Matthew 16:11 - Yak'usda Ooghuni

¹¹ Ntsꞌenꞌa ꞌahtꞌoh tꞌeoonuzahzun, ꞌaw lhes ghun nohbulh yalhuzusduk? ꞋUdaꞌ nohdasniꞌ, Phariseene ꞌinkꞌez Sadduceene cha, bules untuldoh-i huwohleꞌ.”

Matthew 16:11 Iomraidhean Croise

Matthew 16:1

ꞋAwet Phariseene ꞌinkꞌez Sadduceene cha, highu nindil ꞌinkꞌez huyóolhdzih whe huyoodulhkut, “Yakꞌuz whutsꞌun hooncha tuneꞌ whutꞌen-un, whunénolhtun ꞌaitꞌoh?”

Matthew 16:12

ꞋEt ꞌaho tꞌehoninzun Phariseene ꞌinkꞌez Sadduceene cha, dune huhodulhꞌeh-un, ꞌet whuchꞌa buchꞌa huwahli, ꞌet ꞌuwhulhni. Lhes bulh untuldoh-i, ꞌi íloh uyúlhni.

Matthew 16:6

ꞋEt Jesus ꞌubulhni, “Kahdli ndunne Phariseene ꞌinkꞌez Sadduceene cha, ꞌenne bules untuldoh-i chꞌa.”

Matthew 3:7

ꞋEt hoontsꞌi lhane Phariseene ꞌinkꞌez Sadduceene cha, too beꞌ hutilnelh ha highu nindil. Hubunilhꞌen ꞌinkꞌez ndúbulhni, “Nohni lubezo tlꞌughus buzkehke leꞌ ꞌáhtꞌoh! Yakꞌusda lubeshi ꞌulhꞌenne bubulh huntalchꞌoh-un, ꞌet whuz de hóoltsꞌulh, mbe ꞌunohulhni whuchꞌa úlhwus?

Mark 4:40

ꞋEt Jesus yugha hodulꞌehne ndúbulhni, “Dahoontꞌoh huwa stabe nulhjut, ꞌaw eh bé ꞌalha ꞌuhoontꞌoh-i lhuhtꞌih whé ꞌahtꞌoh?”

Mark 8:15

ꞋEt Jesus bugha ꞌutni whe, “Huwohleꞌ, ꞌahoolhyiz khuhdli Phariseene ꞌinkꞌez Herod bules untuldoh-i chꞌa,” ubúlhni.

Mark 8:21

ꞋInkꞌez ubúlhni, “ꞋEt ꞌawhuz eh noheni tꞌalhodúlhtsꞌit?”

Luke 12:1

ꞋOh daꞌ whe lhane dune ꞌilhuhozdil. Huldlai kꞌet lhkꞌunuhúdilh chaꞌ hutꞌen. Mbene la yugha hodulꞌehne, ꞌenne cho ndubulhni, “Phariseene bules be untuldoh-i, ꞌi chꞌa soo cho howahli. ꞋI dune nalh ye dúba naꞌudzooꞌ-i, ꞌi ꞌuntꞌoh.

Luke 12:56

Nohni dune nalh duba naꞌudzooꞌne ꞌahtꞌoh! Ndi yun kꞌut ꞌinkꞌez yat cha dawhutanelh-un tꞌeoonahzun. ꞋEt hoontsꞌi dáhoontꞌoh huwa dawhutanelh ꞌaw tꞌeoonuzáhzun?

John 8:43

Di ha nohbulh yasduk-un, ꞌaw tꞌewhunuzáhzun. Daja nohdusni-un ꞌaw sudóhtsꞌo hukwa lheꞌnáhzun ꞌet huwa.