Matthew 18:10 - Yak'usda Ooghuni

¹⁰ “ꞋEt ndunne tsꞌoodunne khun buka lheꞌnuzoohzin junih! ꞋAlhaꞌ bulizas yakꞌuz hudilhtsꞌi, ꞌenne bughu hinli ꞌinkꞌez SBá yakꞌuz usda-un bulizas ꞌahoolhyiz hinalh neꞌutꞌen.

Matthew 18:10 Iomraidhean Croise

Matthew 1:20

ꞋEt howu nuninuzut whe huwa nusúti whe neMoodihti oolizas ꞌen yulhni, “Joseph David ootsꞌuhainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh.

Matthew 12:20

ꞋAw tlꞌoghazilh nisdus-i, ꞌi kꞌidóchꞌas ꞌaitꞌoh. ꞋAw too dizkꞌun ꞌawet nanutneh-i, nainoolhneh ꞌaitꞌoh. Yakꞌusda lubeshi ba nahuyeh ꞌet whutsꞌun whuchꞌaꞌ tilhde de, whuz unꞌa za sYeꞌ ꞌutitꞌelh.

Matthew 18:14

ꞋEt whuz unꞌa za ndunne tsꞌoodunne, ꞌet ꞌilhoghun hoontsꞌi kwuncho yo tsꞌu tiyalh de, nohBá yakꞌuz usda-un, ꞌen ꞌaw hukwa lheꞌnizun.”

Matthew 18:6

“ꞋEt hoontsꞌi tsꞌoodunne buba ꞌalha ꞌustꞌohne, tsꞌoodunne hoontsiꞌ tsꞌe ubonilhtꞌine, mbe la dune edújane, ꞌenne tse cho butsꞌilchun ehudinguz ꞌinkꞌez kꞌus takhulh-un ꞌet tábahano de, ꞌon nus hootázooꞌ.

Matthew 2:13

ꞋEt whenáhidil hukwꞌelhꞌaz neMoodihti oolizas Joseph nute whe be nghun whe hóodiltsai. ꞋEt ꞌuyulhni, “Dudinyaih, tsꞌoodun ooloo bulh ubilhchoot ꞌinkꞌez yun kꞌut Egypt ꞌa cho whuz ubalhtelh! Nohdutásnelh ꞌet whutsꞌun ꞌet dólhtsꞌiꞌ! ꞋEt Herod tsꞌoodun yuka itꞌáꞌelh yutuzilhghelh ꞌet huwa!”

Matthew 2:19

Herod dazsai whe Egypt tsꞌe neMoodihti oolizas Joseph huwunute whe be nghun néwhultsꞌut.

Matthew 24:31

Be tsꞌujih-i tube cho beꞌ dutsꞌo whe oolizas whuz de ubutilhꞌalh. ꞋUtahalyane, tsꞌiyawh ꞌilhunaboohootálelh. Diwh hukwꞌunꞌa hutidulh ꞌinkꞌez yat dulcho nótidulh. ꞋEt ndulcho whe ꞌilhunaboohootálelh.”

Luke 1:19

ꞋEt lizas ꞌuyulhni, “Si Gabriel ꞌustꞌoh. Yakꞌusda zih usyin-un. Ntsꞌu whúsazꞌaꞌ whe ꞌustꞌoh nyulh yatisduk ꞌinkꞌez ndi khuni unzoo-i nyudutásnelh ha.

Luke 10:16

Mbene la nohoozilhtsꞌaine, si soo hoozilhtsꞌai. Mbe la chꞌa nohnísjoot-un, si chꞌa sunísjoot wheꞌ ꞌuntꞌoh. ꞋInkꞌez mbe chꞌa sunísjoot-un, whuz de sútilhꞌaꞌ-un, ꞌen chꞌa inísjoot wheꞌ ꞌuntꞌoh.”

Luke 16:22

ꞋEt dune telꞌen-un dazsai. ꞋInkꞌez lizasne Abraham zih nehinilhti. ꞋInkꞌez hoonzooꞌ ꞌuntꞌoh-un cha dazsai. ꞋInkꞌez ꞌahuyalhti.

Acts 10:3

Dzetniz hukwꞌelhꞌaz, 3:00 atꞌen, ꞌet ꞌuja hoonli be nghun néwhultsꞌut. ꞋEt soo tsꞌihꞌun Yakꞌusda oolizasne ꞌilhoghun ꞌen danínya ꞌinkꞌez, “Hadih Cornelius,” yúlhni.

Acts 12:15

“Nyeni hoolel whe ꞌudini,” huyúlhni. ꞋEt hoontsꞌi, “ꞋAlhaꞌ dusni,” ni za ꞌutni whe, “ꞋAwundooh, oolizas la ꞌutꞌen,” hutni.

Acts 12:23

ꞋEt ꞌon nus óostꞌet, ꞌet ꞌaho Yakꞌusda oolizas Herod nduda yulhtsi ꞌinkꞌez ꞌusgo yúlh ha nildo ꞌet hukwꞌe dazsai.

Acts 27:23

Yakꞌusda oochꞌeꞌ usdli-un, ꞌinkꞌez ooba neꞌustꞌen-un, ꞌen ꞌulhdzis daꞌ oolizas ꞌen szih be hóodiltsai

Acts 5:19

ꞋEt hoontsꞌi la ꞌet ꞌulhdzis neMoodihti oolizas ꞌahaꞌ dinla-un dáhaꞌ dantan, tenábuninla ꞌinkꞌez ubúlhni,

Romans 14:10

ꞋEt di ha Jesus Christ be nohulhutsinke unline buba nahahyeh, kꞌus ꞌet di ha ꞌenne buka lheꞌnahzun? Wheni tsꞌiyawh Christ neba nahutiyeh ha oobut núzdutalyalh wheꞌ hoontꞌoh.

Romans 14:21

ꞋUtsung tíhꞌulh, kꞌus tsꞌekoo tooꞌ tihnelh, kꞌus ndai la ꞌilhꞌen-i, ꞌi gha nohulhutsin ooba nawh ꞌuwhutꞌih, kꞌus ooba dzoh cha lhih, kꞌus ye ꞌalhaꞌ ninzun-i cha tetsun lhih de, ꞌet ndahtꞌen de, ꞌaw nohba tsꞌihꞌun lheꞌhóotꞌoh.

Romans 15:1

Wheni mbene la Jesus Christ ba ulhtúsne, ndunne Jesus Christ ba tetsúnne bubodinꞌai leꞌ hintꞌoh, ꞌenne bula tsꞌootꞌen. ꞋAw whenichꞌoh za nedzi tsꞌilhdzooꞌ hukwa lheꞌtsꞌoostꞌen.

1 Corinthians 11:22

ꞋAw yoh lhuwhahtꞌi ꞌutihꞌulh ꞌinkꞌez tatihtnelh whuba whe ꞌahtꞌen? Kꞌus ndi Yakꞌusda ba ꞌilhunaoohdulh te ꞌantsꞌi nohba hoonli eh? ꞋInkꞌez mbe la hoonliyaz lhitꞌih-un be yooya ubutilhtselh. Daja uncha nohdosniꞌ? Soo ꞌahtꞌen nohdusni eh? Gak! ꞋAw soo ꞌahtꞌen lhduzusni.

1 Corinthians 16:11

ꞋEt huwa nohni nohtoh ꞌen ꞌantsꞌi nohba ooleꞌ junih. ꞋEt hoontsꞌi oodzi dizghel whe stsꞌun nátoolhꞌaꞌ. Si ꞌinkꞌez lhulhutsinke tubulh ooba tsꞌilhꞌi.

1 Corinthians 9:22

ꞋInkꞌez tetsunne toh ꞌustꞌoh te, ꞌenne bukꞌunꞌa si cha tesun usdli, ꞌet whé tilah uboosyih. ꞋI be la whuchꞌa bósdeh. ꞋEt huwa njan ꞌet ndustꞌen-un niz de ha oodanzut ndai la ꞌisꞌen-i ꞌet whe whulohne tilah uboosyih.

2 Corinthians 10:1

ꞋEt Si, Paul, nohghu tédusdli. Christ ye yo ꞌududaldzin-i, ꞌinkꞌez yé soo neꞌustꞌen-i, ꞌi beꞌ dusni. Dastꞌoh whe nohtoh susdaꞌ daꞌ, ꞌaw lhoojoh-un lhúsdloh. ꞋEt hoontsꞌi lheꞌhutni, nohchꞌoh ꞌustꞌoh te, ꞌet nohélhoosjoh.

2 Corinthians 10:10

ꞋEt huwa ndiz unꞌa njan ndudúhútni, “Paul ꞌudustlꞌus ꞌukꞌu neyuzguz-i tube be óonujut ꞌinkꞌez ulhtus. ꞋEt hoontsꞌi netoh usda te, ooyustꞌe tetsun ꞌinkꞌez ye yalhduk-i ꞌantsꞌi ꞌuntꞌoh,” hutni.

Galatians 6:1

Sulhutsinke nohni Ndoni kꞌuneꞌ ꞌutꞌenne ꞌahtꞌoh, ꞌinkꞌez mbe la nohtoh lubeshi be ulhgooh-un, ꞌen nalhchoot. Nánilhtsul tsꞌihꞌun nenánulhtih. Nohnichꞌoh naꞌdunulhꞌen, doo ka sih nohni cha tankꞌus nóohtꞌi.

1 Thessalonians 4:8

ꞋEt huwa mbe la ndi khuni hidotsꞌo hukwa lheꞌhunizun, ꞌaw dune chꞌaz nultꞌine lhuhiloh. Yakꞌusda chꞌaz nultꞌine za ꞌuhintꞌoh. ꞋInkꞌez Yakꞌusda Ndoni ꞌen cha negha ininꞌai-un unli.

1 Timothy 4:12

Chilh inli hoontsꞌi ꞌuyoonne ba ꞌantsꞌi ꞌonleꞌ junih. Kꞌus ooba ꞌalha ꞌuhoontꞌohne, nyun nyuhunilhꞌen de, ꞌet huwa huhodoolꞌeh. Ndai khuni be yailhduk-i, ꞌi be ntsꞌenꞌa la ndi yun kꞌut sinda, ntsꞌenꞌa la ꞌuyoonne kꞌeinsiꞌ, nyughi be cha, mba ꞌalha ꞌuhoontꞌoh-i, ꞌi cha, ꞌinkꞌez ntsꞌenꞌa la lubeshi chꞌaz ꞌun duniltꞌi cha. ꞋEt ꞌohwhi be sih ooba ꞌalha ꞌuhoontꞌohne whubunolhtun.

Hebrews 1:14

ꞋEt ndunne lizasne, ꞌenne nudúdeh ꞌinkꞌez be ꞌustlenne ꞌuhintꞌoh. Yakꞌusda whébalhꞌaꞌ ꞌet de mbene la ndi bé uzdujis-i netsꞌu tíkulh, ꞌet huba neba neꞌutꞌenne ꞌuhintꞌoh.

Hebrews 9:24

ꞋEt Christ ꞌen ndi yun kꞌut nimbali cho bet, ndet kꞌus whúdiztiꞌ-un, dune dula be ꞌuhuhóonla-un, ꞌaw ꞌet dálhiyal. Njan yakꞌuz whundóhotꞌen huwhulhtsi ꞌet huwa. ꞋEt kꞌus ndo yakꞌuz tsꞌe whuz whenya. ꞋEt whuz unꞌa Yakꞌusda but neba nenínya.

Revelation 8:2

Lhtakꞌantꞌine lizasne Yakꞌusda but núdilhyane ubutísꞌen. ꞋInkꞌez lhtakꞌantꞌi be tsꞌújih-i, ꞌi butlꞌa yánkat.