Matthew 16:28 - Yak'usda Ooghuni

²⁸ Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 16:28 Iomraidhean Croise

Matthew 10:23

Njan keyoh dzoh nanóhahulhdzut de, ꞌet ꞌudun keyoh tsꞌe buchꞌa tóohdilh. Keyoh whuti ꞌet cha dzoh nunohohulhdeh de, doo cha ꞌon ꞌun keyoh buchꞌa tóohdilh. ꞋAlhaꞌ ndusni ꞌet Yinka Dune Yeꞌ whusatiyalh whutso, ꞌaw Israel ootsꞌu haindene, ꞌenne bukeyoh tsꞌiyawh whutulhóhdilh ꞌaitꞌoh.

Matthew 16:13

Jesus Caesarea Philippi buyun kꞌuz whinya whe yugha hodulꞌehne, buboodulhkut, “Si, Yinka Dune Yeꞌ ꞌustꞌoh, dunene, mbe whe ꞌustꞌoh hutni?”

Matthew 24:3

ꞋEt ha ooditꞌai-unyaz dzulh Olive huyulhni, ꞌet hukwꞌusda. Yugha hodulꞌehne tsꞌiyawh highu nindil, ꞌinkꞌez whuꞌizyaz huyoodulhkut, “Nkede ꞌuwhutánelh? Ntsꞌowhuya hoozulh whe whusanátandalh, ꞌinkꞌez ntsꞌowhuya whudizulh whe whula toh whutaleh? Ndet whe hóodutaltsilh-un, ꞌet huwa la tꞌetsꞌonoozeh? Nedíni!”

Matthew 24:34

ꞋAlhaꞌ tsꞌihꞌun unꞌa nohdusni, ꞌandit whudizulhne ꞌaw yalhihitásdla, whe tsꞌiyawh ꞌet lhawhúdutanelh, ꞌet whutsꞌun.

Matthew 24:42

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Matthew 26:64

ꞋEt Jesus ndúyulhni, “Nyunchꞌoh ꞌet ꞌúdini. Njan huwun nohbulh yasduk, kꞌat le de Yinka Dune Yeꞌ, ꞌen ulhtus-un, ꞌen nailhni tsꞌunkꞌus yughu usda, ꞌet whutihꞌelh. ꞋInkꞌez kwꞌus kꞌut ndus de ha tiyalh, ꞌet cha whutihꞌelh.”

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Mark 13:26

ꞋEt de Yinka Dune Yeꞌ, kwꞌus toh bé whunujut ye ulhtus-i bulh ꞌinkꞌez Yakꞌusda ootsꞌu ha yánduz-i be hóodutaltsilh.

Mark 8:38

ꞋAndit yukꞌedinzutne lubeshi ꞌuhutꞌen ꞌinkꞌez dune tsꞌeke bulh nintaꞌhutꞌih hinli, ꞌet hoontsꞌi mbe la si ꞌinkꞌez sughuni cha yukaya unli de, Yinka Dune Yeꞌ, ꞌen cha yukaya tileh, lizas bulh ooBá ootsꞌu ha yánduz-i toh whusanája de.”

Mark 9:1

ꞋEt ꞌubulhni, “ꞋAlhaꞌ nohdusni, tsꞌiyanne Yakꞌusda ye úlhtus-i be hikꞌúneꞌ ꞌutꞌen-i whusáwhutiltsꞌulh, whulohne njan dilhtsꞌine hotiꞌelh dahútitsa whutso.”

Luke 18:8

ꞋInkꞌez ꞌunohdusni, ꞌahoh buba kꞌutítnelh! ꞋEt hoontsꞌi Yinka Dune Yeꞌ ndi yun kꞌut whusanája de, soo eh dune ooba ꞌalha ꞌuhoontꞌohne naitálelh?”

Luke 2:26

Datitsah whutso neMoodihti ooChrist tsꞌutni-un yutiꞌelh. Whuz unꞌa Ndoni whutꞌeinalhdzin.

Luke 9:27

ꞋAlhaꞌ nohdusni, whulohne njan nudilhyanne ndet la dahutitsah-un ꞌet whutsꞌun Yakꞌusda whe lerwe unli-un, ꞌet dahutitsa whutso hotiꞌelh.”

John 21:22

ꞋEt Jesus uyúlhni, “Whusanátisdalh whutsꞌun ꞌet hoonaꞌ hukwaꞌ nuszun de, nyun mba lheꞌhootꞌoh. ꞋEt nyun sunanyalh.”

John 8:51

Soo tsꞌihꞌun unꞌa nohdúsni, mbene la sghuni yoontúnne, ꞌaw dahóotsah ꞌaítꞌoh.”

John 8:52

ꞋEt Lizwifne ꞌuhuyúlhni, “ꞋAndit ꞌawet tꞌétsꞌonínzun ntsiꞌ-i nudúdeh-i nyudínda! Abraham ꞌinkꞌez nus hóoꞌenne yahadla, ꞌet hoontsꞌi ꞌunedíni, mbene la nghuni yoontúnne, ꞌaw dahóotsah ꞌaítꞌoh díni.

Acts 1:11

“Galilee whutꞌenne, di ha ꞌet núdulhya ꞌinkꞌez ndo yat tsꞌe whunulhꞌen? Ndun Jesus ndo yakꞌuz tsꞌe nohghu whenája-un ꞌandit nulhꞌen ndo yakꞌuz whenája, whuz unꞌa za whusanátidalh,” ꞌubuhútni.

1 Corinthians 15:23

ꞋEt hoontsꞌi ꞌilhoghun hinli whe ntsꞌoya buba hoozulh whe bugha óoninꞌai, ꞌet whuz unꞌa ꞌuhutitꞌelh. Christ ꞌen ꞌudechoo-un suliꞌ. ꞋEt hukwꞌelhꞌaz mbene la Christ oochꞌeꞌne hinli whe buba whusanátidalh, ꞌet de ꞌenne cha dunahudutádulh ꞌinkꞌez nahuhitátnaih.

1 Thessalonians 1:10

ꞋInkꞌez ooYeꞌ, yakꞌuz tsꞌu hainya-un, ꞌen cha ooba sulhꞌi. Jesus ꞌen ꞌuntꞌoh. ꞋEn yaidlane butoh dunaidilhti ꞌinkꞌez Yakꞌusda ye nebulh hunilchꞌe-i negha tikulh-i, ꞌi chꞌa neulhyis-un, ꞌen ꞌuntꞌoh.

Hebrews 2:9

ꞋEt hoontsꞌi mbe la ꞌatsulyaz huba lizas anyo ꞌuntꞌoh yulhtsi-un, ꞌen uznilhꞌen. Jesus ꞌen ꞌuntꞌoh. Dzoh nusuzut whe dazsai ꞌet huwa soo ꞌuntꞌoh-un yulhtsi ꞌinkꞌez whe diztiꞌ-un, ꞌet cha yutlꞌa hónꞌai. ꞋEt whuz unꞌa Yakꞌusda ye unzoo-i, ꞌi be tsꞌiyanne buba dazsai.

James 5:7

ꞋInka sulhutsinke neMoodihti whusanátidalh whutsꞌun, ꞌet huba sulhꞌih. Dune ha níyeh ꞌulhꞌen-un, ndi haínulhyeh-i, ꞌi soo ꞌúlcho tileh whutsꞌun, saꞌ whe yuba sulhꞌi. ꞋOlulh ꞌinkꞌez dakꞌet naootilhtelh-un, ꞌet huba sulhꞌi.

2 Peter 1:16

ꞋEt neMoodihti Jesus Christ, ꞌen ye ulhtus-i ꞌinkꞌez whusanatidalh-un cha, ꞌet whunohuznilhtan. Ndunne tube whunistꞌi be yalhdukne, ꞌenne ꞌet whuz unꞌa whulohne tsꞌihꞌun unꞌa khuni lheꞌitꞌoh-i ꞌuhulhꞌen. ꞋEnne bukꞌunꞌa iloh wheni whunoh uznulhtun. ꞋEt kꞌus ꞌoh daꞌ whenichꞌoh ꞌet nena be hooncha whe ootsꞌu ha yanduz-un, ꞌet cha tsꞌonalhꞌen.

1 John 2:28

Suzkehkeyaz ndun ꞌen za bulh óohtꞌeꞌ. ꞋEt whe la nohnalhtsꞌet hainya de, ꞌinkꞌez whusanája de, nedzi ulhtus unli ꞌinkꞌez ꞌaw hoonli hukwaya lhtsꞌiloh whe la oobut núzdolyaꞌ.