Matthew 16:19 - Yak'usda Ooghuni

¹⁹ ꞋEt yakꞌuz whulerwe usda-un, whulugli ntlꞌa tisdlelh. Ndai la yun kꞌut whedinguz-i, ꞌet ꞌudaꞌ yakꞌuz cha whedintꞌi. ꞋEt ndai la ndi yun kꞌut kꞌunainꞌuk-i, ꞌet yakꞌuz cha ꞌudaꞌ whuz unꞌa kꞌunatitꞌuk.”

Matthew 16:19 Iomraidhean Croise

Matthew 18:18

ꞋAlhaꞌ dusni wheꞌ dusni, nohni ndai la ndi yun kꞌut oola dihtni de, ꞌi ndo yakꞌuz cha oola oodutitnih. ꞋEt ndi yun kꞌut ndai lhgha ꞌúhudija de, ꞌi ndo yakꞌuz cha lhgha ꞌúwhutanelh.

John 20:23

Mbene la bulubeshi buba ꞌun tilhdilne, ꞌenne ꞌudaꞌ buba ꞌun tizkat whe ꞌuntꞌoh. ꞋInkꞌez mbene la bulubeshi buba ꞌun lhituzulhdilne ꞌaw buba ꞌun lhitikulh whe ꞌuntꞌoh.”

Acts 15:7

Saꞌ hukwꞌu nuhúhulhya whe Peter dudinya ꞌinkꞌez ubúlhni, “Sulhutsinke tꞌeoonáhzun ꞌudaꞌ whe Yakꞌusda nohtáhasálhti Yakꞌusda ooghuni unzoo-i ghun ꞌudun yun kꞌut whutꞌenne bubulh yaóosduk ha, khun si sodótsꞌo ꞌinkꞌez buba ꞌalhaꞌ hotꞌeꞌ ha.

2 Corinthians 2:10

ꞋInkꞌez mbe hoonli ooba ꞌún whutulhdilh de, si cha ooba ꞌún whutisdulh. Hoonli ooba ꞌún whutusdilh-un, mbe la ooba ꞌún whutusdilh-un, ꞌen Christ oonalh nohni cha nohba ꞌún whutusdilh ꞌet huwa.

1 Thessalonians 4:8

ꞋEt huwa mbe la ndi khuni hidotsꞌo hukwa lheꞌhunizun, ꞌaw dune chꞌaz nultꞌine lhuhiloh. Yakꞌusda chꞌaz nultꞌine za ꞌuhintꞌoh. ꞋInkꞌez Yakꞌusda Ndoni ꞌen cha negha ininꞌai-un unli.

Revelation 1:18

Khuna-un ꞌustꞌoh. Dasúsai inleꞌ ꞌinkꞌez sunilhꞌen, ꞌilhiz ꞌinkꞌez ꞌilhiz wheni khusna. ꞋEt ndo honeh! Hades ꞌinkꞌez yatsꞌadlah-un whulugli nusdle.

Revelation 11:6

Ndunne nane, ꞌenne ndo yat chan chꞌa whudánaꞌhudutaꞌalh bubaꞌ hoontꞌoh. Nus hoohooꞌen whutoh ꞌet ꞌaw nalhótilhtel ꞌinka. ꞋInkꞌez ndi too ꞌi cha ꞌuskaiꞌ hitilhtselh. ꞋInkꞌez ndi yun kꞌut hukwaꞌ huninzun totsuk hiye dzoh nutideh-i nudútizut, ꞌet nduhóotꞌen ha butlꞌa hóoltsꞌut.

Revelation 3:7

“ꞋEt keyoh Philadelphia dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Ndun lubeshi ooghu hooloh-un, tsꞌihꞌun ꞌuntꞌoh-un cha, ꞌinkꞌez lerwe David oolugli naꞌa-un. Ndun dáhaꞌ daꞌaih-un, ꞌaw dune danaꞌ doꞌalh ꞌaitꞌoh. ꞋInkꞌez dánaꞌ diꞌaih-un ꞌaw dune daha naꞌdooꞌalh ꞌaitꞌoh. ꞋEn ꞌutni:

Revelation 9:1

ꞋEt bulh kwulane lizas be tsꞌujih-i be ꞌudija, ꞌinkꞌez sum ndus de yun kꞌéltsꞌut, ꞌet whunusꞌen. ꞋEn ndi tsa kꞌet whucho whutlꞌah hooloh-un whulugli, ꞌen ootlꞌa yíltsꞌut.