Matthew 17:20 - Yak'usda Ooghuni

²⁰ ꞋEt Jesus ꞌúbulhni, “Nohba ꞌalha lheꞌhootꞌoh ꞌet huwa ꞌaw oohleh ꞌaitꞌoh. ꞋAlha nohdusni ꞌanukat-i lheꞌniltsool-i, ꞌi mustard huyulhni, ꞌi kꞌunꞌa be nohba ꞌalha ꞌuhoontꞌoh de, ꞌet ꞌulcho de, dzulh njan whutsꞌun, nguz nailtsꞌut dahni de, ꞌaho ndutínelh. ꞋEt whuz unꞌa tsꞌiyaitsuk whuz unꞌa ꞌudahni de, ꞌet ndutítꞌelh.

Matthew 17:20 Iomraidhean Croise

Matthew 13:31

Doo cha ꞌuyoo khuni be nawhutnuk-i be whutsꞌodulꞌeh-i be bubulh yalhduk. Njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan duhoontꞌoh. Mai, mustard huyulhni, kꞌunꞌa ꞌuntꞌoh. Dune yílhchoot ꞌinkꞌez duhanuyeh kꞌet ꞌainanꞌai.

Matthew 14:29

ꞋEt ꞌuyulhni, “ꞋAnih!” Peter tsꞌi be hainya ꞌinkꞌez Jesus too kꞌut yutsꞌu tizya.

Matthew 17:17

ꞋEt Jesus ꞌuyulhni, “Nohni ꞌandit whudizulhne, nohni ꞌaw be ꞌalha ꞌuhoontꞌoh-i lhahtꞌih, ꞌinkꞌez tankꞌus zaꞌ ꞌihtꞌelh. Dawhuldzoh nohtoh tisdalh? ꞋInkꞌez dawhuldzoh nohba ndutistꞌelh? Deꞌ, nyeꞌ sghu nilhtih!”

Matthew 17:19

ꞋEt Jesus yugha hodulꞌehne, disoh tsꞌe highu nindil whe ꞌuhuyulhni, “Dahoontꞌoh huwa ndun tsꞌoodun ntsiꞌ-i nududeh-i ootsꞌu ha nátsꞌinooyoot ꞌaitꞌoh?”

Matthew 17:9

Dzulh kꞌut whenáhudidil whe, Jesus khuni ulhtus-i be bubulh yalhduk ꞌubulhni, “Yinka Dune Yeꞌ yaidlane toh dunadija de za whutsꞌun ndet hoohꞌen-un, ꞌuyoonne dóhniꞌ!”

Matthew 21:21

ꞋEt Jesus ndúbulhni, “ꞋAlhaꞌ nohdusi, bé ꞌalha ꞌuhoontꞌoh-i ahtꞌi de, ꞌinkꞌez ꞌaw nohba nawh lheꞌwhutástꞌel whe mai chun cha ꞌá dizgi, nohni cha whuz unꞌa za ꞌet ndutihnelh. ꞋInkꞌez ꞌaw ꞌet za iloh, njan shus ꞌi laꞌ dóhni, ‘Dudilhtsꞌit ꞌinkꞌez bunghun whucho tsꞌe tailhtsꞌit,’ dahni de, ꞌet whuz unꞌa nduwhútanelh.

Matthew 8:26

ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.

Mark 11:22

ꞋEt Jesus ubúlhni, “Njan whunaoolhnih, Yakꞌusda nohba ꞌalha ꞌootꞌeꞌ.

Mark 11:23

Tsꞌihꞌun nohdusni, ndi dzulh ꞌi laꞌ dóhniꞌ, ‘Dudiltsꞌit ꞌinkꞌez yatoo kꞌut tailtsꞌit,’ nohdzi yo whe ꞌaw nawh lheꞌnahzun de, ꞌinkꞌez nohba ꞌalha ꞌuhoontꞌoh de, dawhútanelh dahni, tsꞌiyawh nohba ꞌet ndó tanelh.

Mark 4:31

ꞋUkꞌenus ꞌanulye-i nintsool-i, mustard huyúlhni, ꞌi ndultꞌoh. ꞋI dune yilhchuk ꞌinkꞌez ꞌainulih.

Mark 9:23

“A,” yúlhni, “Soo ꞌúlcho ꞌi be be ꞌalha ꞌuhoontꞌoh ꞌintꞌi de, mbene la ooba ꞌalha ꞌuhoontꞌoh utꞌíne tsꞌiyantsuk neꞌhutitꞌen-un buba huwa lhótilhnaꞌ.”

Luke 1:37

ꞋAlha ꞌi be Yakꞌusda ꞌaw hoonli-unyaz ooba hoolhtus-un hooloh.”

Luke 17:6

ꞋEt neMoodihti ꞌubulhni, “ꞋUkꞌenus ha níyeh maiꞌ nintsool-i, mustard huyulhni, ꞌet nohba ꞌalha ꞌuhoontꞌoh-un, ꞌet ꞌuwhulcho de, duchun ha níyeh-i, mulberry huyulhni, ꞌet oodulhkut, ‘Ndi duchun ooghih tubulh ha ílhchꞌoolh ꞌinkꞌez bun cho kꞌut ꞌet ꞌana nꞌaih.’ ꞋEt nohkꞌoh tsꞌe ooneh.

Luke 18:27

ꞋEt hoontsꞌi ꞌubulhni, “Dunene ꞌuhuhooleh ꞌaitꞌoh, ꞌet hoontsꞌi Yakꞌusda ba huwa lhúhoolnaꞌ wheꞌ hoontꞌoh.”

John 11:40

ꞋEt Jesus ꞌuyulhni, “ꞋAw lakw lhunyudúsnel inleꞌ, si sghun mba ꞌalha ꞌuhoontꞌoh de, ꞌet de Yakꞌusda yé diztiꞌ-i tanꞌelh?”

1 Corinthians 12:9

ꞋEt ꞌuyoon cha Ndoni ꞌen be ꞌalha ꞌuhoontꞌoh-i yugha nínla ꞌinkꞌez doo cha ꞌuyoon, ꞌen cha Ndoni ꞌen ulhtus-i whe dune soo naꞌulhꞌen-un, ꞌet yugha óoninꞌai.

1 Corinthians 13:2

ꞋEt dune ba nus hoosꞌen de, ꞌinkꞌez buba whéꞌ hoontꞌoh hooyoh-un tsꞌiyawh tꞌeóonúszun de, ꞌinkꞌez khuni be tꞌeóonudzun-i ꞌet cha tꞌeooniszin de, ꞌinkꞌez tsꞌiyawh be ꞌalha ꞌuhoontꞌoh-i ꞌustꞌi de whe dzulh hoontsꞌi ꞌudun netísꞌalh de, whuz unꞌa ꞌet hoontsꞌi be nékꞌetsꞌinsiꞌ-i lhústꞌih de, ꞌet de ꞌaw hoonli lhúsloh.

Hebrews 3:19

ꞋEt huwa whutsꞌodilꞌeꞌ, ndunne mbene la ooba ꞌalhaꞌ lheꞌhóotꞌoh, ꞌet huwa ndet la Yakꞌusda butsꞌu hoozi-un, ꞌaw dahóoyaꞌ ꞌaitꞌoh.