Matthew 18:15 - Yak'usda Ooghuni

¹⁵ “ꞋO ꞌun cha nyulhutsin lubeshi be ndulhyo ꞌuja de, oozih neninya ꞌinkꞌez daja whe ndulhyo ꞌuja-un, whuꞌiz dóniꞌ. Nghuni yílhchoot de, nyulhutsin whuchꞌa nanilde wheꞌ hoontꞌoh.

Matthew 18:15 Iomraidhean Croise

Matthew 18:14

ꞋEt whuz unꞌa za ndunne tsꞌoodunne, ꞌet ꞌilhoghun hoontsꞌi kwuncho yo tsꞌu tiyalh de, nohBá yakꞌuz usda-un, ꞌen ꞌaw hukwa lheꞌnizun.”

Matthew 18:21

ꞋEt Peter yughu ninya whe yoodulhkut, “SMoodihti sulhutsin lubeshi be sdulhyoh ꞌuja-un, dawhultsuk sdulhyoh lubeshi ꞌutilelh ꞌinkꞌez ooba whunaoodutiznoh? Lhtakꞌantꞌit tilah ꞌet ꞌuwhultsuk-un?”

Matthew 18:35

ꞋEt nohni cha nohulhutsinke nintaꞌhantꞌen de, ꞌinkꞌez nohdzi be ꞌaw buba whunalhodulhnoh de, ꞌet de sBá yakꞌuz usda-un, whuz unꞌa za ꞌaw nohba whunaoodoolnoh ꞌaitꞌoh.”

Romans 12:21

ꞋUyoonne tankꞌus ꞌúhutꞌen ꞌi be nohchꞌaꞌ hoolhdeh junih kꞌus hoontsiꞌ-un ꞌutꞌen unzoo-i be whuchꞌaꞌ oolhdeh.

1 Corinthians 8:12

ꞋEt nohulhutsinke nohni nohgha lubeshi ꞌuhulhꞌen de, buyo tsꞌe oogha tꞌetsꞌoninzun-i cha undólhdah la. ꞋEt whuz unꞌa ndutihtꞌelh de, ꞌet de Christ oochꞌa lubeshi itálhchulh.

2 Corinthians 7:12

ꞋUdustlꞌus nohtsꞌó kꞌésguz-i, mbe la nintaꞌantꞌen-un ꞌinkꞌez mbe tsun nintaꞌantꞌen-un ꞌaw ꞌenne bugha iloh nohtsꞌó kꞌeísguz. ꞋEt hoontsꞌi Yakꞌusda nalh tsꞌihꞌun unꞌa whunoh uznulhtun, ꞌet huwa nohtsꞌó kꞌeꞌisguz.

Galatians 6:1

Sulhutsinke nohni Ndoni kꞌuneꞌ ꞌutꞌenne ꞌahtꞌoh, ꞌinkꞌez mbe la nohtoh lubeshi be ulhgooh-un, ꞌen nalhchoot. Nánilhtsul tsꞌihꞌun nenánulhtih. Nohnichꞌoh naꞌdunulhꞌen, doo ka sih nohni cha tankꞌus nóohtꞌi.

Colossians 3:13

Lhulh sooꞌ tsꞌintꞌoh, ꞌinkꞌez tsꞌiyantsuk lhba whunawhudulhneh. Nohtoh ꞌilhoghun ꞌuyoon kꞌehoonꞌai de, ntsꞌenꞌa Christ nohba whunaoodilhnoh, nohni cha whuz unꞌa za buba whunaoodoolhnoh.

1 Thessalonians 4:6

Khun te neulhutsin unline neghá whunistꞌen whe buꞌat bulh nintaꞌtsꞌootꞌen junih. ꞋEt whuz unꞌa za whutsodaꞌ nohdasniꞌ. ꞋInkꞌez doo cha za nohdusni, neMoodihti ꞌen za ndóohoontꞌoh-un huwun kꞌútneh-un ꞌuntꞌoh.

2 Thessalonians 3:15

Khun nohulhutsinke ꞌutsꞌun unꞌa neꞌhutꞌen de, ꞌaw nohchꞌaz ditni-un nóohzin junih. Nohulhutsin kꞌunꞌa oogha dóohniꞌ.

Titus 3:10

Mbe dune lhchꞌaz nilhtꞌi-un, ꞌet whulh nat-un dah dániꞌ de, ꞌinkꞌez ꞌaw lhunyudústsꞌo de, teneóolhꞌaꞌ.

1 Peter 3:1

Nohni tsꞌekoo ndiz unꞌa za nohkike buba nyo ꞌudúdoolhdzin whe butlꞌaꞌ dudoolhyelh. Whulohne Yakꞌusda ooghuni hikꞌú nulheꞌustꞌen whe buꞌatke, ntsꞌenꞌa ꞌuhintꞌoh huwa tilah khuni yit hoontsꞌi dudeni náhondunoolelh.