Matthew 18:3 - Yak'usda Ooghuni

³ ꞋInkꞌez ꞌet ꞌúbulhni, “ꞋEt soo tsꞌihꞌun unꞌa nohdusni, ꞌaw ꞌutsꞌun unꞌa nalheꞌzahtne de, ꞌinkꞌez tsꞌoodunneyaz kꞌoh tsꞌe ꞌahtꞌoh nasahdliꞌ de, ꞌet de za yakꞌuz whulerwe unli-un whuz tihdulh.

Matthew 18:3 Iomraidhean Croise

Matthew 13:15

Ndunne dune budzi bubaꞌ hoontꞌoh suliꞌne ꞌet huwa, ꞌinkꞌez ꞌaw hoonli hodótsꞌo-un hooloh, duna cha hinilhtsul, doo ka si hoohooꞌen ooleꞌ whuchꞌa. ꞋInkꞌez ooka si huwu dotsꞌo ꞌet whuchꞌa. Doo ka si dudzi be tꞌehonoozeh, ꞌinkꞌez nahundunoodulh. ꞋInkꞌez daꞌ Yakꞌusda uboolhyih,’ ni Isaiah.

Matthew 18:2

ꞋEt Jesus tsꞌoodunyaz ꞌanih yulhni, ꞌinkꞌez butoh neínilhti.

Matthew 18:4

ꞋEt huwa ndun tsꞌoodunyaz, kꞌunꞌa yo ꞌududildzun-un, ꞌet ntsꞌe la yakꞌuz kꞌuneꞌ whulꞌen-un, ꞌenne za kꞌus hidilhtiꞌ-un tileh whe ꞌuntꞌoh.

Matthew 19:14

ꞋEt Jesus ꞌúbulhni, “Whute tsꞌoodunneyaz stsꞌó toodilh. Dah budóhniꞌ junih! Yakꞌusda whe lerwe unli-un whuz dilhtsꞌine, ndunne tsꞌoodunneyaz ubunduhúltꞌoh wheꞌ hintꞌoh.”

Matthew 19:23

ꞋEt Jesus yugha hodulꞌehne ubúlhni, “Soo tsꞌihꞌun unꞌa nohdusni, yakꞌuz ntsꞌe lerwe unli-un, tube howa whulnaꞌ whe hoonzooꞌ ꞌuntꞌoh-un whuz tiyalh.

Matthew 5:18

ꞋAlhaꞌ dusni, Moses be ꞌudustlꞌus Hebrew bughuni kꞌunꞌa hoontꞌum-unyaz whe ꞌukꞌeguz-un ꞌinkꞌez hoontꞌum-unyaz usgus-un, ndet ꞌuwhulhni, ꞌet tsꞌiyawh ꞌet ndúhooja de, ꞌet whutsꞌun ꞌaw ndi yun ꞌinkꞌez yakꞌuz cha ꞌetsul ꞌuhóneh ꞌaitꞌoh.

Matthew 5:20

ꞋAlha nohdusni ndunne Moses be ꞌudustlꞌus ꞌukꞌu nunáguzne ꞌinkꞌez Phariseene cha, ꞌenne hiye tsꞌihꞌun unꞌa ꞌuntꞌoh-i ꞌinkꞌez nohni be tsꞌihꞌun unꞌa ꞌahtꞌoh-i, ꞌi buba nus ahzoo de, ꞌet de za ntsꞌe la yakꞌuz kꞌuneꞌ whulꞌen-un tsꞌe tíhdulh.”

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:2

ꞋEt huwa telꞌenne ghaꞌ tihꞌalh de, khun tsꞌiyanne nalh ꞌududolhtiꞌ junih. Duba naꞌudzooꞌne, ꞌenne whuz unꞌa ꞌet nduhútꞌen. Lizwif bulugliz kꞌus ti whulheguz-un ꞌet tsꞌiyanne ubunoolhꞌen ha, ꞌet nduhutꞌen. ꞋAlhaꞌ dusni, ooba kꞌelha whutalehne, ꞌudaꞌ buba nkꞌelha whuzdliꞌ whe ꞌuhintꞌoh.

Matthew 6:5

“Tenadahdli de, khun duba naꞌudzooꞌne kꞌoh tsꞌe tenadoohdli junih. Whuz unꞌa lizwif bulugliz cha nódilhya, kꞌus ti whulheto huhóontꞌiꞌ whe whuz unꞌa tenahududli tsꞌiyanne ubunoolhꞌen ha. Nohdúsni, ꞌudaꞌ buba ꞌukꞌelha whuzdliꞌ wheꞌ hintꞌoh.

Mark 4:12

ꞋEt whe la: ‘Hohonilhꞌen hoontsꞌi la ꞌaw lhuhuhoos̱ꞌen ooleꞌ. ꞋUhuditsꞌo ꞌet hoontsꞌi ꞌaw tꞌehahonoosze ꞌaitꞌoh. Bubeni taóodiltsꞌut ꞌinkꞌez Yakꞌusda tsꞌu náhulhꞌa de, bulubeshi buba ꞌún yutilhdulh.’”

Luke 13:24

“Hoondat-un datí-un hukwa daóohtni. ꞋEt nohdusni lhane ꞌet datí-un dahátidulh hukwaꞌ huntizilh, ꞌet hoontsꞌi ꞌaw ꞌuhooneh ꞌaitꞌoh.

Luke 22:32

ꞋEt hoontsꞌi mba tenadisdli whe mba ꞌalhaꞌ ꞌustꞌoh-un, ꞌet ꞌaw nla kꞌéha hooltsꞌit ꞌaitꞌoh. ꞋInkꞌez ndet la stsꞌu naóozinja de, nyulhutsinke hilhtus ubolhtselh.”

John 1:51

ꞋEt soo tsꞌihꞌun unꞌa nyudusni, yakꞌuz dáhaꞌ dankez ꞌinkꞌez Yakꞌusda oolizasne ndus de ha hádudoh ꞌinkꞌez ndo cha whenáhadudoh ndun Yinka Dune Yeꞌ ꞌen ba ꞌuhutꞌen, ꞌet whuntalhꞌelh,” yúlhni.

John 3:3

ꞋEt Jesus yúlhni, “Soo tsꞌihꞌun unꞌa nyudúsni, dune doo cha za whuzdli de, ꞌet de za Yakꞌusda lerwe unli-un whutiꞌelh.”

John 3:5

ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh.

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Acts 28:27

Ndunne dune budzi dútsꞌo, dudzeh cha whudáꞌhudinla, ꞌinkꞌez hunílhtsꞌul cha ꞌuhintꞌoh. ꞋEt njan ꞌaw ndulhúhitꞌoh de soo daꞌ huhooꞌen, ꞌinkꞌez ꞌuhudótsꞌo, ꞌinkꞌez bubeni cha daꞌ tꞌéoonoozeh óoleꞌ. ꞋEt de daꞌ stsꞌun náhalhya ꞌinkꞌez daꞌ soo náꞌboosdleh, ni Yakꞌusda.’”

Acts 3:19

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

1 Corinthians 14:20

Sulhutsinke noheni be tsꞌoodunne kꞌunꞌa oohtꞌeꞌ junih noheni be. ꞋEt chalhtsꞌul dahíntꞌoh la ꞌaw hoontsiꞌ-un tꞌehonuszun, ꞌet whuz unꞌa oohtꞌeꞌ. ꞋEt hoontsꞌi dune suliꞌ kꞌunꞌa nuní noohzut.

1 Peter 2:2

ꞋAndit tsꞌoodunne whuzdline lilet ꞌi za hika dátni, nohni cha bukꞌunꞌa ndi khuni tsꞌihꞌun ꞌuntꞌoh-i, ꞌi za ookwa daóohtni ꞌon nus ulhtus tihleh ha.

2 Peter 1:11

Ndiz unꞌa neMoodihti ꞌinkꞌez neulhyis-un Jesus Christ, ntsꞌe ꞌilhiz wheni lerwe unli-un, ꞌet hoonzoo whe nohba dáhaꞌ dutikwus.