Matthew 18:17 - Yak'usda Ooghuni

¹⁷ ꞋInkꞌez ꞌaw lhunoh oozílhtsꞌai de, ꞌet de Yakꞌusda ba ꞌilhunaoodulhne cha budóhni. ꞋEnne cha ꞌaw lhuboozílhtsꞌai de, ꞌet de mbe la ꞌaw ooba ꞌalha lheꞌhootꞌoh-un kꞌus mbe la sooniya ꞌilhunaoosꞌaih-un, ꞌet ndun lubeshi be ndulhyo ꞌuja-un, ꞌen ꞌenne bukꞌunꞌa noolhꞌen.

Matthew 18:17 Iomraidhean Croise

Matthew 10:3

Philip ꞌinkꞌez Bartholomew; Thomas ꞌinkꞌez sooniya nalhdzooh-un Matthew; James Alphaeus ooyeꞌ ꞌuntꞌoh, ꞌinkꞌez Lebbaeus ꞌen oobooziꞌ ꞌudekꞌez-un Thaddaeus cha huyulhni;

Matthew 11:19

ꞋEt Yinka Dune Yeꞌ, dune taninya ꞌaꞌalh ꞌinkꞌez tatnaiꞌ, ꞌinkꞌez ꞌuhutni, ‘Nyoon oocha hooncha ꞌinkꞌez tsꞌekoo tooꞌ ꞌutnai. Sooneya nalhdzoohne ꞌinkꞌez lubeshi ꞌulhꞌenne, bukꞌeke unli,’ dáhni. ꞋEt hoontsꞌi Yakꞌusda gha whunih suliꞌne, ꞌenne tsꞌiyawh hiye whunih-i, ꞌi be tsꞌihꞌun ꞌuhintꞌoh suliꞌ.”

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Matthew 6:7

ꞋEt tenadahdli de, lhat cho ꞌoh lhunahoohdeh junih. Whuz unꞌa lhendun keyoh whutꞌenne kꞌunꞌa tenahududli. ꞋEnne lhai khuni be tenahududli de, ꞌi be Yakꞌusda budutátsꞌo huninzun ꞌet huwa.

Luke 15:1

ꞋEt sooniya nalhdzoohne ꞌinkꞌez lubeshi ꞌulhꞌenne cha tsꞌiyawh Jesus huyootuzálhtsꞌilh ha highu nindil.

Luke 18:11

Ndun Pharisee ꞌen dichꞌoh usyin ꞌinkꞌez tenadudli whe njan ndutni, ‘Yakꞌusda musi nyudusni. ꞋAw ꞌuyoonne dune dúlhuztꞌoh. ꞋUyoonne eꞌwhuhalhtsꞌit sooniya be, ꞌenne ꞌaw tsꞌihꞌun lheꞌitꞌohne ꞌuhintꞌoh, ꞌinkꞌez tsꞌekoo kꞌus dunene bulh níntaꞌ ꞌutꞌihne. ꞋInkꞌez ndun sooniya ꞌilhunaoosꞌaih-un, ꞌen cha bundúlh uztꞌoh.

1 Corinthians 5:9

ꞋEt ꞌudaꞌ ꞌudustlꞌus be nohdasniꞌ mbe la dune tsꞌeke bulh lubeshi ꞌuhulhꞌen ꞌenne khun ꞌilhiz ooleꞌ buchꞌoh oohtꞌeꞌ.

1 Corinthians 6:1

ꞋEt mbe nohtoh ooba ꞌalha ꞌuhoontꞌoh-un, ꞌuyoon bulh dulhyoh ꞌuhutni de, ꞌet ntsꞌenꞌa ꞌuwhutatꞌelh whe ooba ꞌalhaꞌ lheꞌhootꞌohne but nebutalhtelh buba nahoodeh ha? ꞋAw nduhóotꞌen huba lheꞌhóotꞌoh! ꞋInkꞌez ntsꞌenꞌa ꞌuwhutatꞌelh whe Yakꞌusda oochꞌeꞌne ꞌaw bubut neyolhtelh ꞌaitꞌoh?

2 Thessalonians 3:6

ꞋEt ꞌawet neulhutsinke, neMoodihti Jesus Christ booziꞌ gha njan dunohtsꞌutni, ndunne ooba ꞌalha ꞌuhoontꞌohne neulhutsinke hinli, tsedutni ꞌinkꞌez ꞌantsꞌi oogháꞌ tikulh za huba sulhꞌi de, ꞌet nduntꞌohne, ꞌenne tsꞌiyawh buchꞌa nasahdilh, ꞌinkꞌez buyit ꞌahtꞌoh. Ndi Yakꞌusda ooghuni whubutsꞌodalhꞌeꞌ-un, ꞌaw lhuhuhóotun ꞌet huwaꞌ hintꞌoh.

1 Timothy 6:5

Ndunne bubeni ntsiꞌ suliꞌ whe ꞌahoolhyiz lhdulhyoh ꞌuhunudzun. Khuni ꞌalhaꞌ ꞌuntꞌoh-i lhuhitꞌiꞌ. ꞋEnne ꞌuhuninzun mbe la Yakꞌusda be ꞌutꞌen koh hukwꞌu neꞌutꞌen-un, ꞌen ꞌutinilh hoonzooꞌ tinelh. Nduntꞌone buchꞌaz nasindaih.