Matthew 16:3 - Yak'usda Ooghuni

³ Bundadaꞌ yat kwꞌus bulh dulkꞌun suliꞌ whunulhꞌen de, ꞌawet ꞌazih whudutitsiꞌ dahni. Nohni duba naꞌudzooꞌne ꞌahli! ꞋEt ndo yat dawhutꞌen la tꞌeoonáhzun. ꞋEt hoontsꞌi ndoyá whudizulh dawhutꞌen la, ꞌaw tꞌeoonuzáhzun!

Matthew 16:3 Iomraidhean Croise

Matthew 11:5

Hoos̱ꞌenne cha huhooꞌen nahusdliꞌ. Dzoh nudilhne, nahudilh nahusdliꞌ. Ooka whulhjutne cha leprosy, butsun hooloh nahusdliꞌ, ꞌinkꞌez lheꞌdústsꞌone cha ꞌuhuditsꞌo nasdliꞌ. Yaidlane cha dunahudidil ꞌinkꞌez telꞌenne cha khuni unzoo-i be bubulh yainduk.

Matthew 15:7

Duba naꞌudzooꞌne ꞌahli! Nus hooꞌen Isaiah, ꞌen ꞌudaꞌ honꞌen ꞌinkꞌez tsꞌihꞌun unꞌa ꞌutni nohni nohghun. Njan ndutni,

Matthew 22:18

ꞋEt hoontsꞌi Jesus tꞌeooninzun ntsꞌenꞌa la hoontsiꞌ kꞌoh tsꞌe hoontꞌoh, ꞌet huwa ꞌubulhni, “ꞋEt di ha soo zúlhtsꞌi? Nohni duba naꞌudzooꞌne ꞌahtꞌoh!

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 7:5

Duba naꞌindzooꞌ! ꞋUdechoo lhelcho-i nyuna kꞌéltsꞌut-i, ꞌi cho nyuna kꞌéhanainꞌaih. ꞋEt de la soo whunilhꞌen whe oona kꞌéltsꞌut-i oona kꞌehanáyonꞌalh.

Luke 11:44

ꞋEt nohni Moses be ꞌudustlꞌus ꞌukꞌu nunáguzne ꞌinkꞌez nohni Phariseene, dune nalh duba naꞌahdzooꞌ. Dawhultsiꞌ-un ꞌet nohtsꞌu hóoltsꞌulh! Nohni tsꞌun kꞌut ꞌa dahla-un, ꞌaw dune lhunohisꞌen leꞌ ꞌahtꞌoh, ꞌinkꞌez ꞌa dahla-un dune tꞌehonúszun whe nohkꞌunuhudilh.”

Luke 12:56

Nohni dune nalh duba naꞌudzooꞌne ꞌahtꞌoh! Ndi yun kꞌut ꞌinkꞌez yat cha dawhutanelh-un tꞌeoonahzun. ꞋEt hoontsꞌi dáhoontꞌoh huwa dawhutanelh ꞌaw tꞌeoonuzáhzun?

Luke 13:15

ꞋEt neMoodihti ꞌuyulhni, “Dune nalh duba naꞌudzooꞌ-un ꞌintꞌoh! ꞌalhaꞌ lawk ilohghun ꞌahli whe natsꞌulyis dzin nohmusdoos dune kꞌus nohmuyool te musdoos bayoh ꞌadultsiꞌ-un, kꞌunawhꞌuk ꞌinkꞌez too kꞌez toolhdlooh ꞌaitꞌoh?

Hebrews 5:14

ꞋEt hoontsꞌi but dutsꞌun-i, ꞌi nchane baꞌ ꞌuntꞌoh. Ndunne hodulꞌeh howun nuni nuzutne ꞌinkꞌez hikꞌuneꞌ hutꞌen ꞌet whe bubeni ulhtus lheh, ꞌenne ꞌuhintꞌoh. ꞋEnne unzoo-i ꞌinkꞌez ntsiꞌ-i bulh tꞌehinínzun.