Matthew 18:14 - Yak'usda Ooghuni

¹⁴ ꞋEt whuz unꞌa za ndunne tsꞌoodunne, ꞌet ꞌilhoghun hoontsꞌi kwuncho yo tsꞌu tiyalh de, nohBá yakꞌuz usda-un, ꞌen ꞌaw hukwa lheꞌnizun.”

Matthew 18:14 Iomraidhean Croise

Matthew 18:13

Nayilhti de, tsꞌihꞌun unꞌa nohdusni ndunne yuloh ꞌet nébuninlane, ꞌenne bugha whunilhni. ꞋEt hoontsꞌi ndun ꞌilhoghun ninta nilhget-un, nayilhti de, ꞌen gha dahoolcho ꞌi be suba ꞌon nus whuntálhnih!

Matthew 18:15

“ꞋO ꞌun cha nyulhutsin lubeshi be ndulhyo ꞌuja de, oozih neninya ꞌinkꞌez daja whe ndulhyo ꞌuja-un, whuꞌiz dóniꞌ. Nghuni yílhchoot de, nyulhutsin whuchꞌa nanilde wheꞌ hoontꞌoh.

Matthew 5:16

Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Matthew 6:32

ꞋAlhaꞌ ꞌudun yun kꞌut whutꞌenne hukwa hitísꞌen. ꞋInkꞌez ꞌalha ꞌi be nohBá yakꞌuz usda-un, ndai hoonli be tsꞌuwhulhdoh-i, tsꞌiyawh tꞌeooninzun.

Matthew 6:9

ꞋInka ndiz unꞌa tenadoohdli, ‘NeBá yakꞌuz sinda. Nyooziꞌ dótiꞌ.

Luke 12:32

Se ꞌusbai ꞌilhoh núlhꞌas-i, noolhjut junih! NohBá whe lerwe unli-un, hoontꞌiꞌ whe nohgha óotaꞌalh.

John 17:12

Mbene la sghá buninlane, ndi yun kꞌut ꞌawhuz bubulh ꞌústꞌoh daꞌ, nyooziꞌ ꞌi be hubostun ꞌinkꞌez bughosdleꞌ. ꞋEt ꞌaw kwuncho yo whuyeꞌ, ꞌen iloh, ꞌet huwa la ntsꞌoh te la ooghun ꞌukꞌuneꞌ ꞌúsguz inleꞌ-un, ꞌoh te néꞌhootꞌen.

John 21:15

ꞋAwet naꞌhitꞌal hukwꞌelhꞌaz, Jesus Simon Peter yoodulhkut, “Simon Jonas ooyeꞌ, ndunne, ꞌenne buba nús eh skꞌeinsiꞌ?” ꞋEt Peter uyúlhni, “A sMoodihti, nyunchꞌoh tꞌéwhunínzun nyadan usdli.” “ꞋEt de se ꞌusbaiyazne bube ꞌolhꞌalh,” yúlhni.

2 Timothy 2:10

ꞋEt huwa ꞌutahalyane, ꞌenne buba whulh susyin. ꞋEt de la ꞌutꞌahályane, ꞌenne cha Christ Jesus ꞌen ye néulhyis-i, ꞌi huyólhchoot ꞌinkꞌez ꞌilhiz huhótꞌeꞌ.

Hebrews 12:13

ꞋInkꞌez nohke ba ti cha lhtsꞌe oodizꞌa nahoolhtselh. Mbene nohtoh tetsunne, ꞌenne tinchꞌu hooyaꞌ ꞌaitꞌoh, ꞌet kꞌus soo hilhtus naꞌhutitleh.

2 Peter 3:9

NeMoodihti ntsꞌenꞌa netsꞌu náhizya-un, ꞌaw saꞌ nulhéꞌustꞌen. ꞋEt whulohne saꞌ sla ꞌutꞌen huninzun. ꞋEt hoontsꞌi tube saꞌ neba sulhꞌi. ꞋAw ꞌilhoghun ninta ooltsꞌit hukwa lheꞌnizun. ꞋEt tsꞌiyanne dudzi nahondunooleh ꞌet za butsꞌu hukwaꞌ ninzun.