Matthew 16:24 - Yak'usda Ooghuni

²⁴ Jesus ꞌet yugha hodulꞌehne ndúbulhni, “Dune seꞌ ꞌutꞌen kꞌoh ootꞌen ha suntiyalh hukwaꞌ ninzun de, yun kꞌut datsꞌíntꞌoh-un, ꞌet whula dootni, ꞌinkꞌez dutulalhgus yólhchoot ꞌinkꞌez suntooyaꞌ.

Matthew 16:24 Iomraidhean Croise

Matthew 10:38

ꞋInkꞌez mbene la dutulalhgus lhudistel de, ꞌinkꞌez sulhonisdulh de, sba soo lheꞌhildzooꞌ.

Matthew 27:32

ꞋAwet Jesus tehínilhti whe ꞌilhoghun dune Cyrene whutꞌen-un ꞌuntꞌoh, Simon huyulhni, hidudizdil whe ndi Jesus ootulalhgus ooba idantelh huyúlhni.

Mark 10:21

ꞋEt Jesus yukꞌensiꞌ whe yunalhꞌen ꞌinkꞌez uyúlhni, “ꞋIlhoghun za whuyit ꞌintꞌoh, naindalh ꞌinkꞌez ꞌintꞌi-i tsꞌiyawh be ꞌóonket ꞌinkꞌez sooniya telꞌenne gha níndzaih, tulalhgus ilhchoot ꞌinkꞌez ꞌanih, seꞌ ꞌutꞌen kꞌoh tuneꞌ óntꞌen ha sunanyalh. ꞋEt de yakꞌuz hoonzoo-un, ꞌet whuchꞌa ootálhdoh.”

Mark 15:21

ꞋEt hidulh whe ꞌilhoghun dune, Simon huyúlhni-un, ꞌoh whuya uyalh. ꞋEn hidudizdil ꞌinkꞌez Jesus ootulalhgus yuba idutitelh ha huwa húyalhꞌa. Simon Cyrene whutꞌen-un, ꞌen Alexander ꞌinkꞌez Rufus bubá ꞌuntꞌoh.

Mark 8:34

ꞋEt Jesus ꞌilhozdilne ꞌinkꞌez yugha hodulꞌehne tubulh, “ꞋAnih,” ubúlhni, “Mbe suntiyalh hukwaꞌ ninzun-un dichꞌoh duba moodih naoodleꞌ ꞌaitꞌoh. Dutulalhgus yudutootan ꞌinkꞌez suntooyaꞌ.

Luke 14:27

ꞋInkꞌez mbe la dutulalhgus lhudistel-un suntiyal-un, ꞌaw sgha hodilꞌeꞌ-un ooleꞌ ꞌaitꞌoh.

Luke 23:26

ꞋAwet Jesus hitilhti whe ꞌilhoghun dune Simon huyulhni, Cyren whutꞌen-un, whenghoh keyoh tsꞌe hainya, Jesus ootulalhgus yuba idutootan ha hiwus kꞌehídintan.

John 19:17

ꞋInkꞌez dutulalhgus yuditelh whe ꞋUtsin Tsꞌun huwhútni, whuz oozya. ꞋEt Hebrew kꞌunꞌa Golgotha huwhútni.

John 21:19

ꞋEt Jesus ndúyulhni whe ntsꞌenꞌa la datítsah whuz unꞌa Moodihti yudutálhtiꞌ, ꞌet wheínulhtun whe ꞌutni. ꞋEt ndi daniꞌ hukwꞌelhꞌaz ꞌet, “Sunanyalh,” yúlhni.

John 21:22

ꞋEt Jesus uyúlhni, “Whusanátisdalh whutsꞌun ꞌet hoonaꞌ hukwaꞌ nuszun de, nyun mba lheꞌhootꞌoh. ꞋEt nyun sunanyalh.”

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Colossians 1:24

ꞋEt ꞌandit Christ ꞌen gha nohba dzoh nuszut-un hoonústꞌiꞌ. ꞋEt syustꞌe kꞌoh ꞌuhoontꞌoh-un ꞌi be ꞌen ooyustꞌe ba lhaoodutisdleh. Ndi ooyustꞌe, ꞌi Yakꞌusda ba ꞌilhunaoodulh-un, ꞌet ꞌuwhúlhni.

1 Thessalonians 3:3

ꞋEt njan dune dzoh nuneulhdeh-un whe nohba dzoh ooleꞌ junih. Nohnichꞌoh tꞌeoonahzin njan nebaꞌ hóolya wheꞌ hoontꞌoh.

2 Timothy 3:12

ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh.

1 Peter 2:21

Njan ꞌet wheni nohkaꞌ whudaniꞌ, Christ ꞌen cha neba dzoh nusúzut. ꞋEn ookꞌunꞌa buneꞌúznootꞌen ha whunénilhtan. ꞋEt huwa ꞌen za butsꞌun toodilh hubaꞌ hoontꞌoh.