Matthew 16:23 - Yak'usda Ooghuni

²³ Peter yutsꞌu nálhꞌa ꞌinkꞌez ꞌuyulhni, “Satan stꞌa nenínyaih! Sba dzoh ꞌudini! Yakꞌusda datꞌen-un, ꞌaw howu nuni lhnuzinzut. Ndi yun kꞌut dune neꞌhutꞌen-un, huwun nuni ninzut!”

Matthew 16:23 Iomraidhean Croise

Genesis 3:17

ꞋEt Adam ꞌulhni, “Nꞌat oozalhtsꞌaiꞌ ꞌet huwa ꞌinkꞌez ndi duchun oomaiꞌ, ‘Onꞌalh junih,’ nyudusni, inꞌal ꞌet huwa, nyun mba ndi yun ꞌi ookehida, ꞌutꞌen be ootsꞌu huyukat-i tanꞌulh yun ka tandalh ndwhulyiz whe.

Matthew 16:22

ꞋEt Peter Jesus ꞌudun neínilhti ꞌinkꞌez hukwaꞌ yudániꞌ, “SMoodihti nyun Yakꞌusda ngha teꞌuntazeh! ꞋAw nyulh ꞌet ndúhoneh ꞌaitꞌoh!”

Matthew 18:7

Ndi yun kꞌut dilhtsꞌine, hukwaya hoonli tuneꞌ ꞌutꞌenne, ꞌ dawhultsiꞌ-un, butsꞌu hóoltsꞌulh wheꞌ hintꞌoh. Hukwaya hoonli tuneꞌ whutitꞌen wheꞌ hoontꞌoh. ꞋInkꞌez mbe la oogha ꞌet ndúhooja-un, dawhultsiꞌ-un, hotiꞌelh wheꞌ hoontꞌoh!

Matthew 4:10

ꞋInkꞌez Jesus yulhni, “Satan naindalh! ꞋUkꞌehooguz whe njan ndutni, ‘Moodihti nYakꞌusda, ꞌen za Oobut negwutsi be netsꞌiyaih, ꞌinkꞌez Ootsꞌu téniꞌ uznilhdzun, ꞌinkꞌez ꞌen za Ooba néꞌtsꞌutꞌen.’”

Mark 8:33

Jesus yugha hodulꞌehne butsꞌun nálhꞌa ꞌinkꞌez Jesus Peter hukwaꞌ yúlhni, “Satan stꞌa nenínyaih! Ndi yun kꞌut hoonli za ghu nuní ninizut. ꞋAw Yakꞌusda oochꞌeꞌ ooghu nuní lhnuzinzut.”

Luke 4:8

ꞋEt Jesus nduyulhni, “Satan stꞌá tsꞌinyalh! ꞋEt ꞌukꞌehóoguz whe njan ndutni, ‘Moodihti nYakꞌusda ꞌaw ꞌen za oobut negwutsi be netsꞌiyaih, ꞌinkꞌez ꞌen za ootsꞌu teniꞌ uznilhdzun. ꞋInkꞌez ꞌen za ooba neꞌtsꞌutꞌen.’”

John 6:70

ꞋEt Jesus ꞌubulhni, “ꞋAlhaꞌ iloh lakw nohni whunizyane ꞌon ꞌat nane, ꞌenne ꞌutáhanóhisdla, ꞌinkꞌez nohtoh ꞌilhoghun ꞌen netsudule unli.”

Romans 14:13

ꞋEt huwa ꞌandit whutsꞌun ꞌaw ꞌuyoonne ba nalhtsꞌuhoosye. Tsꞌiyawh whuz unꞌa za ꞌuznoozin, ꞌaw ꞌon ꞌat neyulhutsinke Jesus Christ hichꞌaz naóolꞌah ha whuz lhubuznoolhtꞌi, kꞌus buba dzoh ꞌuzdooniꞌ junih.

Romans 14:21

ꞋUtsung tíhꞌulh, kꞌus tsꞌekoo tooꞌ tihnelh, kꞌus ndai la ꞌilhꞌen-i, ꞌi gha nohulhutsin ooba nawh ꞌuwhutꞌih, kꞌus ooba dzoh cha lhih, kꞌus ye ꞌalhaꞌ ninzun-i cha tetsun lhih de, ꞌet ndahtꞌen de, ꞌaw nohba tsꞌihꞌun lheꞌhóotꞌoh.

Philippians 3:19

Ooba ꞌalhaꞌ lheꞌhootꞌohne nintaꞌhutitꞌelh. Bubut ꞌi buba Yakꞌusda unli. Ndi yun kꞌut yooya tsꞌiyawh hiyulh ꞌuntꞌoh ꞌinkꞌez ꞌi za hiba whudílhtiꞌ. Ndi yun kꞌut hoonli-i, ꞌi za ghu nuni hunudeh.

Colossians 3:2

Ndo yakꞌuz tsꞌe dahoontꞌoh la ꞌet za noheni toh whudólhꞌaꞌ, ndi yun kꞌut ꞌuhoontꞌohꞌun, ꞌet iloh huwun nuní nahzut.