Matthew 17:17 - Yak'usda Ooghuni

¹⁷ ꞋEt Jesus ꞌuyulhni, “Nohni ꞌandit whudizulhne, nohni ꞌaw be ꞌalha ꞌuhoontꞌoh-i lhahtꞌih, ꞌinkꞌez tankꞌus zaꞌ ꞌihtꞌelh. Dawhuldzoh nohtoh tisdalh? ꞋInkꞌez dawhuldzoh nohba ndutistꞌelh? Deꞌ, nyeꞌ sghu nilhtih!”

Matthew 17:17 Iomraidhean Croise

Matthew 13:58

ꞋEt Jesus ꞌaw buba ꞌalha lheꞌyitꞌoh. ꞋEt huwa dukeyoh ꞌaw lhat-un hooncha tunulhéꞌitꞌel.

Matthew 16:8

Jesus tꞌeoonanzin whe ꞌet ꞌúbulhni, “Be ꞌalha nahzun-i untsool! ꞋEt huwaꞌ ꞌudahni. ꞋAw lhes whusálhahꞌal, ꞌet howu yalhduk?

Matthew 17:16

Ngha hodulꞌehne bughi nústih hoontsꞌi ꞌaw soo naꞌhuyooleh ꞌaitꞌoh.”

Matthew 17:18

Ntsiꞌ-i nududeh-i ooyudinda-i, Jesus khuni ulhtus-i be hukwaꞌ yudániꞌ. ꞋEt whulh hulhgha za yutsꞌu ha nája ꞌinkꞌez tsꞌoodun soo naꞌuja.

Matthew 6:30

ꞋEt Yakꞌusda tlꞌo unzoo-i yilhꞌi. ꞋI ꞌandit dzin tlꞌo kꞌut ha niyeh ꞌinkꞌez bunde ꞌi tsehidutilhkulh ꞌinkꞌez dutákꞌun. ꞋEt dáhoolcho-i be nohni ꞌon nus soo nanohdutileh? Nohni ntsool-iyaz be ꞌalha lheꞌhootꞌohne ꞌunohdúsni!

Matthew 8:26

ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.

Mark 16:14

ꞋEt hukwꞌelhꞌaz Jesus yugha hodulꞌehne whunizyane ꞌon ꞌat ꞌilhoghun naꞌhutꞌalh whe bunalhtsꞌet hainya. ꞋEt ꞌaw be ꞌalha ꞌuhoontꞌoh-i lhuhítꞌiꞌ ꞌinkꞌez ꞌutsꞌun ꞌoninzun. ꞋEt huwa yanꞌenne ꞌaw buba ꞌalhaꞌ lheꞌhudusnih, ꞌet Jesus hukwaꞌ budániꞌ

Mark 9:19

ꞋInkꞌez Jesus uyúlhni, “ꞋAw nohni dune nohba ꞌalhaꞌ hotꞌeꞌ ꞌaítꞌoh! Dáwhuldzoh nohzih tisdalh? Dawhuldzoh nohtoh tisdalh sudutáhtsꞌo whutsꞌun ꞌinkꞌez nohba ꞌalhaꞌ tistꞌelh? Tsꞌoodun ndiz stsꞌun túlhtih!” ubúlhni.

Luke 24:25

ꞋEt Jesus ꞌubulhni, “Tube nohni whusnine ꞌahli! Ndet la tsꞌiyawh nus hooꞌenne daja hutni-un, tube saꞌ whe nohdzi be nohba ꞌalhaꞌ whuneh!

Luke 9:41

ꞋEt Jesus ꞌutni, “Nohni ꞌandit whudizulhne ꞌaw nohba ꞌalhaꞌ lheꞌhootꞌoh ꞌinkꞌez tankꞌus neꞌahtꞌen. Dawhuldzoh nohtoh ꞌutistꞌelh ꞌinkꞌez nohbulh óosyin? Nyeꞌ stsꞌílhtelh!”

John 20:27

ꞋEt Thomas ꞌulhni, “Sla nilhꞌen ꞌinkꞌez nlasga be ska kꞌet nudilga ꞌinkꞌez nla be szih kꞌut cha nudílnih. ꞋOn ꞌat si sghun whutsꞌoodóntlaiꞌ junih. Mba ꞌalhaꞌ ꞌuhotꞌeꞌ,” yúlhni.

Acts 13:18

ꞋInkꞌez dune lhuhootꞌih tsꞌe ꞌet dit whunizyat yus kꞌut whutoh ꞌet hichꞌa neꞌutꞌen, ꞌet hoontsꞌi kꞌúneꞌ bulhꞌen whe inleꞌ.

Acts 2:40

ꞋEt Peter saꞌ whe bubulh yálhduk ꞌinkꞌez buba nus whúnilhtꞌi ꞌinkꞌez ubúlhni, “ꞋUdudúlhyis! Ndunne ntsiꞌne buchꞌaz nálhꞌah, ꞌinkꞌez bubulh ꞌahtꞌen iloh, Yakꞌusda dzoh nubutilhdeh wheꞌ hoontꞌoh.”

2 Corinthians 11:1

Ndi khuni ꞌantsꞌi ꞌoh be neyasduk nuhzun la, ꞌet huwa ꞌatsulyaz nducha ꞌon ꞌunle sgha óonahꞌaih. ꞋInkꞌez ꞌalhaꞌ ꞌi be whuz unꞌa soo zúlhtsꞌai.