Matthew 17:9 - Yak'usda Ooghuni

⁹ Dzulh kꞌut whenáhudidil whe, Jesus khuni ulhtus-i be bubulh yalhduk ꞌubulhni, “Yinka Dune Yeꞌ yaidlane toh dunadija de za whutsꞌun ndet hoohꞌen-un, ꞌuyoonne dóhniꞌ!”

Matthew 17:9 Iomraidhean Croise

Matthew 12:16

ꞋEt bugha daniꞌ, “ꞋUyoonne sghun tꞌehonoozeh junih.”

Matthew 17:12

ꞋEt hoontsꞌi nohdusni, Elijah ꞌudaꞌ whusainya whe ꞌuntꞌoh. ꞋInkꞌez ꞌaw tꞌehinúszun. Hukwaꞌ huninzun kꞌunꞌa ꞌuhuyinla. ꞋEt whuz unꞌa za ꞌenne bula kꞌez Yinka Dune Yeꞌ dzoh nutizut.”

Matthew 17:20

ꞋEt Jesus ꞌúbulhni, “Nohba ꞌalha lheꞌhootꞌoh ꞌet huwa ꞌaw oohleh ꞌaitꞌoh. ꞋAlha nohdusni ꞌanukat-i lheꞌniltsool-i, ꞌi mustard huyulhni, ꞌi kꞌunꞌa be nohba ꞌalha ꞌuhoontꞌoh de, ꞌet ꞌulcho de, dzulh njan whutsꞌun, nguz nailtsꞌut dahni de, ꞌaho ndutínelh. ꞋEt whuz unꞌa tsꞌiyaitsuk whuz unꞌa ꞌudahni de, ꞌet ndutítꞌelh.

Matthew 17:22

ꞋEt ꞌawet Jesus ꞌinkꞌez yugha hodulꞌehne, Galilee yun kꞌut hudilhtsꞌi whe ndúbulhni, “ꞋAwet nilhdukw Yinka Dune Yeꞌ, ꞌuyoonne dune tlꞌa hítilhtelh.

Matthew 17:23

Hituzilhghelh ꞌinkꞌez whulh tat dzin dunadutádalh.” ꞋEt huwu dantsꞌo whe tube tsꞌodi huzdliꞌ.

Matthew 17:8

Ndo nahítatꞌen whe ꞌaw ꞌuyoonne hooloh. Jesus dichꞌoh za hinilhꞌen.

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Matthew 8:4

ꞋEt Jesus ꞌuyulhni, “ꞋUyoonne doniꞌ junih! Lubret ꞌen ootsꞌinyalh ꞌinkꞌez tsꞌihꞌun unꞌa díni nyustꞌe ntsꞌenꞌa whe soo naꞌuja ꞌinkꞌez nyunoolhꞌen. Moses ooghuni ꞌutni kꞌunꞌa huwaꞌ tanꞌalh. Whuz unꞌa whubuntalhtun dainja whe soo naꞌinja-un.”

Mark 8:30

Jesus khuni ulhtus ꞌi be ubúlhni, “Si sghun dune dóhniꞌ junih!”

Luke 8:56

Oodusneke buba hooncha, ꞌinkꞌez khuni ulhtus-i be ꞌubulhni, “Dáhooja-un ꞌuyoonne dóhniꞌ junih.”

Luke 9:36

ꞋEt yaduk-un ꞌetsul ꞌuwhudija whe Jesus dichꞌoh za ꞌuntꞌoh whe hinilhꞌen, teꞌhudínel ꞌinkꞌez ꞌaw dune lhodínel ndun hohonꞌen-un.