ.

Mark 12:26

ꞋEt hoontsꞌi yaidláne dunáhudutádulh huwun, Moses ꞌukꞌu néyuzguz-i ꞌaw eh ookꞌu yalhúlhdih whus dilhtán-i toh whudizkꞌun whe Yakꞌusda yulh yalhduk inleꞌ? Moses Yakꞌusda ndéyulhni, ‘Si ꞌustꞌoh Abraham ooMoodihti ꞌustꞌoh, Isaac cha ooMoodihti ꞌustꞌoh, ꞌinkꞌez Jacob cha ooMoodihti ꞌustꞌoh.’

Mark 2:25

Jesus ubúlhni, “ꞋAw lakw hukwꞌu yalhúlhdih David dája ꞌoh daꞌ, yooꞌalh-i hooloh whe yulh ꞌútꞌenne te buye ꞌíltsꞌul whe nduja:

Luke 10:26

ꞋEt Jesus ꞌutni, “Ndet ꞌukꞌu whusguz Moses be ꞌudustlꞌus kꞌut? Ookwꞌuyailhduk whe ntsꞌenꞌa mba daja ni?”

Luke 6:3

Jesus ubúlhni, “Lerwe David daja-un ꞌaw lawk hukwꞌu yalhuzulhduk. ꞋOh daꞌ David ꞌinkꞌez yulh ꞌutꞌenne buye ꞌíltsꞌul,