Matthew 16:21 - Yak'usda Ooghuni

²¹ ꞋEt whutsꞌun Jesus yugha hodulꞌehne, whubunulhtun nus daootanelh la. Jerusalem tsꞌu tiyalh. Keyoh ꞌutso whudilhdzulhne, lubret bumoodihne, ꞌinkꞌez Moses be ꞌudustlꞌus ꞌukꞌu nunáguzne cha, ꞌenne bube lhat-un whe dzoh nuhítilhdzut, ꞌinkꞌez hituzilhghelh. ꞋInkꞌez whulh tát dzin dunadutádalh.

Matthew 16:21 Iomraidhean Croise

Matthew 12:40

Tat dzin ꞌinkꞌez tat ꞌulhdzis Jonah lho cho chandandaꞌ. Whuz unꞌa za Yinka Dune Yeꞌ ꞌen tat dzin ꞌinkꞌez tat ꞌulhdzis yun yo tsꞌe ꞌutitelh.

Matthew 16:22

ꞋEt Peter Jesus ꞌudun neínilhti ꞌinkꞌez hukwaꞌ yudániꞌ, “SMoodihti nyun Yakꞌusda ngha teꞌuntazeh! ꞋAw nyulh ꞌet ndúhoneh ꞌaitꞌoh!”

Matthew 16:28

Soo tsꞌihꞌun unꞌa nohdusni, whulohne njan núdilhyane, dahutitsah whutsꞌo Yinka Dune Yeꞌ whe lerwe unli-un, whuz unꞌa whuz de uyalh de, dahútitsa whutsꞌo huyuntilhꞌelh.”

Matthew 17:12

ꞋEt hoontsꞌi nohdusni, Elijah ꞌudaꞌ whusainya whe ꞌuntꞌoh. ꞋInkꞌez ꞌaw tꞌehinúszun. Hukwaꞌ huninzun kꞌunꞌa ꞌuhuyinla. ꞋEt whuz unꞌa za ꞌenne bula kꞌez Yinka Dune Yeꞌ dzoh nutizut.”

Matthew 17:9

Dzulh kꞌut whenáhudidil whe, Jesus khuni ulhtus-i be bubulh yalhduk ꞌubulhni, “Yinka Dune Yeꞌ yaidlane toh dunadija de za whutsꞌun ndet hoohꞌen-un, ꞌuyoonne dóhniꞌ!”

Matthew 20:28

Whuz unꞌa za Yinka Dune Yeꞌ, ꞌaw ooba neꞌwhutitꞌen hukwa whusálhiyal. ꞋEt kꞌus dune buba neꞌutꞌen-un tileh ꞌinkꞌez buba datitsah, ꞌet whuz unꞌa lhane naootakulh. ꞋEt hukwa whusainya.”

Matthew 26:2

“Tꞌeoonahzun nat dzin whuzꞌai whe butus lhuseya-un ꞌet whunahutilnih. ꞋEt de Yinka Dune Yeꞌ butlꞌa hitilhtelh ꞌinkꞌez tulalhgus kꞌehúyitalhtelh.”

Matthew 26:47

ꞋAwhuz yalhduk whe khuntsul Judas, whusainya. ꞋEn ndunne whunizyane ꞌon ꞌat nane whelꞌaꞌne, ꞌilhoghun ꞌuntꞌoh. ꞋEn bulh lhane dune yulh whusaindil. Whulohne saluzti nuhúle, ꞌinkꞌez whulohne tutꞌoh nódule. Lubret bumoodihne ꞌinkꞌez dune ꞌutso whudilhdzulhne, whusahábahalhꞌaꞌ.

Matthew 27:12

ꞋInkꞌez Lizwif bumoodihne ꞌinkꞌez dune ꞌutso whudilhdzulhne cha, hikꞌehoꞌalh hukwaꞌ hutꞌen. ꞋEt hoontsꞌi ꞌaw hoonli lheꞌdínel.

Matthew 27:63

ꞋEt ꞌuhúyulhni, “Nemoodih ndun nenanꞌa-un ꞌawhuz khuna whe daja neúlhni la, ꞌet whunatsꞌilnih ‘Tat dzin inleꞌ de dunádutásdalh,’ ni.

Matthew 28:6

ꞋAw njan hooloh! Dunadija whe ꞌuntꞌoh. Ntsꞌenꞌa la datínelh ni, whuz unꞌa dunadija whé ꞌuntꞌoh. ꞋAnih, njan whunulhꞌen, ndet la neMoodihti ilhteꞌ-un!

Mark 8:31

ꞋEt ꞌawet Jesus yugha hodulꞌehne whubodulhꞌeh ꞌinkꞌez ubúlhni, “Yinka Dune Yeꞌ lhat-un whe dzoh nuhítilhdzut. ꞋUtso whudilhdzúlhne, lubret moodihne ꞌinkꞌez Moses be ꞌudustlꞌus ꞌukꞌu nunáguzne cha tsꞌiyawh hika lheꞌuntszilh. Hituzilhghelh ꞌinkꞌez whulh tát dzin dunádutádalh.”

Mark 9:12

Jesus ꞌet ubúlhni, “Elijah ꞌalhaꞌ ꞌudechoo whusatíyalh tsꞌiyantsuk lhaóodutileh ha. ꞋEt hoontsꞌi di ha Yakꞌusda ooghuni ꞌukꞌu nusgúz-i ꞌet ndutni ‘Yinka Dune Yeꞌ dzoh nutízut ꞌinkꞌez hitsꞌo dilhꞌoh neꞌhutilhꞌen?’

Luke 17:25

ꞋEt hoontsꞌi ꞌudechoo lhat-un whe dzoh nutizut hubaꞌ hoontꞌoh. ꞋInkꞌez ꞌandit whudizulhne dune hikalheꞌuntiszil.

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

Luke 9:31

Bubusaoolkalh ꞌinkꞌez bube hóodatꞌen. Jerusalem tsꞌe datinelh whe datítsah-un lhaóodutileh, ꞌet huwun huwu yáhalhduk.