Matthew 19:29 - Yak'usda Ooghuni

²⁹ ꞋInkꞌez mbe la si sooziꞌ gha duyoh huwu tizya de, kꞌus dulhutsinke te, kꞌus dulhtuske te, kꞌus dubá cha ꞌinkꞌez duloo cha te, kꞌus duꞌat te, kꞌus duzkehke te, kꞌus dukeyoh cha, si sooziꞌ gha huwu tizya de, ꞌen whunizyat whunizyai (100) ꞌet ꞌuwhultsuk-un ootlꞌa naóotikulh. ꞋInkꞌez ꞌilhiz whe tsꞌukhuna-un, ꞌet cha oogha óotaltsꞌulh.

Matthew 19:29 Iomraidhean Croise

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Matthew 13:23

ꞋEt hoontsꞌi yun unzoo-i kꞌéninkat-i leꞌ ꞌuntꞌohne. Yakꞌusda ooghuni hiditsꞌo-i, tꞌehinuzih te daja ni whe ꞌutni. ꞋEt bumaiꞌ lhai lhih leꞌ hintꞌoh. Whulukhun whunizyat whunizyai (100) ꞌulhih. Whulukhun lhkꞌu tat whunizyai (60) ꞌulhih. Whulukhun tat whunizyai (30) ꞌulhih.”

Matthew 13:8

ꞋOnghoh-i yun unzoo-i kꞌut nanánkat whe soo ha nanyai. Oomaiꞌ whulokhi whunizyat whunizyai (100) oomaiꞌ suliꞌ, whulukhi lhkꞌu tat whunizyai (60) oomaiꞌ suliꞌ, whulokhi tat whunizyai (30) oomaiꞌ suliꞌ.

Matthew 16:25

Whe khuna-un huwu hotilhyihne, ꞌenne ninta huhútaꞌalh. ꞋEt hoontsꞌi mbe la whe khuna-un si sgha ninta ooninꞌai de, whe khuna-un nahootáꞌalh.

Matthew 19:16

ꞋEt ꞌawet ꞌilhoghun dune Jesus yughu ninya ꞌinkꞌez yoodulhkut, “Dune hodulhꞌeh-un unzoo-un, ntsꞌenꞌa hoonzoo kꞌunꞌa ꞌutistꞌelh whe ꞌilhiz khutisnalh-un whuchꞌa ootásdoh?”

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Matthew 25:46

ꞋEt nduntꞌohne, ꞌilhiz wheni dzoh nuhutideh tsꞌe hutidulh. ꞋEt hoontsꞌi tsꞌihꞌun ꞌuntꞌohne, ꞌilhiz whe tsꞌukhuna-un bugha óotakulh.”

Matthew 5:11

Nkede suba dune nohchꞌaz yahutilhduk ꞌinkꞌez dzoh nunohotilhdzut, ꞌinkꞌez tsꞌiyaitsuk whutsꞌit khuni dutsun-i be nohchꞌa ꞌutsꞌun unꞌa yahutilhduk, si sgha whuz unꞌa dune dzoh nunohulhdzut de, ꞌet ꞌukꞌenus hoonzoo-un nohghá whultsꞌut.

Matthew 6:33

ꞋEt hoontsꞌi ntsꞌenꞌa Yakꞌusda nohba lerwe tileh ꞌinkꞌez be tsꞌihꞌun unꞌa ꞌuhoontꞌoh-i nohchꞌeꞌ tileh, ꞌet za hukwaꞌ nahzun, ꞌinkꞌez ꞌon ꞌun cha tsꞌiyawh nohgha tíkulh wheꞌ hoontꞌoh.

Luke 14:26

“Mbe la stsꞌu tiyalh seꞌ ꞌutꞌen kꞌoh ꞌuwhutilhꞌelh-un whe dubá ꞌinkꞌez duloo, duꞌat cha, ꞌinkꞌez duzkeh, dulhutsinke, ꞌinkꞌez dulhtuske, ꞌalhaꞌ dichꞌoh whe yinka usda-un cha, ndi njan tsꞌiyawh hukwa lheꞌhunizun de, ꞌen ꞌaw sgha hodilꞌeꞌ-un ooleꞌ ꞌaitꞌoh.

Luke 5:11

ꞋInka yanáhuski whe tsꞌiyaitsuk ꞌet hila ditni. ꞋInkꞌez hikꞌoh tsꞌe ootꞌen ha huyuntizdil.

Luke 6:22

Dune nohtsꞌo dutitni ꞌinkꞌez ꞌaw bubulh óohtꞌeꞌ ꞌaitꞌoh nohohulhtsi. ꞋInkꞌez nohchꞌaz yahutilhduk whe Yinka Dune Yeꞌ, ꞌen gha nohooziꞌ dutsun hitilhtselh ꞌinkꞌez ꞌun hitilhdulh. ꞋEt whuz unꞌa ndunóhuhulhꞌen de, ꞌukꞌenus hoonzoo-un nohgha whultsꞌut.

John 15:19

ꞋEnne buloh ꞌahli de, ꞌet daꞌ nohkꞌehootsiꞌ ooleꞌ daꞌ. ꞋEt hoontsꞌi nohni butoh ꞌutáhanóhisdla, ꞌinkꞌez ꞌaw ꞌon ꞌun buloh lháhloh, ꞌet huwa yinka whuduneꞌne nohtsꞌu hudutni.

John 4:36

Mbe la whutꞌas-un, ꞌen ooba kꞌelha hoonli, ꞌinkꞌez ꞌen ꞌilhiz ooleꞌ huye khúna-i, ꞌi oogha ítaltsꞌulh. ꞋEt huwa mbe la ꞌaꞌ nule-un ꞌinkꞌez mbe la ꞌilhunayoodilhdzeh-un, nahúltꞌoh ꞌalhgoh huhontálhni.

Acts 9:16

ꞋEt ꞌinkꞌez sichꞌoh whúntistun datꞌen whe si sgha dzoh nutizut-un huwun.”

1 Corinthians 2:9

ꞋEt hoontsꞌi ndiz unꞌa Yakꞌusda neba lhaoodinla. Ntsꞌenꞌa la ꞌukꞌehooguz-un, ꞌet huwa ꞌuhooja whe ndutni, “Mbene la Yakꞌusda kꞌensiꞌne, ndet whe Yakꞌusda buba lhaoodinla, ꞌi tsꞌiyawh duna be lhuhuhoosꞌen, ꞌinkꞌez dudzeh whe ꞌaw lhuhodítsꞌil, whuz buba hooncha kꞌet ꞌaw howu nuni hunoozut ꞌaitꞌoh.”

2 Corinthians 5:16

ꞋEt ꞌinka ꞌandit dzin whutsꞌun ndi yun kꞌut dune nena be uznilhꞌen dahíntꞌoh la, ꞌet ꞌaw whuz unꞌa iloh whe dune tꞌebuzninzun. ꞋEt hoontsꞌi ꞌet whuz unꞌa Christ ꞌen ghun tꞌezninzun. ꞋEt hoontsꞌi ꞌandit ꞌaw whuz unꞌa za ꞌen ghun tꞌetsꞌonínzun.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

1 Peter 4:14

ꞋEt Christ unidulhne ꞌahli huwa nohodilhtsiꞌ de, ꞌet de soo ꞌukꞌenus hoonzoo-un ꞌudaꞌ nohbulh ꞌúhooja. Yakꞌusda ooyughi ye diztiꞌ-i, ꞌi ꞌilhiz wheni nohbulh ꞌuntꞌoh ꞌet huwa. Ndunne, hichꞌaz yalhduk, ꞌet hoontsꞌi nohni dúlhtiꞌ whuz unꞌa ooghu yalhduk.

3 John 1:7

Yakꞌusda booziꞌ gha whe hándil ꞌinkꞌez ꞌudun yun kꞌut whutꞌenne bula kꞌez lheꞌhílhchulh ꞌet huwa.