Matthew 16:16 - Yak'usda Ooghuni

¹⁶ ꞋEt Simon Peter yatilhduk, “Nyun Christ, Yakꞌusda khuna-un, ꞌen ooYeꞌ ꞌintꞌoh,” yúlhni.

Matthew 16:16 Iomraidhean Croise

Matthew 1:16

Jacob Joseph oobá ꞌuntꞌoh. ꞋEn Mary ooki ꞌinkꞌez Mary be Jesus whuzdli. ꞋEn Christ huyulhni.

Matthew 14:33

Tsꞌi bet dilhtsꞌine, tsꞌiyawh hibut nachánilya ꞌinkꞌez ꞌuhuyulhni, “ꞋAlhaꞌ nyun Yakꞌusda ooYeꞌ ꞌintꞌoh!”

Matthew 16:15

ꞋEt ꞌubulhni, “Nohni doꞌ, mbe ꞌustꞌoh dahni?”

Matthew 26:63

Jesus ꞌaw tꞌedusnih. ꞋEt lubret ꞌukꞌenus diztiꞌ-un, yulhni, “Mbe la Yakꞌusda khuna-un, ꞌen be nyudusni yatolhdih hubaꞌ hoontꞌoh. ꞋI be mba nahutideh. Nedini Christ Yakꞌusda ooYeꞌ, ꞌen eh ꞌintꞌoh?”

Matthew 27:54

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Matthew 4:3

ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Mark 14:61

ꞋEt hoontsꞌi Jesus tꞌedusni ꞌinkꞌez ꞌaw yalhtílhdih. ꞋEt doo cha za lubret yoodulhkut, “Nyun eh Christ ꞌintꞌoh? Yakꞌusda díztiꞌ-un ooYeꞌ inli?”

Luke 2:11

ꞋAndit dzin David ookeyoh, nohtilhyis-un nohba whuzdli. ꞋEn Christ neMoodihti tsꞌutni-un.

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 11:27

ꞋEt Martha ꞌuyulhni, “A sMoodihti, sba ꞌalha ꞌuhoontꞌoh nyun Yakꞌusda ooYeꞌ, Christ, mbe la ndi yun kꞌeitayalh-un, ꞌen ꞌintꞌoh.”

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

John 6:57

SBá, ꞌilhiz wheni khuna-un, ꞌen whuz de sútilhꞌaꞌ. ꞋEn gha si cha ꞌilhiz wheni khusna. ꞋEt whuz unꞌa mbe la skꞌut dune unli-un, si sgha ꞌilhiz ooleꞌ hutinalh.

John 6:68

ꞋEt Simon Peter uyúlhni, “NeMoodihti, mbe suba ootsꞌuztoodilh? Nyun za khuni ꞌilhiz wheni be tsꞌúkhuna-i ꞌintꞌi,

John 6:69

ꞌinkꞌez neba ꞌalhaꞌ ꞌintꞌoh. Tꞌétsꞌonínzun nyun Christ ꞌen ꞌintꞌoh. Yakꞌusda ꞌilhiz wheni khuna-un, ꞌen ooYeꞌ ꞌintꞌoh!” yúlhni.

Acts 14:15

“Di ha ꞌet ndahtꞌen? Wheni cha nohkꞌunꞌa dune tsinli, ꞌaw Yakꞌusda lhtsꞌíloh wheꞌ tsꞌintꞌoh. Njan khuni unzoo-i nohghá uztiꞌalh ꞌet wheni whusatsꞌánꞌaz. Ndi nohtsiꞌ unli-i nohyakꞌusdane oochꞌaz nálhyeh ꞌinkꞌez Yakꞌusda khuna-un ootsꞌun nálhyeh. ꞋEn ꞌuntꞌoh yat, ndi yun kꞌut, yatooꞌ cha, ꞌinkꞌez ndai la ookꞌut whuyoonli-i tsꞌiyawh ꞌuyínla whe ꞌuntꞌoh.

Acts 8:36

Higooh whe too hoonli-un hugho ningoo. ꞋEt nyoon moodih ꞌutni, “Njan too hooni. Dáhoontꞌoh huwa ꞌaw too beꞌ ꞌóoznih ꞌaítꞌoh?”

Acts 8:37

ꞋEt Philip uyúlhni, “ꞋAlha mba ꞌalha ꞌuhoontꞌoh de, ꞌet too beꞌ talnelh.” “Jesus Christ ꞌen Yakꞌusda ooYeꞌ ꞌuntꞌoh, ꞌet sba ꞌálhaꞌ hoontꞌoh!” yúlhni.

Acts 9:20

ꞋEt ꞌaho Lizwif bulugliz tsꞌe danínya ꞌinkꞌez Christ ghun bubulh yáwhenilhduk, “ꞋEn Yakꞌusda ooYeꞌ ꞌúntꞌoh,” ubúlhni.

Romans 1:4

Yakꞌusda cha unli. Yakꞌusda ye ulhtus-i gha dazsai ꞌinkꞌez dunadija. ꞋEt whe Ndoni whunénilhtan ꞌen Yakꞌusda ooYeꞌ ꞌúntꞌoh.

2 Corinthians 1:19

ꞋEt Jesus Christ Yakꞌusda ooYeꞌ ꞌuntꞌoh. ꞋEt ꞌoh daꞌ Sylvanus, Timothy, ꞌinkꞌez si cha ꞌen ghun ꞌi be nohbulh yátsꞌulhduk daꞌ, ꞌaw, “A” ꞌinkꞌez, “ꞋAwundooh” lhtsꞌu dínel inleꞌ, ꞌen be, “A” za ꞌuntꞌoh ꞌet huwa.

2 Corinthians 3:3

Whunulhꞌen whe Christ whutsꞌó kꞌeyanguz-i léꞌahtꞌoh. Ndai la ꞌukꞌeguz-i ꞌaw bé kꞌuneguz be lhéꞌinel, Yakꞌusda ye khuna-i, ꞌen ooyughi ꞌen be ꞌukꞌéguz whe ꞌuntꞌoh. ꞋAw tse kꞌut ꞌukꞌu lhíguz, dune budzi kꞌut ꞌukꞌéguz whe ꞌuntꞌoh.

2 Corinthians 6:16

Ntsꞌenꞌa suba Yakꞌusda oolugliz whucho ꞌinkꞌez ꞌukꞌeltsi bulh lhghaꞌ titꞌelh? Soo cho whunulhꞌen Yakꞌusda whe khúna-un, ꞌen oolugliz whucho ꞌahli. ꞋEt Yakꞌusda ndutni, “Budzi yo ꞌustꞌoh ꞌinkꞌez butunusya. BuYakꞌusda tisdleh ꞌinkꞌez ꞌenne sduneꞌne hutileh.”

1 Thessalonians 1:9

ꞋEnne didutchꞌoh nohni nohghun nebulh nahuhoolnuk ꞌet whe kꞌeke nedáhtni. ꞋInkꞌez ntsꞌenꞌa ꞌukꞌeltsi nohba ꞌalhaꞌ ꞌuntꞌoh-un, ꞌet whuchꞌa nasahdil whe Yakꞌusda tsꞌu nasulhya. Yakꞌusda, mbe khuna-un, ꞌinkꞌez ꞌalhaꞌ Yakꞌusda unli-un, ꞌen za ooba oohtꞌen ha.

1 Timothy 3:15

ꞋEt hoontsꞌi saꞌyaz neꞌzustꞌen de, ꞌet de ndi ꞌudustlꞌus ꞌi gha la tꞌeoononzin whe Yakꞌusda ooyoh dahutitꞌelh-un. Yakꞌusda gha ꞌilhodulhne, ꞌenne Yakꞌusda khuna-un ooyoh hinli wheꞌ hintꞌoh. Ndunne ꞌilhunaoodulhne ndi khuni ꞌalhaꞌ ꞌuntꞌoh-i be highunli ꞌinkꞌez tsꞌihꞌun unꞌa highu yalhduk.

1 Timothy 4:10

ꞋEt wheni ꞌutsꞌutꞌen ꞌinkꞌez dzóh nutsꞌudeh. Yakꞌusda khuna-un, ꞌen ootꞌa niuznitan ꞌet huwa. ꞋEn tsꞌiyanne butilhyis hukwaꞌ ninzun, ndunne yuba ꞌalhaꞌ yintꞌohne, ꞌenne soo ubulhyis.

Hebrews 10:31

Yakꞌusda khuna-un, oola kꞌetsꞌultsꞌuk te, whe whunujut whe ꞌuhoontꞌoh.

Hebrews 12:22

Ndi dzulh ooghun nohuzdániꞌ-i, ꞌaw whuz whe lhahdulh. Kꞌus ndi dzulh Zion tsꞌutni, ꞌi ootsꞌóozahdil. Yakꞌusda khuna-un, ꞌen ookeyoh whuti ꞌuhoontꞌoh. ꞋInkꞌez keyoh whuti Jerusalem tsꞌuwhútni. ꞋEt yakꞌuz whuzꞌai. Lizas huldlai kꞌet, ꞌaw ꞌuzdooniꞌ ꞌaitꞌoh.

Hebrews 3:12

Sulhutsinke nohnichꞌoh soo cho huwahli! Nohni nohtoh whulohne tilah nohdzi tankꞌus ꞌuntꞌoh ꞌet whe ꞌaw nohba ꞌalhaꞌ lheꞌhóotꞌoh. ꞋEt huwa Yakꞌusda ꞌilhiz wheni ꞌuntꞌoh-un, doo ka si ꞌen oochꞌaz naóolhyeh.

Hebrews 9:14

ꞋEt hoontsꞌi Christ ꞌen dichꞌoh duduzkaiꞌ ꞌi be ꞌon nus dáwhulcho whe neyo tsꞌe oogha tꞌetsꞌoninzun-i ꞌet tsꞌiyawh neba whunaꞌalhde. ꞋUtsꞌulhꞌen-i, ꞌaw nela ꞌootꞌen ꞌaitꞌoh, ꞌantsꞌet ꞌuhoontꞌoh. ꞋEt huwa Yakꞌusda, mbe la khuna-un, ooba néꞌtsꞌootꞌen hubaꞌ hoontꞌoh. Christ ꞌen ꞌuja ꞌaw hoonliyaz bulh lhodíꞌoh whe Ndoni mbe la ꞌilhiz khuna-un, ꞌen be Yakꞌusda yutlꞌaꞌ dudilti, neba datítsah ha.

1 John 4:15

Mbe Jesus Yakꞌusda ooYeꞌ ꞌuntꞌoh ni-un, ꞌen Yakꞌusda yuyudínda ꞌinkꞌez didut cha Yakꞌusda bulh ꞌuntꞌoh whé ꞌuntꞌoh.

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.

1 John 5:5

Ndun Jesus ꞌen Yakꞌusda ooYeꞌ unli ooba ꞌalha ꞌuhoontꞌoh-un, ꞌen ndi yun kꞌut ꞌutꞌen ntsiꞌ-i chꞌaꞌ ꞌulhdeh.

Revelation 7:2

ꞋEt ꞌuyoon lizas ndaz de ndo útꞌoh whe tísꞌen. Yakꞌusda khuna-un ye hóodalhꞌeh-i, ꞌi yiꞌalh. ꞋEt ndunne dine lizasne, ꞌultus whe ꞌubulhni ꞌenne yun ꞌinkꞌez yatoo bulh nintaꞌhotálhꞌelh ha bughá whultsꞌut.