Matthew 16:18 - Yak'usda Ooghuni

¹⁸ ꞋInkꞌez nyudúsni, nyun Peter ꞌintꞌoh. ꞋEt ndi tse ꞌi kꞌut slugliz neootasꞌalh. Njan Kwuncho ulhtus-i yo tsꞌu haindilne, ꞌenne hoontsꞌi ꞌaw whuchꞌa hoolhdeh ꞌaitꞌoh.

Matthew 16:18 Iomraidhean Croise

Genesis 22:17

Be soo hoonzoo-un ꞌi ꞌutisdlilh, mba soo hoonzoo-un tileh. ꞋInkꞌez ntsꞌu haindene lhane whutaleh, sum kꞌunꞌa huldlai tileh, sai taba usdzai-i cha ꞌet ꞌultsuk-i hutileh ntsꞌu haindene, ꞌinkꞌez nchꞌaz ditnine bukeyoh ꞌi huyootatun.

Matthew 10:2

ꞋEt whunizyane ꞌon ꞌat nane whelꞌaꞌne bubooziꞌ; ꞌudechoo Simon, Peter cha huyulhni; bulhutsin ꞌen Andrew; James cha Zebedee ooyeꞌ, ꞌinkꞌez bulhutsin John;

Matthew 11:23

ꞋInkꞌez nohni Capernaum whutꞌenne yakꞌuz huba soo ꞌáhtꞌoh kwuncho yo tsꞌu nohotilhdulh! ꞌalha ꞌudaꞌ hoolhtus-un nohnat neꞌwhustꞌen, Sodom whutꞌenne, bunat ꞌet ndúhooja de, dudzi nahondunizdla de, ꞌawhuz daꞌ bukeyoh ꞌet whuzdla ooleꞌ daꞌ.

Matthew 18:17

ꞋInkꞌez ꞌaw lhunoh oozílhtsꞌai de, ꞌet de Yakꞌusda ba ꞌilhunaoodulhne cha budóhni. ꞋEnne cha ꞌaw lhuboozílhtsꞌai de, ꞌet de mbe la ꞌaw ooba ꞌalha lheꞌhootꞌoh-un kꞌus mbe la sooniya ꞌilhunaoosꞌaih-un, ꞌet ndun lubeshi be ndulhyo ꞌuja-un, ꞌen ꞌenne bukꞌunꞌa noolhꞌen.

Matthew 4:18

Bunghun Galilee taba Jesus ꞌoh whuya uyalh ꞌet nane dune lhulhutsinke ꞌubutilhꞌen. ꞋIlhoghun ꞌen Simon huyulhni Peter cha huyulhni, ꞌet ꞌilhoghun bulhutsin ꞌen Andrew huyulhni. ꞋEnne lhembilh tahúyalhdil lho ha ꞌutꞌenne hinli.

Matthew 7:24

“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

John 1:42

ꞋInkꞌez Jesus ꞌen yughu inílhti. Jesus yunalhꞌen ꞌinkꞌez ꞌuyulhni, “Nyun Simon Jonas ooyeꞌ ꞌen ꞌintꞌoh, ꞌet hoontsꞌi Cephas nyuhudutánelh,” yúlhni. (Ndi Cephas ꞌi Peter ꞌi za ꞌuntꞌoh ꞌinkꞌez ꞌi tse ni whe ꞌutni.)

Acts 2:47

ꞋEt mbene la ooba ꞌalha ꞌuhoontꞌohne Yakꞌusda ba hodílhtiꞌ, ꞌinkꞌez Jerusalem whutꞌenne, ꞌenne cha butsꞌun hínzoo. Mbene la dijízne, ꞌenne neMoodihti dzin totsuk ꞌon nus ꞌuhuniltsuk bubulh tsíh.

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.

Acts 8:1

ꞋEt nyoon Saul hiyeni kꞌunꞌa ꞌuyínla. ꞋEt dzin za Jerusalem tsꞌe Jesus ba ꞌilhozdílne bube túzilalh ꞌinkꞌez dzoh nótizut. ꞋEt tsꞌiyanne ooba ꞌalha ꞌuhoontꞌohne Judea ꞌinkꞌez Samaria whutꞌenne bukeyoh tsꞌe whuz tsꞌiyawh whutabonínyoot. Whelꞌaꞌne, ꞌenne za ꞌawet hudilhtsꞌi.

1 Corinthians 15:55

ꞋEt huwa ꞌutsꞌutni, bé datsꞌutsah-i ꞌaw ꞌon ꞌat be datsꞌootsah ꞌaítꞌoh. ꞋInkꞌez be datsꞌutsai-i, ꞌaw oochꞌaꞌ ninde.

Galatians 2:9

ꞋInka James, Cephas, ꞌinkꞌez John, ꞌenne butsꞌutni keyoh whuduchun unline, ꞌenne ndi ye unzoo-un ꞌet stlꞌa hónꞌai, ꞌet tsꞌihꞌun unꞌa tꞌehonanzin, ꞌet de Barnabas ꞌinkꞌez si cha ꞌet huwa nela nahúzꞌai. ꞋEt whuz unꞌa tsꞌiyanne whúbuznilhtan, wheni ꞌinkꞌez James, Cephas ꞌinkꞌez John te lhulh ꞌutsꞌintꞌoh za búznidulh. Wheni ꞌudun yun kꞌut whutꞌenne butsꞌúztidulh, ꞌinkꞌez ꞌenne Lizwifne butsꞌu hutidulh.

Ephesians 3:10

ꞋEt whe yakꞌuz tsꞌe mbene la ꞌudetso whudilhdzulhne, ꞌinkꞌez mbene la moodihne, ꞌenne tsꞌiyawh Yakꞌusda ba ꞌilhunaoosdilne bugha ndo Yakꞌuz dilhtsꞌine, Yakꞌusda ye whunih-i tsꞌiyawh ndet ꞌuwhúlhni-un bubutꞌewhuntilhzeh.

Ephesians 5:32

Ndi buba wheꞌ hoontꞌoh hooyoh-un, ꞌet hooncha wheꞌ hoontꞌoh. ꞋEt daja dusni wheꞌ dusni, mbe la Christ tsꞌutni-un ꞌinkꞌez Yakꞌusda ba ꞌilhunaoodulhne, ꞌenne ꞌudúsni.

Colossians 1:18

ꞋInkꞌez Yakꞌusda ba ꞌilhunaoodulhne, hiyustꞌe hinli, ꞌen butso whudilhdzulh-un ꞌuntꞌoh. Mbe ꞌudechoo wheꞌ whuditꞌen-un, ꞌen ꞌuntꞌoh. ꞋInkꞌez yaidlane butoh, ꞌen ꞌudechoo whuzdli-un ꞌuntꞌoh. ꞋEt ꞌen tsꞌiyaitsuk yanus diztiꞌ-un ꞌuntꞌoh.

1 Timothy 3:15

ꞋEt hoontsꞌi saꞌyaz neꞌzustꞌen de, ꞌet de ndi ꞌudustlꞌus ꞌi gha la tꞌeoononzin whe Yakꞌusda ooyoh dahutitꞌelh-un. Yakꞌusda gha ꞌilhodulhne, ꞌenne Yakꞌusda khuna-un ooyoh hinli wheꞌ hintꞌoh. Ndunne ꞌilhunaoodulhne ndi khuni ꞌalhaꞌ ꞌuntꞌoh-i be highunli ꞌinkꞌez tsꞌihꞌun unꞌa highu yalhduk.

1 Timothy 3:5

ꞋEt tsꞌihꞌun unꞌa duyoh dilhtsꞌine bughunli ꞌaw tꞌeoonuszun de, ntsꞌenꞌa Yakꞌusda ba ꞌilhunaoodulhne bughu tileh?

Hebrews 12:28

ꞋEt huwa ntsꞌe Yakꞌusda lerwe unli-un, ꞌet ꞌaw nohóohootnah ꞌaitꞌoh. ꞋEt netsꞌu whutikulh. ꞋInkꞌez ye unzoo-i, ꞌi be si Yakꞌusda, ꞌen neba díztiꞌ-un ꞌinkꞌez neba be óonujut-un, ꞌen ooba neꞌtsꞌootꞌen.

Revelation 11:15

ꞋEt ꞌawet whúlh lhtakꞌantꞌit-un lizas be tsꞌújih-i be ꞌudíja. ꞋEt yakꞌuz tsꞌe lhane tube njan duhutni, “Ndi yun kꞌut lerwene bukeyoh neMoodihti ꞌinkꞌez ooChrist, buchꞌeꞌ whuzdliꞌ. ꞋInkꞌez ꞌilhiz ꞌinkꞌez ꞌilhiz wheni lerwe tileh.”

Revelation 21:14

Nyo keyoh whuti sih whunasaꞌa-i, ꞌi whunizyai ꞌon ꞌat nanki tse lhelhdoh didowh-i ookꞌu whuzꞌai. ꞋInkꞌez whunizyane ꞌon ꞌat nane ꞌusbaiyaz ba whelꞌaꞌne bubooziꞌ hukwꞌusguz.