Matthew 16:4 - Yak'usda Ooghuni

⁴ ꞋAndit yinka dilhtsꞌi lubeshi tsꞌu nintꞌine ꞌuhintꞌoh. ꞋAhoolhyiz dune tsꞌeke bulh nintaꞌhutitꞌelh-un, whutsꞌó nintꞌi. Hooncha huwa ꞌítꞌen-un whuntilhꞌelh hukwaꞌ hitisꞌen. ꞋEt hoontsꞌi ꞌaw hoohꞌen-un nohghá holtsꞌit ꞌaitꞌoh. Jonah bulh dáhooja inleꞌ la, ꞌet za whutihꞌelh wheꞌ hoontꞌoh!” ubúlhni, ꞌinkꞌez bughu whenája.

Matthew 16:4 Iomraidhean Croise

Genesis 6:3

ꞋEt Moodihti (Yahweh) ꞌutni, “Syoghi ꞌaw ꞌilhiz wheni dune bulh buchꞌaz dotni ꞌaitꞌoh. ꞋAlha ndi yun kꞌut dune unli ꞌet hoontsꞌi whunizyat whunizyai ꞌinkꞌez nat whunizyai (120) be yus kꞌut tileh whe ndi yun kꞌut tidalh.”

Matthew 15:14

Butsꞌá ha lhozahꞌai! Moodih hoos̱ꞌenne leꞌ hintꞌoh. ꞋEt ndiz unꞌa njan duhoontꞌoh, ꞌilhoghun hoos̱ꞌen-un ꞌinkꞌez ꞌilhoghun hoos̱ꞌen-un ghunli de, nahúltꞌoh tsa kꞌet ꞌá hatiltsꞌulh.”

Matthew 16:5

ꞋEt nyan hoozki whe yugha hodulꞌehne lhes nahodilhnoh.

Mark 8:12

Jesus tube hibadzo ꞌúdija ꞌinkꞌez ubúlhni, “Di ha ꞌandit dunene huwa ꞌítꞌen-un hukwa hitisꞌen? ꞌalhaꞌ nohdúsni ꞌaw ndi yun kꞌut whuduneꞌne ndúhoontꞌoh-un huhooꞌen ꞌaitꞌoh.”

Mark 8:38

ꞋAndit yukꞌedinzutne lubeshi ꞌuhutꞌen ꞌinkꞌez dune tsꞌeke bulh nintaꞌhutꞌih hinli, ꞌet hoontsꞌi mbe la si ꞌinkꞌez sughuni cha yukaya unli de, Yinka Dune Yeꞌ, ꞌen cha yukaya tileh, lizas bulh ooBá ootsꞌu ha yánduz-i toh whusanája de.”

Acts 18:6

ꞋEt hoontsꞌi ndet buba ꞌalhaꞌ lheꞌdusnih ꞌinkꞌez hoontsiꞌ te neꞌhiduniꞌ de, ꞌet la bulez chꞌa dunaih nayughat ꞌinkꞌez ꞌubulhni, “Ninta nahkat de, nohnichꞌoh whuzahni wheꞌ tihnelh. Si skꞌé hoꞌalh ꞌaítꞌoh. ꞋAndit whutsꞌun ꞌudun yun kꞌut whutꞌenne, ꞌenne la butsꞌu tóosyaꞌ!”

Acts 2:40

ꞋEt Peter saꞌ whe bubulh yálhduk ꞌinkꞌez buba nus whúnilhtꞌi ꞌinkꞌez ubúlhni, “ꞋUdudúlhyis! Ndunne ntsiꞌne buchꞌaz nálhꞌah, ꞌinkꞌez bubulh ꞌahtꞌen iloh, Yakꞌusda dzoh nubutilhdeh wheꞌ hoontꞌoh.”