Matthew 16:25 - Yak'usda Ooghuni

²⁵ Whe khuna-un huwu hotilhyihne, ꞌenne ninta huhútaꞌalh. ꞋEt hoontsꞌi mbe la whe khuna-un si sgha ninta ooninꞌai de, whe khuna-un nahootáꞌalh.

Matthew 16:25 Iomraidhean Croise

Matthew 10:39

Mbe la whe khuna-un, ꞌet hoolhyih hukwa ꞌutꞌen, ꞌen whe khuna-un ninta ootáꞌalh whe ꞌuntꞌoh. ꞋEt mbe la si sgha ye khuna-i ninta inínꞌai, ye khuna-i nayitáꞌalh.”

Matthew 16:26

Dune ndi yun nduwhúlcho oochꞌeꞌ whúzdliꞌ de, ꞌinkꞌez duzul ꞌi ninta inínꞌai de, ndet whuchꞌa óotaldoh? Kꞌus duzul di kꞌelha suba nayoket?

Mark 8:35

ꞋEt mbene la si sanus dukꞌunꞌa za hukwaꞌ ninzunne, ꞌenne ꞌaw ꞌilhiz wheni hukhoonaꞌ ꞌaitꞌoh. ꞋEt hoontsꞌi mbe si ꞌinkꞌez sughuni unzoo-i gha cha ye khuna-i nintaininꞌai de, yutilhyih whe ꞌuntꞌoh.

Luke 17:33

Mbe la dichꞌoh whe khuna-un, ꞌet ꞌududoolyih hukwa ꞌutꞌen-un, ꞌen ye khuna-i ninta itáꞌalh. ꞋInkꞌez mbe la whe khuna-un ninta ooninꞌai de, ꞌen ꞌudutilyih whe ꞌuntꞌoh.

John 12:25

Mbe la dune ye khuna-i yukꞌensiꞌ de, ꞌet de ye khúna-i ninta itáꞌalh whe ꞌuntꞌoh. ꞋEt hoontsꞌi mbe la ndi yun kꞌut ye khúna-i ooba ꞌantsꞌi yintꞌoh de, yootatun whe ꞌilhiz ooleꞌ hutinalh.

Revelation 12:11

ꞋUsbaiyaz buzkaiꞌ be, ndi khuni Yakꞌusda ghu yalhduk-i cha, ꞌi ndowhi tsꞌiyawh whe netsudule chꞌaꞌ hunilhde, ꞌinkꞌez ꞌaw hukwꞌelha yahitadlah-un whelhuhuniljut.