Matthew 18:24 - Yak'usda Ooghuni

²⁴ ꞋEt whunilhꞌen whe ꞌilhoghun be ꞌulhna-un dahinilhti ye yutsꞌú whulhꞌai-i, ꞌi 10,000 sooniya diztiꞌ-i, ꞌet ꞌultsuk.

Matthew 18:24 Iomraidhean Croise

Genesis 44:10

ꞋInkꞌez ꞌutni, “ꞋEt daja duhni la, mbe oochꞌeꞌ toh natsꞌinla de, ꞌen si seꞌulhna tileh ꞌinkꞌez nohni ꞌaw nohkꞌelhoowhutaltsꞌulh.”

Matthew 18:23

ꞋEt yakꞌuz kꞌúneꞌ whulꞌen-un, ꞌet nduhoontꞌoh: ꞌilhoghun lerwe unli daꞌ, ꞌet be ꞌulhnane, ꞌenne daltsuk be butsꞌú whulhꞌai, ꞌi tsꞌiyawh ye bubúlh lhanaoodutile hukwaꞌ ninzun.

Matthew 18:25

ꞋEt hoontsꞌi yukꞌelha yoolhtselh-i hooloh. ꞋEt lerwe dughuni be ꞌuyulhni; dune, ooꞌat, buzkeh, ꞌinkꞌez yutꞌi-i cha, tsꞌiyawh be ꞌóket. ꞋEt de ooba ꞌukꞌelha whutaleh.

Matthew 25:15

ꞋIlhoghun kwulaiꞌ sooniya diztiꞌ-i yutlꞌa inla. ꞋIlhoghun cha nanki sooniya diztiꞌ-i yutlꞌa inla. ꞋEt ꞌuyoon ꞌilho za yutlꞌa inꞌai. ꞋIlhone hinli whe hoonzoo hukwꞌunꞌa hiye whutilelh, ꞌet wheni butlꞌa yánla.

Matthew 25:16

ꞋEt hukwꞌelhꞌaz ꞌawet whinya. ꞋEt ꞌilhoghun kwulaiꞌ yutlꞌa inla-un, ꞌon ꞌun kwulaiꞌ ꞌuniltsuk-i yeꞌ ꞌínla.

Matthew 25:20

ꞋEt kwulaiꞌ yutlꞌa inla-un, kwulaiꞌ be ꞌon ꞌun ꞌuniltsuk-i, ꞌi yuba whusanáyanla. ꞋEt ndúyulhni, ‘Smoodih kwulaiꞌ sooniya diztiꞌ-i stlꞌa inla. Nah! Nilhꞌen kwulaiꞌ be ꞌon nus mba be naꞌusdla.’

Matthew 25:22

ꞋEt ꞌilhoghun nanki sooniya diztiꞌ-i yutlꞌa inla-un, ꞌen cha whusainya. ꞋEt ꞌúyulhni, ‘Smoodih nanki sooniya diztiꞌ-i stlꞌa inla. Nah! Nilhꞌen nanki be ꞌon nus mba naꞌusdla.’

Matthew 25:24

ꞋEt ꞌilhoghun ꞌilho sooniya diztiꞌ yutlꞌainꞌai-un whusainya ꞌinkꞌez uyúlhni, ‘Smoodih tꞌeoonuszun nyun ꞌaw tꞌelheꞌnínzun-un ꞌintꞌoh. Ntsꞌe la ꞌalheꞌ nuzinloh-un ꞌet hoontsꞌi ꞌet naꞌilhdzooh. Ndet la ha níyeh ꞌulheꞌnínlel-un ꞌet hoontsꞌi haꞌ ninlih.

Luke 13:4

Kꞌus keyoh Siloam huwhútni, ꞌet tse whedinꞌai-i whunizyane ꞌon ꞌat lhkꞌudine, ꞌenne bukꞌé ningez whe tsꞌiyawh higan. ꞋEt Jerusalem whutꞌenne buba nus lubeshi ꞌuhulhꞌenne ꞌuhintꞌoh nahzun eh?

Luke 16:5

ꞋInka oomoodih ꞌilhone hinli whe butsꞌú whulhꞌaine, tsꞌiyawh ꞌanih budániꞌ. ꞋInkꞌez ꞌudechoo-un yoodulhkut, ‘Smoodih daltsuk ntsꞌu whulhꞌai?’

Luke 16:7

ꞋEt ꞌuyoon cha ꞌuyulhni, ‘Nyun doꞌ, daltsuk ntsꞌú whuzꞌai?’ ꞋInkꞌez uyúlhni, ‘Tlꞌo maiꞌ 100 bundéꞌoolhdzai-i.’ ꞋEt ꞌuyulhni, ‘Bé ntsꞌu whuzꞌai-i, 80 ꞌukꞌeꞌinges!’