Matthew 17:5 - Yak'usda Ooghuni

⁵ Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Matthew 17:5 Iomraidhean Croise

Matthew 12:18

“Nulhꞌen Seꞌustle-un, ꞌutahásti-un ꞌuntꞌoh. Ookwꞌesiꞌ-un. ꞋEn ghun szul tube yóontꞌiꞌ. Syughi ookꞌé dutasdoh. ꞋEt ntsꞌenꞌa dahoontꞌoh dune ba nahisyilh, sYeꞌ whuz unꞌa za ꞌudun yun kꞌut whutꞌenne ubódutánelh.

Matthew 17:6

Yugha hodulꞌehne hídantsꞌo whe hibut nachánildil, ꞌinkꞌez tube húnilhjoot.

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Mark 1:11

ꞋEt ꞌuwhútni, “Nyun sYeꞌ inli. Tube nkꞌesiꞌ, ꞌinkꞌez tube nyulh hoonústꞌiꞌ.”

Mark 9:7

ꞋInkꞌez khuntsul kwꞌus bukꞌínde ꞌinkꞌez ndo kwꞌus toh tsꞌe yaztílhduk, “Ndun sichꞌoh sYeꞌ ꞌuntꞌoh, tube ookꞌesiꞌ, oozúlhtsꞌai,” whutni.

Luke 3:22

ꞌinkꞌez Ndoni dutꞌai, dove huyulhni, ꞌi kꞌunꞌa ndus de hátꞌoh ꞌinkꞌez yukꞌítoh. ꞋEt yakꞌuz khuni huduztsꞌai, ꞌi njan ndutni, “Nyun sYeꞌ ookꞌesiꞌ-un ꞌintꞌoh. Tube nyulh hoonústꞌiꞌ.”

John 3:16

Yakꞌusda ndi yun kꞌut dunene bukꞌensiꞌ kꞌet ꞌaw ꞌilhoghun duYeꞌ ꞌen bugha ínilhti. Mbene la ꞌen ghun ooba ꞌalhaꞌ yintꞌohne ꞌaw dalhótisa, ꞌilhiz wheni huhutinalh.

John 3:35

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.

John 5:37

ꞋInkꞌez sBá, mbe la whuz de sútilhꞌaꞌ-un, ꞌen didutchꞌoh si sghun tsꞌihꞌun unꞌa whulhtsi. ꞋAw yalhduk whe lhduzúhtsꞌo, ꞌinkꞌez dantꞌóh-un unli ꞌaw lhuzihꞌen.

Acts 1:9

ꞋEt ndi yughu yatílhduk whe ꞌawet ndo yakꞌuz whenája. ꞋEt hinilhꞌen whuz za kwꞌus yo tsꞌe hooloh suliꞌ.

Acts 7:37

Moses ꞌen ꞌuntꞌoh Israel ootsꞌu hainzutne ubúlhni whe ndutni, ‘Yakꞌusda be nus hóoꞌen-un, sundultꞌoh-un, ꞌen Yakꞌusda nohtsꞌítilhꞌalh. Nohkeyoh ꞌilhoghun ꞌen ꞌutinelh. ꞋEn si oozólhtsꞌaiꞌ.’

Ephesians 1:6

ꞋI gha ye unzoo diztiꞌ-i, ꞌi uzdólhtiꞌ. ꞋEt whuz unꞌa duYeꞌ yukꞌensiꞌ-un, ꞌen ooba sooꞌ tsꞌuldzooꞌ nesulhtsi.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.

Hebrews 5:9

ꞋInkꞌez tsꞌihꞌun ꞌulya-un suliꞌ. ꞋInka mbene yukꞌúneꞌ ꞌutꞌenne, ꞌenne ꞌilhiz wheni hudujis-un, ꞌet bugha óoninꞌai.

Revelation 1:7

Whunulhꞌen! Kwꞌus toh whuz de tiyalh. Tsꞌiyanne hitiꞌelh. Mbene oola ꞌinkꞌez ooke lugloo cho hikunúnilhtꞌone, ꞌenne cha hiyutilhꞌelh. ꞋInkꞌez ndi yun kꞌut lhelhdoh didowhne, ꞌen gha khuna hutitso. ꞋEt ndó tanelh, ꞌet ndó honeh.

Revelation 14:14

ꞋEt whunusꞌen whe kwꞌus ꞌulhyul-i tísꞌen. ꞋIlhoghun dune yeꞌ doútꞌen-un, ꞌen ndi kwꞌus yukꞌusda. Ootsi kꞌéyuztan-i gold ꞌuntꞌoh, ꞌinkꞌez tlꞌo be ꞌútꞌas-i khundiyin-i nutun.