Matthew 15:32 - Yak'usda Ooghuni

³² Jesus yugha hodulꞌehne, ꞌanih ubudániꞌ ꞌinkꞌez ꞌúbulhni, “Ndunne dunene bugha téꞌnuszun. Tat dzin whutsꞌun njan szih hudilhtsꞌi ꞌinkꞌez ꞌaw huyaꞌalh-i lhuhítꞌiꞌ. ꞋAw lheꞌhusꞌal whe bukeyoh tsꞌe nabutoosꞌaꞌ ꞌaitꞌoh. Doo ka si, nahidulh tsꞌe bukaootoozit.”

Matthew 15:32 Iomraidhean Croise

Matthew 12:40

Tat dzin ꞌinkꞌez tat ꞌulhdzis Jonah lho cho chandandaꞌ. Whuz unꞌa za Yinka Dune Yeꞌ ꞌen tat dzin ꞌinkꞌez tat ꞌulhdzis yun yo tsꞌe ꞌutitelh.

Matthew 14:13

Jesus whulh ꞌudantsꞌo whe buchꞌa násja ꞌinkꞌez tsꞌi beinya ꞌinkꞌez disoh tsꞌe whinínki. ꞋEt hoontsꞌi lhane dune tꞌehonanzin ibulh ntsꞌe nehúninki tsꞌe, whuz lhelhdun keyoh whutꞌenne hiyuwhenándil.

Matthew 15:33

Yugha hodulꞌehne huyulhni, “Njan dune hooloh-un ꞌuhoontꞌoh. Ntsꞌez de suba soo ꞌúltsuk-i ꞌutꞌalh-i natsꞌólelh lheꞌultsukne dune gháztiꞌalh-i?”

Matthew 20:34

ꞋEt Jesus bugha teꞌnanzin whe dula be buna yutꞌaíznai. ꞋEt ꞌaho huhooꞌen suliꞌ, ꞌinkꞌez huyuntizꞌaz.

Matthew 27:63

ꞋEt ꞌuhúyulhni, “Nemoodih ndun nenanꞌa-un ꞌawhuz khuna whe daja neúlhni la, ꞌet whunatsꞌilnih ‘Tat dzin inleꞌ de dunádutásdalh,’ ni.

Matthew 9:36

ꞋEt hoontsꞌi ꞌilhunaoosdilne ꞌubunilhꞌen. Tsꞌiyawh nehunintsai dóhotꞌen, ꞌaw ꞌuhooneh ꞌaitꞌoh. ꞋInkꞌez tsꞌiyaitsuk laditnine dohotꞌen. ꞋAntsꞌi ꞌusbai ꞌaw bughunli-un hooloh leꞌ hintꞌoh.

Mark 9:22

“Lhat whe tsꞌoodun yuzoolhghelh hukwaꞌ yulhꞌen. Too be cha yuzoolhghelh hukwaꞌ yulhꞌen ꞌinkꞌez tsídunoh chaꞌ yulhꞌen. Sooꞌ tanlelh de, negha téꞌninzeh ꞌinkꞌez nela ꞌineh!”

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Acts 27:33

ꞋAwet yutílhkalh whe Paul ubúlhni, “ꞋUhooꞌalh, ꞌawet nat lisman hubalhꞌeꞌ ꞌet ndúhoolyiz whe ꞌaw hoonli lhuzahꞌal.

Hebrews 4:15

Nelubret ꞌukꞌenus diztiꞌ-un, ꞌen be tetsꞌutsun-i, ꞌi bulh ꞌalhgoh negha teꞌninzun datsꞌintꞌoh la tꞌeooninzun. ꞋEn lubeshi yit ꞌuntꞌoh ꞌet hoontsꞌi ꞌen cha wheni nekꞌunꞌa tsꞌiyantsuk tankꞌus óoneh ha óoldzih inleꞌ.