Matthew 19:16 - Yak'usda Ooghuni

¹⁶ ꞋEt ꞌawet ꞌilhoghun dune Jesus yughu ninya ꞌinkꞌez yoodulhkut, “Dune hodulhꞌeh-un unzoo-un, ntsꞌenꞌa hoonzoo kꞌunꞌa ꞌutistꞌelh whe ꞌilhiz khutisnalh-un whuchꞌa ootásdoh?”

Matthew 19:16 Iomraidhean Croise

Matthew 19:15

Dula be bukꞌudalni, ꞌinkꞌez whe naja.

Matthew 19:26

Jesus ꞌubunilhꞌen ꞌinkꞌez ndúbulhni, “Dunene, ꞌaw ꞌuhuhooleh ꞌaitꞌoh-un, ꞌet hoontsꞌi Yakꞌusda ba huwa lhúhoolnaꞌ wheꞌ hoontꞌoh.”

Matthew 19:29

ꞋInkꞌez mbe la si sooziꞌ gha duyoh huwu tizya de, kꞌus dulhutsinke te, kꞌus dulhtuske te, kꞌus dubá cha ꞌinkꞌez duloo cha te, kꞌus duꞌat te, kꞌus duzkehke te, kꞌus dukeyoh cha, si sooziꞌ gha huwu tizya de, ꞌen whunizyat whunizyai (100) ꞌet ꞌuwhultsuk-un ootlꞌa naóotikulh. ꞋInkꞌez ꞌilhiz whe tsꞌukhuna-un, ꞌet cha oogha óotaltsꞌulh.

Matthew 25:46

ꞋEt nduntꞌohne, ꞌilhiz wheni dzoh nuhutideh tsꞌe hutidulh. ꞋEt hoontsꞌi tsꞌihꞌun ꞌuntꞌohne, ꞌilhiz whe tsꞌukhuna-un bugha óotakulh.”

John 10:28

ꞋIlhiz huye khútinalh-i, ꞌi bugha núsꞌai. ꞋAw yalhahitásdla ꞌinkꞌez ꞌaw dune sla kꞌéhaboolelhne hooloh.

John 12:25

Mbe la dune ye khuna-i yukꞌensiꞌ de, ꞌet de ye khúna-i ninta itáꞌalh whe ꞌuntꞌoh. ꞋEt hoontsꞌi mbe la ndi yun kꞌut ye khúna-i ooba ꞌantsꞌi yintꞌoh de, yootatun whe ꞌilhiz ooleꞌ hutinalh.

John 3:15

ꞋEt huwa mbene la ꞌen ghun ooba ꞌalha ꞌuhoontꞌoh-un, ꞌen ꞌaw dalhótisa, ꞌilhiz ooleꞌ wheni hutinalh.

John 4:14

ꞌet hoontsꞌi mbene la too bugha ítasdzoh, ꞌi huyitnaiꞌ de, ꞌaw ꞌon ꞌat taꞌhódaꞌ ꞌaítꞌoh. Mbe la ndi too oogha ínusdzo-un, ꞌi too ꞌahoolhyiz ninli ndultꞌoh, ꞌi be ꞌahoolhyiz wheni huhutinalh,” yúlhni.

John 5:39

Yakꞌusda ooghuni ꞌukꞌu nusgúz-i, ꞌi be ꞌilhiz huye khúna-i ahtꞌi nahzun, ꞌinka ꞌáhtꞌen soo cho bodulhꞌeh, ꞌinkꞌez ndi khuni ꞌukꞌu nusgúz-i, ꞌi si sghun za ꞌuntꞌoh.

John 6:47

ꞋAlhaꞌ nohdúsni, mbene la si buba ꞌalhaꞌ ꞌustꞌohne, ꞌenne ꞌilhiz ooleꞌ huye khúna-i hutꞌi.

John 6:68

ꞋEt Simon Peter uyúlhni, “NeMoodihti, mbe suba ootsꞌuztoodilh? Nyun za khuni ꞌilhiz wheni be tsꞌúkhuna-i ꞌintꞌi,

Acts 16:30

ꞋEt tenábunilhti ꞌinkꞌez uboodulhkut, “Soo sudutáhnelh datísnelh whe dutisjih?” ubúlhni.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Romans 5:21

ꞋOh daꞌ lubeshi gha dune ye dátsah-i ꞌaw yula gha óoyaꞌ ꞌaítꞌoh. ꞋEt hoontsꞌi ꞌandit Yakꞌusda ye únzoo-i, dune huyílhchoot de, ꞌi gha ꞌilhiz huhutinalh. NeMoodihti Jesus Christ ꞌen gha whuz unꞌa nebaꞌ hóonla.

1 Timothy 1:16

ꞋEt hoontsꞌi Jesus Christ, ꞌen sgha teꞌninzin. ꞋEt ꞌinkꞌez ꞌen ba ꞌudechoo ꞌoh te neꞌustꞌen-un oosdleꞌ. ꞋEt huwa sgha teꞌninzin. Ndunne ꞌawet nilhdukw buba ꞌalhaꞌ yintꞌoh whe ꞌilhiz huhutinalh-un hotitꞌelh, ꞌenne whubunilhtan-un usdli.

1 Timothy 6:12

Neba ꞌalhaꞌ ꞌuntꞌoh-i, ꞌi gha ꞌon ꞌun ꞌoneh ꞌaitꞌoh whe hukwa ꞌintꞌen. Nyun cha ꞌon ꞌun ooneh ꞌaitꞌoh-un hukwa ꞌontꞌen. ꞋIlhiz be tsꞌukhuna-i, ꞌi dutsꞌo cho hontun. Nyun cha dutanjih ha nka hisda ꞌet huwa. ꞋInkꞌez lhane nalh soo hoonzoo-un budaniꞌ.

1 Timothy 6:19

ꞋEt nduhutꞌen de, ꞌi be ndo yakꞌuz diztiꞌ-i dichꞌoh duba ꞌilheꞌhosdle, whusaootiltsꞌulh-un wheni. ꞋEt de ꞌilhiz be tsꞌukhuna-i huyitálhchulh.

Titus 1:2

ꞋIlhiz be tsꞌukhuna-i ooka tse hoodli-i, ꞌi Yakꞌusda ꞌaw lhuwhustsꞌit ꞌinkꞌez soo ꞌudechoo daꞌ whutsꞌun ꞌi netsꞌu yoozi.

Titus 3:7

ꞌet whe ye unzoo-i gha nelubeshi tsꞌiyawh neba hooloh yulhtsi. ꞋIlhiz be tsꞌukhuna-i hukwa tse hoodli-un, ꞌet nechꞌeꞌ whutaleh ꞌet huwa.

1 John 1:2

Ndi be tsꞌukhuna-i nenalhtsꞌet haltsꞌut ꞌinkꞌez tsꞌohonꞌen ꞌinkꞌez howu yatsꞌalhduk. Ndi ꞌilhiz be tsꞌukhuna-i neBá bulh ꞌuntꞌoh. ꞋI nenalhtsꞌet ha hóoltsꞌut, ꞌet huwun nohtsꞌudániꞌ.

1 John 2:25

Njan netsꞌú hoozi-un, ꞌilhiz tsꞌuhutinalh-un, ꞌet ꞌuwhúlhni.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.

Jude 1:21

Yakꞌusda ye nékꞌensiꞌ-i, ꞌi za bulh óohtꞌeꞌ. NeMoodihti Jesus Christ ye teꞌ ninzun-i, ꞌi be ꞌilhiz tsꞌukhoonaꞌ-un tsꞌuwhutꞌi, ꞌet za hukwa itóhꞌen.