Matthew 17:27 - Yak'usda Ooghuni

²⁷ ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

Matthew 17:27 Iomraidhean Croise

Genesis 1:28

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Matthew 17:26

ꞋEt Peter ꞌúyulhni, “Nꞌawh whutꞌenne, ꞌaw ꞌenne za.” Jesus uyúlhni, “ꞋEt ꞌalha dini. Lerwene bubuzkeh ꞌaw ꞌukꞌelha lhoohoolhꞌi.

Matthew 18:6

“ꞋEt hoontsꞌi tsꞌoodunne buba ꞌalha ꞌustꞌohne, tsꞌoodunne hoontsiꞌ tsꞌe ubonilhtꞌine, mbe la dune edújane, ꞌenne tse cho butsꞌilchun ehudinguz ꞌinkꞌez kꞌus takhulh-un ꞌet tábahano de, ꞌon nus hootázooꞌ.

Matthew 18:8

Nla kꞌus nke be hukwaya hoonli tuneꞌ ꞌantꞌen de, kꞌunintꞌas ꞌinkꞌez ꞌun tilhꞌis! Dzoh ninya kꞌus nyustꞌe bodinꞌai de, ꞌet whuz unꞌa ꞌilhiz be tsꞌukhuna-i nghaltsꞌut de, ꞌet ꞌon nus ꞌukꞌenus mba hootázooꞌ. ꞋEt hoontsꞌi nke nankultꞌoh cha ꞌinkꞌez nla nankultꞌoh cha bulh ꞌíntꞌoh whe kwun nalhnusne-i tanyoníno de, ꞌukꞌenus mba hootátsiꞌ.

Matthew 5:29

ꞋEt nailhni tsꞌe nyuna ꞌi be lubeshi ꞌinla de, ha nónꞌalh ꞌinkꞌez ꞌun ntolhꞌis. ꞋEt ꞌon nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.

Matthew 5:30

ꞋInkꞌez nailhni tsꞌe nla be níntaꞌ nintꞌen de, kꞌontꞌas ꞌinkꞌez ꞌun tolhꞌis. ꞋOn nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.”

Mark 9:42

ꞋEt ꞌilhoghun tsꞌoodun ooba ꞌalhaꞌ ꞌustꞌoh-un ꞌinkꞌez dune lubeshi be schꞌa yulhti de, ndun dune tsꞌoodun tankꞌus unꞌa wheyúntilhtun ꞌet whutso huyúlh tatse oolhꞌis ꞌon nus sooꞌ hoontꞌoh.

Mark 9:43

ꞋEt nla ꞌi gha lubeshi ꞌinla de, kꞌunintꞌas! Nla kꞌuz za ꞌintꞌi whe yakꞌuz whénya de whuz ꞌilhiz hutanalh, ꞌet mba hootázooꞌ. Lhchꞌaz nla bulh kwuncho yo tsꞌe whénya de ꞌukꞌenus mba hootátsiꞌ, whuz kwun nalhnusne whe ꞌuntꞌoh.

Luke 17:2

Mbe dune ꞌen gha tsꞌoodunneyaz tankꞌus ꞌúhutꞌen ꞌubulhtsi de, ꞌen dune tse cho hitsꞌilchun edinguz ꞌinkꞌez takhulh-un tahúyano de, ꞌet ꞌon nus hózooꞌ ooleꞌ daꞌ.

John 6:61

Jesus dichꞌoh tꞌéwhunínzun yugha hodulꞌehne daja ni la ꞌet huwun dudzi yo tsꞌe hichꞌaz yálhduk, ꞌinka uboodulhkut, “Nohba dzoh ꞌúdusni eh?

Romans 14:21

ꞋUtsung tíhꞌulh, kꞌus tsꞌekoo tooꞌ tihnelh, kꞌus ndai la ꞌilhꞌen-i, ꞌi gha nohulhutsin ooba nawh ꞌuwhutꞌih, kꞌus ooba dzoh cha lhih, kꞌus ye ꞌalhaꞌ ninzun-i cha tetsun lhih de, ꞌet ndahtꞌen de, ꞌaw nohba tsꞌihꞌun lheꞌhóotꞌoh.

1 Corinthians 8:13

ꞋEt huwa ndi ꞌutꞌalh-i huwa tꞌaih-i, ꞌi gha sulhutsin tankꞌus óoneh de, ꞌet de ꞌaw ꞌon ꞌat ꞌutsung óosꞌalh ꞌaitꞌoh, doo ka la si sgha sulhutsin tankꞌus óoneh.

1 Corinthians 8:9

Nohnichꞌoh khahdli doo ka la khuni nohtlꞌa idanꞌai-i gha ndunne tetsunne tankꞌus hunootꞌi.

2 Corinthians 6:3

ꞋAw nohba dzoh-un nohghá tsꞌúhoꞌalh-un hukwa lheꞌuznízun. ꞋEt huwa Yakꞌusda ba neꞌutꞌenne tsinli, ꞌaw whe hukwꞌé holtsꞌit-un hooloh.

2 Corinthians 8:9

NeMoodihti Jesus Christ, ꞌen ye unzoo-i ooghu tꞌeoonáhzun ꞌet huwa. Dalcho-i be la hoonzooꞌ ꞌuntꞌoh, ꞌet hoontsꞌi nohni nohba telꞌen suliꞌ. ꞋEt whe ndai la ye telꞌen-i, ꞌi nohni be hoonzooꞌ oohneh.

1 Thessalonians 5:22

Ntsiꞌ-i tsꞌiyawh oochꞌoh ꞌahtꞌoh.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.