Matthew 16:14 - Yak'usda Ooghuni

¹⁴ ꞋEt ꞌuhuyulhni, “Whulohne, nyun John dune too be ꞌulhꞌen-un ꞌintꞌoh hutni. Whulohne cha, Elijah ꞌintꞌoh hutni. ꞋOnghohne cha, Jeremiah ꞌintꞌoh hutni. ꞋInkꞌez whulohne nus hooꞌen-un ꞌilhoghun ꞌintꞌoh hutni.”

Matthew 16:14 Iomraidhean Croise

Matthew 14:2

ꞌinkꞌez Herod de ꞌustlenne ꞌubulhni, “Ndun ꞌen John dune too be ꞌulhꞌen-un, ꞌen ꞌuntꞌoh. Yaidlane toh nahítnaꞌ. ꞋEt huwa ꞌutꞌen hoolhtus teneꞌútꞌen.”

Matthew 16:15

ꞋEt ꞌubulhni, “Nohni doꞌ, mbe ꞌustꞌoh dahni?”

Matthew 17:10

Yugha hodulꞌehne huyoodulhkut, “Moses be ꞌudustlꞌus ꞌukꞌu nunáguzne, di ha ꞌuhutni, Elijah ꞌen cho whusatiyalh hubaꞌ hoontꞌoh hutni?”

Matthew 3:1

ꞋOh whuya hoozulh whe John dune too be ꞌulhꞌen-un Judea yun kꞌut dune lhuhootꞌi tsꞌe, whuz whinya ꞌinkꞌez dune bulh yalhduk.

Mark 6:15

Whulohne cha, “Elijah ꞌutꞌen,” hutni. ꞋEt ꞌuyoonne cha ꞌuhutni, “ꞋUdaꞌ hukwꞌunꞌa Yakꞌusda be nus hóoꞌen-un ꞌutꞌen,” hutni.

Mark 8:28

ꞋEt yugha hodulꞌehne huyúlhni, “Whulohne ꞌuhutni John dune too beꞌ ꞌulhꞌen-un ꞌintꞌoh. ꞋUyoonne ꞌuhutni Elijah ꞌen Yakꞌusda whusaítilhꞌalh-un ꞌintꞌoh. ꞋUyoonne cha Yakꞌusda be nus hóoꞌenne ꞌilhoghun ꞌintꞌoh hutni.”

Luke 9:8

ꞋInkꞌez ꞌuyoonne cha ꞌuhutni, “ꞋEn Elijah ꞌuntꞌoh whe nenalhtsꞌet hainya.” ꞋEt ꞌonghohne cha nduhutni, “ꞋUdaꞌ yinka Yakꞌusda be nus hooꞌenne, ꞌilhoghun nakhítnaꞌ-un ꞌutꞌen.”

John 1:21

ꞋEt huyoodulhkut, “Mbe inli? Elijah tilah ꞌintꞌoh?” “ꞋAwundooh,” ubúlhni. “Yakꞌusda be nus hóoꞌen-un ooghu yaduk inleꞌ-un, ꞌen tilah ꞌintꞌoh?” huyúlhni. ꞋEt cha, “ꞋAwúndooh,” ubúlhni.

John 7:12

ꞋEt ꞌilhozdílne didutchꞌoh dutoh whuꞌízyaz whe highu yalhduk. Whulohne cha ꞌen unzoo hutni, ꞌinkꞌez whulohne cha ꞌawundooh dune nanaꞌah hutni.

John 9:17

ꞋEt doo cha za ndun hoos̱ꞌen inleꞌ-un ꞌuhuyúlhni, “Hónꞌen nyulhtsi, ꞌet huwa ꞌen ooghun daja dini?” “ꞋAlhaꞌ nus hóoꞌen-un ꞌuntꞌoh,” ubúlhni.