Matthew 18:6 - Yak'usda Ooghuni

⁶ “ꞋEt hoontsꞌi tsꞌoodunne buba ꞌalha ꞌustꞌohne, tsꞌoodunne hoontsiꞌ tsꞌe ubonilhtꞌine, mbe la dune edújane, ꞌenne tse cho butsꞌilchun ehudinguz ꞌinkꞌez kꞌus takhulh-un ꞌet tábahano de, ꞌon nus hootázooꞌ.

Matthew 18:6 Iomraidhean Croise

Matthew 17:27

ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

Matthew 18:10

“ꞋEt ndunne tsꞌoodunne khun buka lheꞌnuzoohzin junih! ꞋAlhaꞌ bulizas yakꞌuz hudilhtsꞌi, ꞌenne bughu hinli ꞌinkꞌez SBá yakꞌuz usda-un bulizas ꞌahoolhyiz hinalh neꞌutꞌen.

Matthew 18:14

ꞋEt whuz unꞌa za ndunne tsꞌoodunne, ꞌet ꞌilhoghun hoontsꞌi kwuncho yo tsꞌu tiyalh de, nohBá yakꞌuz usda-un, ꞌen ꞌaw hukwa lheꞌnizun.”

Matthew 18:5

ꞋInkꞌez tsꞌoodunyaz, yukꞌoh tsꞌe ꞌuntꞌoh-un, Si sooziꞌ cha yukꞌoh tsꞌe yílhchoot-un, si cha suhílhchoot wheꞌ hoontꞌoh.”

Mark 9:42

ꞋEt ꞌilhoghun tsꞌoodun ooba ꞌalhaꞌ ꞌustꞌoh-un ꞌinkꞌez dune lubeshi be schꞌa yulhti de, ndun dune tsꞌoodun tankꞌus unꞌa wheyúntilhtun ꞌet whutso huyúlh tatse oolhꞌis ꞌon nus sooꞌ hoontꞌoh.

Acts 9:5

“Moodihti mbe inli?” ni Saul. “Si Jesus ꞌustꞌoh. Si ꞌusilhꞌen dzoh nusílhdzut. Mbe la tutsus nulé-un ookꞌú nulheꞌzintꞌen de, nyunchꞌoh za dzoh nunáꞌdudildzut,” yúlhni.

Romans 14:21

ꞋUtsung tíhꞌulh, kꞌus tsꞌekoo tooꞌ tihnelh, kꞌus ndai la ꞌilhꞌen-i, ꞌi gha nohulhutsin ooba nawh ꞌuwhutꞌih, kꞌus ooba dzoh cha lhih, kꞌus ye ꞌalhaꞌ ninzun-i cha tetsun lhih de, ꞌet ndahtꞌen de, ꞌaw nohba tsꞌihꞌun lheꞌhóotꞌoh.