Matthew 15:6 - Yak'usda Ooghuni

⁶ ꞋEt whuz unꞌa nohꞌeꞌutꞌen kꞌoh be ꞌaw duloo ꞌinkꞌez dubá bulh lhubudílhtiꞌ. ꞋI be Yakꞌusda ooghuni nohtlꞌa idanꞌai-i, ꞌi ꞌaw hoonli lhiloh sulhtsi!

Matthew 15:6 Iomraidhean Croise

Matthew 15:5

ꞋEt nohni ꞌudahni, ‘Mbe la dubá kꞌus duloo ndai ꞌustꞌi-i, ꞌi be daꞌ nohla ꞌoostꞌen ooleꞌ, ꞌi tsꞌiyawh Yakꞌusda gha núsdla.’

Matthew 15:7

Duba naꞌudzooꞌne ꞌahli! Nus hooꞌen Isaiah, ꞌen ꞌudaꞌ honꞌen ꞌinkꞌez tsꞌihꞌun unꞌa ꞌutni nohni nohghun. Njan ndutni,

Mark 7:13

ꞋEt huwa Yakꞌusda ooghuni ꞌaw lhoozúlhtsꞌai ꞌinkꞌez ookꞌú nulheꞌzahtꞌen. Whuz unꞌa dune whúbunulhtun lhat-un whe ꞌudun cha nohnichꞌoh nohkꞌunꞌa neꞌahtꞌen.”

Romans 3:31

ꞋEt whula gha tsꞌe, wheni Yakꞌusda ooba ꞌalhaꞌ tsꞌintꞌoh tsꞌihꞌun unꞌa naꞌtsꞌuja, ꞌet ndutsꞌíntꞌoh de, Moses be ꞌudustlꞌus oonatsꞌodutilnoh nuhzun eh? ꞋAwundooh! ꞋAwhuz ꞌet dizꞌai. ꞋI cha Yakꞌusda ooghuni ꞌuntꞌoh.

1 Timothy 5:16

Mbe dune kꞌus tsꞌeke ꞌen ooba ꞌalha ꞌuhoontꞌoh unli-un, ꞌinkꞌez ooloo tsandilh unli de, ꞌet de ndai la ye ndunidzit-i, ꞌi be bulaꞌ hootꞌen. ꞋEt whuz unꞌa ꞌonghohne Yakꞌusda ba ꞌilhunaoodulhne hoonliyaz bugha hooꞌalh ꞌaitꞌoh. ꞋEt nduhutꞌen de, ꞌet de la soo tsꞌihꞌun tsandilh unline, ndai hiye ndunidzit-i, ꞌi be bughu hooleꞌ.

1 Timothy 5:8

ꞋEt hoontsꞌi mbene ꞌaw dunatneke ghu lhilohne, ꞌinkꞌez duyoh dilhtsꞌine, ꞌenne ghu lhuhiloh de, ꞌet nduntꞌoh-un ndi be ꞌalha ꞌuhoontꞌoh-i yuchꞌaz nalꞌalh, ꞌinkꞌez ooba ꞌalhaꞌ lheꞌhootꞌohne ba nus lheꞌhizooꞌ whe ꞌuntꞌoh.