Matthew 18:12 - Yak'usda Ooghuni

¹² Daja nahzun? Dune ꞌen whunizyat whunizyai (100) ꞌusbai ꞌutꞌi butoh ꞌilhoghun ninta nílhget de yuloh ꞌet néyuninla ꞌinkꞌez ndun ꞌilhoghun ninta nilhget-un, ꞌen dzulh kꞌuz yukawhenántai.

Matthew 18:12 Iomraidhean Croise

Matthew 12:11

ꞋEt dúbulhni, “Mbe nohtoh ꞌutinelh ꞌusbaiyaz natsꞌulyis dzin tsa kꞌet ꞌáltsꞌut ha nahítilhtelh natsꞌulyis dzin hoontsꞌi?

Matthew 18:13

Nayilhti de, tsꞌihꞌun unꞌa nohdusni ndunne yuloh ꞌet nébuninlane, ꞌenne bugha whunilhni. ꞋEt hoontsꞌi ndun ꞌilhoghun ninta nilhget-un, nayilhti de, ꞌen gha dahoolcho ꞌi be suba ꞌon nus whuntálhnih!

Matthew 21:28

“Nja huwun daja nahzun? ꞋIlhoghun dune nane ooyeꞌke ꞌudetso-un yughu ninya ꞌinkꞌez ꞌuyulhni, ‘Syeꞌ tsꞌekoo tooꞌ mai chun ha niyeh tsꞌe whuz inyalh ꞌinkꞌez sba ꞌintꞌen.’

Matthew 22:42

“Christ mbe unli-un ꞌuntꞌoh nahzun? Mbe tsꞌu hainzut-un suba ꞌuntꞌoh?” “ꞋEn David tsꞌu hainzut-un ꞌuntꞌoh,” huyulhni.

1 Corinthians 10:15

Whunihne kꞌunꞌa nohbulh yasduk. Nohnihchꞌoh soo cho tsꞌihꞌun neóonahꞌaih daja dusni-un.

1 Peter 2:25

ꞋAntsꞌi ꞌusbaiyaz ninta nilhꞌaz-i leꞌ ꞌahtꞌoh inleꞌ. ꞋEt ꞌandit ndun ꞌusbai ghunli leꞌ ꞌuntꞌoh-un ꞌinkꞌez nezul ghúndli-un cha, Jesus ꞌen ꞌuntꞌoh, ꞌen ooghu nanahdil.