Matthew 17:21 - Yak'usda Ooghuni

²¹ ꞋEt hoontsꞌi ntsiꞌ-i nududeh-i, netenadudli-i, ꞌinkꞌez soo tsꞌúhoonih, ꞌi be za dune butsꞌu ha nátsꞌiyuntiyulh wheꞌ hoontꞌoh.”

Matthew 17:21 Iomraidhean Croise

Matthew 12:45

ꞋEt ꞌutsꞌun whedande ꞌinkꞌez lhtakꞌantꞌine ntsiꞌ-i nududeh-i, ꞌenne yanus ꞌultsiꞌne, dune hiyéndil ꞌinkꞌez ꞌet nehunina. ꞋEt ndun dune hiyudaltsꞌiꞌ-un, whutsodaꞌ whanus ꞌultsiꞌ suliꞌ. Nohni ꞌandit ndo whuya whudizulhne, tube untsiꞌne ꞌahtꞌoh. ꞋEt whuz unꞌa nohba ꞌuwhutánelh!”

Matthew 17:22

ꞋEt ꞌawet Jesus ꞌinkꞌez yugha hodulꞌehne, Galilee yun kꞌut hudilhtsꞌi whe ndúbulhni, “ꞋAwet nilhdukw Yinka Dune Yeꞌ, ꞌuyoonne dune tlꞌa hítilhtelh.

Mark 9:29

ꞋEt Jesus ubúlhni, “Mbene la tenadudline, ꞌinkꞌez soo hóonihne, ꞌenne za ntsiꞌ-i nudúdeh-i ndi kꞌunꞌa ꞌuntꞌoh-i nahuyuntuyukw.”

Acts 13:2

Soo húhoonih ꞌinkꞌez neMoodihti hiba ꞌútꞌen whutoh, Ndoni ubúlhni, “Barnabas Saul bulh sba ꞌudun nébutalhtelh, ndi ꞌutꞌen bugha ínusꞌai-i ꞌuhuyooleh ꞌet wheni.”

Acts 14:23

Ndet Jesus Christ gha ꞌilhozdílne hoonli-un dune tso whudilhdzulhne buba ꞌutahahánla. ꞋEt tenadudli ꞌinkꞌez soo húhoonih, ꞌinkꞌez neMoodihti tlꞌábahanla whe Jesus soo hitꞌa nínintan.

1 Corinthians 7:5

ꞋAw lhchꞌoh oohkeꞌ huba lheꞌhootꞌoh. ꞋEt hoontsꞌi ꞌatsulyaz whe soo hootahni ꞌinkꞌez tenadutihdli hukwaꞌ nuhzun de, ꞌet nanulhtꞌo soo lhgha hoonuhtꞌiꞌ de, ꞌet sooꞌ whutatꞌelh. ꞋEt hukwꞌelhꞌaz doo cha za lhkꞌeoohsiꞌ ꞌinkꞌez lhzih nenaoohtꞌas, doo ka la ꞌaw nohyustꞌe ooghu tihle huba soo lheꞌahtꞌoh de, ꞌet Satan nohootalhdzih.

2 Corinthians 11:27

ꞋUtꞌen ulhtus-i be ꞌustꞌen. ꞋEt huwa whuloh te tube nenúsi. Lhat ꞌaw lhústoh. Lhat syeꞌúltsꞌilh ꞌinkꞌez taꞌóosda. Lhat-un whe sóo hoosnih, kꞌus lhat hukwꞌuz yo nusúsya dzoh ꞌet dune usdli whe.

Ephesians 6:18

Tenadudli ꞌinkꞌez Yakꞌusda tsꞌun teniꞌ uznilhdzun-i cha, ꞌet whuz unꞌa tenadahdli. Ndoni ꞌen be ꞌahoolhyiz ꞌetsul lheꞌduzíhni whe tenadahdli. ꞋInkꞌez ntsꞌoh dawhutꞌen ꞌet hoontsꞌi, huwahli whe Yakꞌusda oochꞌeꞌne, ꞌenne tsꞌiyawh buba tenadahdli.