Matthew 16:20 - Yak'usda Ooghuni

²⁰ ꞋInkꞌez yugha hodulꞌehne khuniti be ubúlhni, “Khun te ꞌuyoonne dóhniꞌ junih si Jesus Christ, ꞌustꞌoh.”

Matthew 16:20 Iomraidhean Croise

Matthew 1:16

Jacob Joseph oobá ꞌuntꞌoh. ꞋEn Mary ooki ꞌinkꞌez Mary be Jesus whuzdli. ꞋEn Christ huyulhni.

Matthew 16:16

ꞋEt Simon Peter yatilhduk, “Nyun Christ, Yakꞌusda khuna-un, ꞌen ooYeꞌ ꞌintꞌoh,” yúlhni.

Matthew 17:9

Dzulh kꞌut whenáhudidil whe, Jesus khuni ulhtus-i be bubulh yalhduk ꞌubulhni, “Yinka Dune Yeꞌ yaidlane toh dunadija de za whutsꞌun ndet hoohꞌen-un, ꞌuyoonne dóhniꞌ!”

Matthew 8:4

ꞋEt Jesus ꞌuyulhni, “ꞋUyoonne doniꞌ junih! Lubret ꞌen ootsꞌinyalh ꞌinkꞌez tsꞌihꞌun unꞌa díni nyustꞌe ntsꞌenꞌa whe soo naꞌuja ꞌinkꞌez nyunoolhꞌen. Moses ooghuni ꞌutni kꞌunꞌa huwaꞌ tanꞌalh. Whuz unꞌa whubuntalhtun dainja whe soo naꞌinja-un.”

Mark 8:30

Jesus khuni ulhtus ꞌi be ubúlhni, “Si sghun dune dóhniꞌ junih!”

Mark 9:9

ꞋEt dzulh kꞌut nyo nanáhidil whe Jesus khuni ulhtus-i be ubúlhni, “Khun te ꞌuyoonne dóhniꞌ junih! Ndet hoohꞌén-un, Yinka Dune Yeꞌ dunadutádalh ꞌet whutsꞌun.”

Luke 2:11

ꞋAndit dzin David ookeyoh, nohtilhyis-un nohba whuzdli. ꞋEn Christ neMoodihti tsꞌutni-un.

Luke 9:21

ꞋEt khuniti be ꞌubulhni, “Khun te ꞌuyoonne te dóhniꞌ junih!”

Luke 9:36

ꞋEt yaduk-un ꞌetsul ꞌuwhudija whe Jesus dichꞌoh za ꞌuntꞌoh whe hinilhꞌen, teꞌhudínel ꞌinkꞌez ꞌaw dune lhodínel ndun hohonꞌen-un.

John 1:41

ꞋEn ꞌaho dulhutsin, Simon huyulhni, ꞌen yughu ninya ꞌinkꞌez yudániꞌ, “Ndun Messiah ꞌawet natsꞌilhti,” yúlhni. (Ndi Messiah, Christ ni whe ꞌutni.)

John 1:45

ꞋEt Philip ꞌen Nathanael huyúlhni, ꞌen nayilhti, “Ndun mbe be la Moses dude ꞌudustlꞌus kꞌut yughun ꞌukꞌunéꞌ ꞌuzguz-un, ꞌinkꞌez Yakꞌusda be nus hóoꞌenne highun ꞌukꞌuneꞌ ꞌúzguz-un, ꞌen natsꞌilhti. ꞋEn ꞌuntꞌoh Jesus, Joseph ooyeꞌ unli. Keyoh Nazareth huwhútni, ꞌet whutꞌi,” yúlhni.

John 11:27

ꞋEt Martha ꞌuyulhni, “A sMoodihti, sba ꞌalha ꞌuhoontꞌoh nyun Yakꞌusda ooYeꞌ, Christ, mbe la ndi yun kꞌeitayalh-un, ꞌen ꞌintꞌoh.”

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

Acts 2:36

ꞋEt huwa Israel ootsꞌu hainzutne tsꞌiyawh tꞌehonozin, ꞌalhaꞌ ndun Jesus tulalhgus undunulhtꞌó-un, ꞌen Yakꞌusda Moodihti ꞌinkꞌez Christ yulhtsi.”

1 John 2:22

Mbe Jesus ꞌen Christ unli ꞌet whutsꞌoodidlai-un, ꞌen whutsꞌit-un ꞌuntꞌoh. ꞋEn Christ chꞌaz ditni-un ꞌuntꞌoh. ꞋEn ꞌuntꞌoh neBá ꞌinkꞌez ooYeꞌ bulh butsꞌoodidlai.

1 John 5:1

Tsꞌiyanne Jesus, ꞌen Christ ꞌuntꞌoh, ooba ꞌalha ꞌuhoontꞌoh-un, ꞌen Yakꞌusda yé ulhtus-i be whuzdli-un ꞌuntꞌoh. Mbene la ndun ꞌilhiz be tsꞌuhutinalh-un negha óoninꞌai-un, hikꞌensiꞌ de, mbene la ꞌen be yé ulhtus-i whuzdline, ꞌenne cha bukꞌehoosiꞌ hubaꞌ hoontꞌoh.