Matthew 15:9 - Yak'usda Ooghuni

⁹ Ndunne ꞌantsꞌet stsꞌun teni ꞌuhunoolhzin. ꞋI Yakꞌusda ooghuni netlꞌa idanꞌai-i ꞌi kꞌunꞌa dune khuni be whubohodulhꞌeh.’”

Matthew 15:9 Iomraidhean Croise

Matthew 15:10

ꞋEt Jesus ꞌilhunaoodulhne, “ꞋAnih! Diz áhdulh!” ꞌinkꞌez ndúbulhni, “Soo zúlhtsꞌai ꞌinkꞌez tꞌeoonahzeh!

Mark 7:7

Stsꞌun téni hunilhdzun doo ka ꞌuhutni, ndi yun kꞌut dune yugha néꞌulhꞌai-i, ꞌi Yakꞌusda ooghuni huyilhꞌi whe dune whubuhodulhꞌeh’.”

1 Corinthians 15:2

ꞋInkꞌez ndi khuni be nohbulh yásduk-i, ꞌi soo cho oohtun de, ꞌet ꞌi be dahjih. ꞋEt hoontsꞌi nohba ꞌalhaꞌ lheꞌhootꞌoh de, ꞌaw ookꞌedóohjih ꞌaítꞌoh.

1 Timothy 1:4

ꞋEnne ꞌudadaꞌ buba ꞌalhaꞌ yintꞌoh, ꞌinkꞌez lhelhdun butsodaꞌne buba ꞌalha ꞌuhoontꞌoh-un. Ndoohoontꞌoh huwa hukwa lhdulhyoh ꞌuhudutni. ꞋAw Yakꞌusda be ꞌutꞌen kꞌoh iloh ꞌuhoontꞌoh. Be ꞌalha ꞌuhoontꞌoh-i Yakꞌusda negha ininꞌai-i, ꞌi gha ꞌon nus tsꞌinzoo ꞌet huwa.

Titus 1:14

Lizwif be ꞌudadaꞌ ꞌaw buba ꞌalhaꞌ lheꞌyóosteꞌ. ꞋInkꞌez ndunne khuni ꞌalhaꞌ ꞌuntꞌoh-i chꞌaz nálhyane, ꞌenne bughuni uboozólhtsꞌaiꞌ junih.

Hebrews 13:9

Lhelhtsꞌun unꞌa ꞌinkꞌez hoontsiꞌ hukwꞌunꞌa dune hohodulhꞌeh, ꞌenne buboozólhtsꞌaiꞌ ꞌinkꞌez bukꞌuneꞌ oohtꞌen junih. Ndai lizwifne huyaꞌalh-i, ꞌi ꞌantsꞌi unli whe ꞌuntꞌoh. Mbene bukꞌunꞌa ꞌutꞌenne, ꞌaw bula ꞌeꞌwhudóneꞌ ꞌaitꞌoh. ꞋEt huwa ye unzoo-i, ꞌi be whuz unꞌa nedzi dizꞌai de, ꞌet de za tsꞌihꞌun ꞌuhoontꞌoh.

James 2:20

ꞋEt nyun tube whuzini! ꞋAwhuz eh tꞌeóonuzínzun? ꞋUtꞌen yit de, be ꞌalha ꞌuhoontꞌoh-i, ꞌaw hoonli lhiloh whe ꞌuntꞌoh.

Revelation 22:18

Ndi ꞌudustlꞌus be nus hootꞌen-i, be ꞌudustlꞌus ditsꞌone, huwahli nohdúsni. Mbe dichꞌoh khuni ꞌuyoo cha yulanaidanla-un, ndi dune ye dzoh nuzut-i ndi ꞌudustlꞌus kꞌut ooghun ꞌukꞌu nusguz-i, ꞌi ꞌon ꞌun cha ye dzoh nuzut-i, Yakꞌusda bugha óotaꞌalh.