Matthew 17:2 - Yak'usda Ooghuni

² ꞋInkꞌez bubut ꞌutsꞌun otꞌen suliꞌ. Oonin ꞌantsꞌi sa kꞌunꞌa ootsꞌu ha ꞌánduz, ꞌinkꞌez oonaih cha yus kꞌunꞌa ꞌulhyul suliꞌ.

Matthew 17:2 Iomraidhean Croise

Matthew 17:1

ꞋEt whulh lhkꞌu tat dzin inleꞌ whe Jesus Peter, James, ꞌinkꞌez bulhutsin John, ndo dzulh kꞌuz dulh ubílya.

Matthew 17:3

ꞋEt khuntsul Moses ꞌinkꞌez Elijah bulh bube hóodiltsai Jesus hibulh yálhduk.

Matthew 28:3

Oonin ꞌantsꞌi ditni kwun leꞌ ꞌúntꞌoh. Oonaih yus kꞌunꞌa ꞌulhyul.

Mark 9:3

Oonaih be hóodiltsai ꞌulhyul kꞌet yus ꞌet nduja ndi yun kꞌut soo tunasguz-i ba nus ꞌulhyul suliꞌ.

Luke 9:29

ꞋEt tenadudli whe oonin ꞌutsꞌun oonatꞌen suliꞌ. ꞋInkꞌez oonaih cha ꞌulhyul suliꞌ, ꞌinkꞌez busaoolkalh suliꞌ.

John 1:14

ꞋEt ndi khuni Yakꞌusda unli, ꞌi dune suliꞌ ꞌinkꞌez netoh dune inleꞌ ꞌet whe dádiltiꞌ la tsꞌonalhꞌen. Ndi yé díztiꞌ, ꞌi Yakꞌusda ꞌilhoghun za ooYeꞌ yé diztiꞌ-i ꞌuntꞌoh. Ye unzoo-i ꞌaw oola tanalhuhóoꞌoh ꞌinkꞌez khuni ꞌalhaꞌ ꞌuntꞌoh-i za be yálhduk.

John 17:24

ꞋUBá ndi yun kꞌut ꞌuwhutálnelh whutsodaꞌ skꞌeinsiꞌ, ꞌinkꞌez bé dustiꞌ-i sgha nínꞌai ínleꞌ, ꞌet soo cho huwhutiꞌelh hukwaꞌ nuszun. ꞋEt huwa ndunne sghá buninlane, ꞌandit ntsꞌe ꞌustꞌoh ꞌet sulh ꞌúhootꞌeꞌ hukwaꞌ nuszun.

Romans 12:2

ꞋInkꞌez dune ꞌandit dzin dahíntꞌoh bubun dóhtꞌeꞌ hukwa oohtꞌen junih. ꞋEt kꞌus ꞌandit noheni ꞌutsꞌun unꞌa naꞌahleh. ꞋEt nduhtꞌen de, ꞌet la tꞌéwhunóhzin ndet la Yakꞌusda nohtsꞌu húkwaꞌ ninzun-un. Yakꞌusda be ꞌutꞌen kꞌoh tsꞌiyawh hoonzoo, tsꞌiyanne ba hoonzoo, ꞌinkꞌez tsꞌihꞌun unꞌa ꞌuhoontꞌoh.

Revelation 10:1

ꞋInkꞌez ꞌuyoon lizas ncha-un ndus de yakꞌuz tsꞌe hainya-un tisꞌen. Kwꞌus toh ꞌuntꞌoh ꞌinkꞌez ditni naꞌúlhgus-i ootsi kꞌut naꞌánguz. Oonin dzenis oozaꞌ doútꞌen ꞌinkꞌez ooke ꞌantsꞌi kwun doútꞌen.

Revelation 20:11

ꞋEt ꞌawet ulhyul-i kwꞌutsꞌuzda ncha-i cho diztiꞌ-i, ꞌinkꞌez mbe yukusda-un tísꞌen. Ndi yun kꞌut ꞌinkꞌez yatꞌah cha Yakꞌusda usda-un, ꞌet oochꞌa whúzkat, ꞌi ꞌinkꞌez tsꞌiyawh gak whuzdliꞌ.