Matthew 19:27 - Yak'usda Ooghuni

²⁷ ꞋEt Peter yatilhduk whe Jesus njan ndúyulhni, “Whunilhꞌen, ndai la tsꞌutꞌi-i, ꞌi tsꞌiyawh oolazditni, ꞌinkꞌez nye ꞌutꞌen kꞌoh tsꞌe tsꞌootꞌen ha nyutsꞌun tizdil. ꞋEt huwa di negha tíkulh?”

Matthew 19:27 Iomraidhean Croise

Matthew 19:26

Jesus ꞌubunilhꞌen ꞌinkꞌez ndúbulhni, “Dunene, ꞌaw ꞌuhuhooleh ꞌaitꞌoh-un, ꞌet hoontsꞌi Yakꞌusda ba huwa lhúhoolnaꞌ wheꞌ hoontꞌoh.”

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Matthew 9:9

ꞋEt hukwꞌelhꞌaz Jesus ꞌoh whuya uyalh whe sooniya naldzooh-un, ꞌilhoghun dune Matthew huyulhni, ꞌet usda yunilhꞌen. “Sunanyalh,” yulhni. Dudinya ꞌinkꞌez yikꞌoh tsꞌe ꞌutitꞌelh ha yuntizya.

Mark 10:28

ꞋEt Peter yatílhduk, “Whunilhꞌen, tsꞌiyaitsuk oolazditni ꞌinkꞌez nyutsꞌun tizdil.”

Mark 2:14

Jesus ꞌoh whuya uyalh whe Alphaeus ooyeꞌ Levi, Capernaum whenkuti huwunli ha sooniya nálhdzooh-un, ꞌen Jesus yutilhꞌen ꞌet uyúlhni, “Sunanyalh.” Levi dudinya ꞌinkꞌez yukꞌoh tsꞌe ootꞌen ha yuntizya.

Luke 14:33

ꞋEt huwa nohni nohtoh ꞌilhone ꞌahli whe, tsꞌiyawh ahtꞌi-i, ꞌaw oolalhduzahni de, ꞌaw sgha hodilꞌeꞌne oohleꞌ ꞌaitꞌoh.

Luke 15:29

ꞋEt dubá uyúlhni, ‘Nilhꞌen lheꞌwhuldzoh mba ꞌustꞌen. ꞋInkꞌez ꞌaw nghuni ꞌilho hoontsꞌi kꞌulhúsyus. ꞋEt hoontsꞌi ꞌaw ꞌusbaiyaz hoontsꞌi sgha lhilhtel skꞌekene bubulh whúnosni ha.

Luke 18:28

ꞋEt Peter yatilhduk whe Jesus njan ndúyulhni, “Whunilhꞌen tsꞌutꞌi-i, ꞌi tsꞌiyawh oolazditni ꞌinkꞌez nye ꞌutꞌen kꞌoh tsꞌe tsꞌootꞌen ha nyutsꞌun tizdil.”

Luke 5:11

ꞋInka yanáhuski whe tsꞌiyaitsuk ꞌet hila ditni. ꞋInkꞌez hikꞌoh tsꞌe ootꞌen ha huyuntizdil.

1 Corinthians 1:29

ꞋEt whe ꞌaw ꞌilhoghun hoontsꞌi Yakꞌusda nalh ncha naꞌdudolꞌeꞌ ꞌaitꞌoh.

1 Corinthians 4:7

Mbe ꞌunohinla ꞌuyoon dulhulhtꞌoh nohulhtsi? Gak! Di ꞌintꞌi ndai la nghá lhikulh-i? Gak! ꞋEt hoonli ngha ninkat de, ꞌet di ha howindloh whe ꞌaw hoonli sgha lhikulh dutanelh?

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.