Matthew 17:12 - Yak'usda Ooghuni

¹² ꞋEt hoontsꞌi nohdusni, Elijah ꞌudaꞌ whusainya whe ꞌuntꞌoh. ꞋInkꞌez ꞌaw tꞌehinúszun. Hukwaꞌ huninzun kꞌunꞌa ꞌuhuyinla. ꞋEt whuz unꞌa za ꞌenne bula kꞌez Yinka Dune Yeꞌ dzoh nutizut.”

Matthew 17:12 Iomraidhean Croise

Matthew 11:2

John ꞌadinꞌai whe ꞌet Christ be ꞌutꞌen kꞌoh whulh ꞌudantsꞌo. Nane yugha hodulꞌehne, ꞌenne John Jesus tsꞌu whébalhꞌaꞌ.

Matthew 16:21

ꞋEt whutsꞌun Jesus yugha hodulꞌehne, whubunulhtun nus daootanelh la. Jerusalem tsꞌu tiyalh. Keyoh ꞌutso whudilhdzulhne, lubret bumoodihne, ꞌinkꞌez Moses be ꞌudustlꞌus ꞌukꞌu nunáguzne cha, ꞌenne bube lhat-un whe dzoh nuhítilhdzut, ꞌinkꞌez hituzilhghelh. ꞋInkꞌez whulh tát dzin dunadutádalh.

Matthew 17:11

Jesus ndúbulhni, “ꞋAlha Elijah ꞌen cho whusatiyalh ꞌinkꞌez tsꞌiyai lhanaidutileh.

Matthew 17:13

ꞋEt yugha hodulꞌehne, tsꞌiyawh John dune too be ꞌulhꞌen-un, ꞌen ghu yalhduk tꞌehonanzin.

Matthew 17:22

ꞋEt ꞌawet Jesus ꞌinkꞌez yugha hodulꞌehne, Galilee yun kꞌut hudilhtsꞌi whe ndúbulhni, “ꞋAwet nilhdukw Yinka Dune Yeꞌ, ꞌuyoonne dune tlꞌa hítilhtelh.

Matthew 17:9

Dzulh kꞌut whenáhudidil whe, Jesus khuni ulhtus-i be bubulh yalhduk ꞌubulhni, “Yinka Dune Yeꞌ yaidlane toh dunadija de za whutsꞌun ndet hoohꞌen-un, ꞌuyoonne dóhniꞌ!”

Matthew 21:32

ꞋEt be tsꞌihꞌun unꞌa ꞌuhoontꞌoh-i, ꞌi be John dune too be ꞌulhꞌen-un nohtsꞌó whusainya, ꞌinkꞌez ꞌaw nohba ꞌalha lheꞌhootꞌoh. ꞋEt hoontsꞌi sooniya nalhdzoohne ꞌinkꞌez tsꞌekoo ꞌulꞌenne, tsꞌiyawh buba ꞌalha ꞌuhoontꞌoh ꞌet huwa. ꞋEt nohni whunulhꞌen ꞌet hoontsꞌi ꞌaw noheni kꞌoh nálheꞌuhlel. Whuz unꞌa za nohba ꞌalha lheꞌhootꞌoh.”

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Luke 7:33

Whunulhꞌen, John dune too be ꞌulhꞌen-un whusainya whe ꞌaw lhes lhusꞌal ꞌinkꞌez tsꞌekoo tooꞌ cha lhusnaiꞌ. ꞋEn ꞌudáhni ‘Ntsiꞌ-i nududeh-i ooyudinda,’ dahni.

John 1:11

Dulh whútꞌenne ꞌutahábanlane, butaninya whe ꞌaw lhuhuyílhchulh.

Acts 2:23

Yakꞌusda nanínízut ꞌinkꞌez ꞌudaꞌ tꞌeooninzun-un, ꞌi be ꞌudaꞌ Jesus nohtlꞌa tíltelh néwhuninꞌai. Nohni nohgha lubeshi ꞌulhꞌenne Jesus tulalhgus ꞌuhídunilhtꞌo ꞌet whe súlhghi.

Acts 4:10

ꞋEt huwa nohni ꞌinkꞌez Israel ootsꞌu hainzutne soo cho tꞌeoonahzeh, Jesus Nazareth whutꞌen-un, ꞌen tulalhgus kꞌeílhti, ꞌen Yakꞌusda nahuyílhnaꞌ. ꞋEn booziꞌ ꞌinkꞌez whélhtus-un ꞌi be ndun nulhúsyoh-un, ꞌen soo náꞌtsꞌinla.

Acts 7:52

Tsꞌiyanne Yakꞌusda be nus hóoꞌenne nohtsodaꞌne bube húzula inleꞌ. ꞋInkꞌez nyoonne Yakꞌusda be nus hóoꞌenne, ndun Yakꞌusda ba tsꞌihꞌun unꞌa-un ꞌuntꞌoh whusatíyalh-un huwun bunalh hútni whe, nohtsodáꞌne hizilhghi inleꞌ. Ndun ꞌen ꞌuntꞌoh be ꞌóhket ꞌinkꞌez súlhghi inleꞌ.